🔥 TRENDING Maharashtra toddler's video hits 137 m... Politicians Use GTA‑Style Memes to Tar... Russell Brand’s 2017 Wedding to Laura... Celebrities Showcase Indian Jewellery... Indian Weddings Return in Grand Style... Sai Pallavi's OM Event Performance Spa...
20 Nov 2026•
ગુજરાતી मराठी ਪੰਜਾਬੀ বাংলা

ਸਾਈਬਰ ਠੱਗੀ ਦੇ ਪੀੜਤ ਨੂੰ ਬਠਿੰਡਾ ਪੁਲਿਸ ਨੇ ਵਾਪਸ ਕਰਵਾਏ ₹2.15 ਲੱਖ

✍️ Reporter: Jiwan kumar 🗓 26 Oct 2026, 06:53 PM 👁 85
Share: 💬 WhatsApp 📘 Facebook 𝕏 Post

ਬਠਿੰਡਾ ਪੁਲਿਸ ਦੇ ਸਾਈਬਰ ਕ੍ਰਾਈਮ ਥਾਣੇ ਨੇ ਸਾਈਬਰ ਧੋਖਾਧੜੀ ਦੇ ਮਾਮਲੇ ਵਿੱਚ ਪੀੜਤ ਨੂੰ ₹2.15 ਲੱਖ ਦੀ ਰਕਮ ਵਾਪਸ ਕਰਵਾਈ ਹੈ। ਪੁਲਿਸ ਅਨੁਸਾਰ, ਇੱਕ ਅਣਜਾਣ APK ਫਾਈਲ ’ਤੇ ਕਲਿੱਕ ਕਰਨ ਮਗਰੋਂ ਪੀੜਤ ਦੇ ਕ੍ਰੈਡਿਟ ਕਾਰਡ ਰਾਹੀਂ ਅੱਠ ਲੈਣ-ਦੇਣ ਕਰਕੇ ₹2.30 ਲੱਖ ਦੀ ਠੱਗੀ ਹੋਈ ਸੀ। ਪੁਲਿਸ ਨੇ Amazon Pay ਨਾਲ ਪੱਤਰ ਵਿਹਾਰ ਕਰਕੇ ਰਕਮ ਵਾਪਸ ਕਰਵਾਈ ਅਤੇ ਲੋਕਾਂ ਨੂੰ ਅਣਜਾਣ ਫਾਈਲਾਂ ਤੇ ਲਿੰਕਾਂ ਤੋਂ ਸਾਵਧਾਨ ਰਹਿਣ ਦੀ ਅਪੀਲ ਕੀਤੀ।

