🔥 TRENDING दाहोद के त्विषा चिल्ड्रन्स हॉस्पिटल मे... When Will Government Schools Be Freed... Himanta Meets Foreign Minister in Delh... Denmark Greenlights Security Agreement... Nagaland Launches Statewide Campaign t... Amur Falcons Take Off on 3,000‑km Nons...
20 Nov 2026•
ગુજરાતી मराठी ਪੰਜਾਬੀ বাংলা
Local

शिरोशी ग्रामपंचायतीतील भ्रष्टाचाराविरोधात उपसरपंचांचे उपोषण; सरपंच व ग्रामसेवकाच्या निलंबनाची मागणी

✍️ Reporter: Kashinath Desale 🗓 17 Nov 2026, 09:24 AM 👁 76
Share: 💬 WhatsApp 📘 Facebook 𝕏 Post
नीड २४ न्यूज महाराष्ट्र

जिल्हा प्रतिनिधी काशिनाथ देसले ठाणे सह
तालुका प्रतिनिधी किशोर पवार मुरबाड
दिनांक १७/११/२०२६
विशेष वृत्त
ठाणे, मुरबाड (प्रतिनिधी): मुरबाड तालुक्यातील शिरोशी ग्रामपंचायतीच्या कारभारात मोठ्या प्रमाणावर आर्थिक अनियमितता आणि प्रशासकीय गैरव्यवहार झाल्याचे गंभीर आरोप समोर आले आहेत. या प्रकरणाची सखोल चौकशी करून संबंधित सरपंच आणि ग्रामसेवक यांच्यावर तत्काळ निलंबनाची कारवाई करावी, या मागणीसाठी उपसरपंच शेखर पांडुरंग देशमुख यांनी उपोषणाचे हत्यार उपसले आहे. यासंदर्भात त्यांनी ठाणे जिल्हा परिषद आणि महाराष्ट्र शासनाच्या संबंधित विभागांकडे लेखी तक्रार दाखल केली आहे.
नेमके आरोप काय आहेत?
• निधीचा गैरवापर: डिसेंबर २०२५ ते मे २०२६ या कालावधीत १५ व्या वित्त आयोगाचा निधी, ग्रामनिधी आणि तंटामुक्त गाव मोहिमेच्या निधीतून परस्पर पैसे काढण्यात आल्याचा आरोप तक्रारीत करण्यात आला आहे.
• नियमांचे उल्लंघन: कोणताही मासिक किंवा ग्रामसभेचा ठराव न घेता, तसेच ग्रामपंचायत सदस्यांना विश्वासात न घेता हा निधी खर्च करण्यात आला आहे.
• प्रशासकीय अनियमितता: गोळा केलेली घरपट्टीची रक्कम बँकेत जमा न करणे आणि नियमित ग्रामसभा न घेणे असे प्रकार घडल्याचे नमूद केले आहे.
• कामात हस्तक्षेप: महिला सरपंचाच्या पतीचा ग्रामपंचायतीच्या दैनंदिन कामकाजात अनाठायी हस्तक्षेप असल्याचा गंभीर आरोपही देशमुख यांनी केला आहे.
पाठपुरावा करूनही कारवाई शून्य
या गैरव्यवहारांबाबत उपसरपंच देशमुख यांनी यापूर्वी १५ जुलै, ७ सप्टेंबर, १ ऑक्टोबर आणि २ नोव्हेंबर २०२६ रोजी संबंधित वरिष्ठ अधिकाऱ्यांकडे लेखी तक्रारी केल्या होत्या. सर्व प्रत्यक्ष पुरावे सादर करूनही प्रशासनाकडून अद्याप कोणतीही ठोस कारवाई झालेली नाही. प्रशासनाच्या या उदासीनतेमुळेच अखेर उपोषणाचा मार्ग स्वीकारावा लागल्याचे उपसरपंचांनी स्पष्ट केले आहे. आता वरिष्ठ अधिकारी या प्रकरणाची दखल घेऊन दोषींवर काय कारवाई करतात, याकडे संपूर्ण तालुक्याचे लक्ष लागले आहे.
📲Get App