APK ਫਾਈਲ ’ਤੇ ਕਲਿੱਕ ਕਰਨ ਮਗਰੋਂ ਕ੍ਰੈਡਿਟ ਕਾਰਡ ਰਾਹੀਂ ਹੋਈ ਸੀ ₹2.30 ਲੱਖ ਦੀ ਧੋਖਾਧੜੀ
ਬਠਿੰਡਾ, 26 ਅਕਤੂਬਰ (ਜੀਵਨ ਬਾਂਸਲ): ਬਠਿੰਡਾ ਪੁਲਿਸ ਦੇ ਸਾਈਬਰ ਕ੍ਰਾਈਮ ਥਾਣੇ ਵੱਲੋਂ ਤੁਰੰਤ ਕਾਰਵਾਈ ਕਰਦਿਆਂ ਸਾਈਬਰ ਧੋਖਾਧੜੀ ਦੇ ਇੱਕ ਮਾਮਲੇ ਵਿੱਚ ਪੀੜਤ ਨੂੰ ₹2,15,000 ਦੀ ਰਕਮ ਵਾਪਸ ਕਰਵਾਈ ਗਈ ਹੈ। ਪੁਲਿਸ ਅਨੁਸਾਰ, ਪੀੜਤ ਨਾਲ ਕੁੱਲ ₹2,30,000 ਦੀ ਧੋਖਾਧੜੀ ਹੋਈ ਸੀ।
ਪ੍ਰਾਪਤ ਜਾਣਕਾਰੀ ਅਨੁਸਾਰ, ਪੀੜਤ ਦੇ ਮੋਬਾਈਲ ਫੋਨ ’ਤੇ ਇੱਕ APK ਫਾਈਲ ਆਈ ਸੀ। ਇਸ ਫਾਈਲ ’ਤੇ ਕਲਿੱਕ ਕਰਨ ਮਗਰੋਂ ਉਸ ਦੇ ਕ੍ਰੈਡਿਟ ਕਾਰਡ ਰਾਹੀਂ ਅੱਠ ਵੱਖ-ਵੱਖ ਲੈਣ-ਦੇਣ ਕੀਤੇ ਗਏ। ਇਸ ਕਾਰਨ ਪੀੜਤ ਨੂੰ ਆਰਥਿਕ ਨੁਕਸਾਨ ਹੋਇਆ ਅਤੇ ਉਹ ਚਿੰਤਾ ਵਿੱਚ ਪੈ ਗਿਆ।
ਸ਼ਿਕਾਇਤ ਮਿਲਣ ਤੋਂ ਬਾਅਦ ਸਾਈਬਰ ਕ੍ਰਾਈਮ ਥਾਣਾ ਬਠਿੰਡਾ ਦੀ ਟੀਮ ਨੇ ਤੁਰੰਤ ਕਾਰਵਾਈ ਸ਼ੁਰੂ ਕੀਤੀ ਅਤੇ Amazon Pay ਨਾਲ ਪੱਤਰ ਵਿਹਾਰ ਕੀਤਾ। ਪੁਲਿਸ ਦੇ ਯਤਨਾਂ ਸਦਕਾ ਪੀੜਤ ਨੂੰ ₹2,15,000 ਦੀ ਰਕਮ ਵਾਪਸ ਕਰਵਾਈ ਗਈ।
ਬਠਿੰਡਾ ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਵਿਆਹ ਦੇ ਕਾਰਡਾਂ, ਤਿਉਹਾਰਾਂ ਦੀਆਂ ਵਧਾਈਆਂ, ਚਲਾਨ, ਡਿਲਿਵਰੀ ਜਾਂ ਇਨਾਮਾਂ ਦੇ ਨਾਂ ’ਤੇ ਆਉਣ ਵਾਲੀਆਂ ਅਣਜਾਣ APK ਫਾਈਲਾਂ ਨੂੰ ਡਾਊਨਲੋਡ ਜਾਂ ਇੰਸਟਾਲ ਨਾ ਕਰਨ ਅਤੇ ਸ਼ੱਕੀ ਲਿੰਕਾਂ ’ਤੇ ਕਲਿੱਕ ਕਰਨ ਤੋਂ ਗੁਰੇਜ਼ ਕਰਨ। ਅਜਿਹੀਆਂ ਫਾਈਲਾਂ ਰਾਹੀਂ ਸਾਈਬਰ ਅਪਰਾਧੀ ਮੋਬਾਈਲ ਤੱਕ ਪਹੁੰਚ ਬਣਾ ਕੇ ਵਿੱਤੀ ਧੋਖਾਧੜੀ ਕਰ ਸਕਦੇ ਹਨ।
ਪੁਲਿਸ ਨੇ ਕਿਹਾ ਕਿ ਸਾਈਬਰ ਧੋਖਾਧੜੀ ਹੋਣ ’ਤੇ ਤੁਰੰਤ 1930 ’ਤੇ ਕਾਲ ਕੀਤੀ ਜਾਵੇ ਜਾਂ www.cybercrime.gov.in ’ਤੇ ਸ਼ਿਕਾਇਤ ਦਰਜ ਕਰਵਾਈ ਜਾਵੇ।
📲Get App