🔥 TRENDING Rajasthan United eye back-to-back wins... Hisar-Jodhpur Express Resumes Operatio... Drone discovered in residential area n... କାମାକ୍ଷାନଗର ଚିକିତ୍ସାଳୟରେ ଡାକ୍ତରଙ୍କ ମଦ... Rajasthan Power Corp to Conduct JE Rec... How to Check Rajasthan 2026 Panchayat...
19 Nov 2026•
ગુજરાતી मराठी ਪੰਜਾਬੀ বাংলা
સુરતના પાલોદમાં ₹1.16 કરોડના કેમિકલ ચોરીના રેકેટનો પર્દાફાશ, 3 ડ્રાઈવરો ઝડપાયા
Crime

સુરતના પાલોદમાં ₹1.16 કરોડના કેમિકલ ચોરીના રેકેટનો પર્દાફાશ, 3 ડ્રાઈવરો ઝડપાયા

✍️ Reporter: Ranjanben Dharmendrbhai Panchal 🗓 22 Aug 2026, 04:12 PM 👁 118
Watch on: ▶️ YouTube
Share: 💬 WhatsApp 📘 Facebook 𝕏 Post

સુરતના પાલોદ હાઇવે પર ટેન્કરમાંથી કેમિકલ ચોરી કરતા મોટા રેકેટનો પોલીસે પર્દાફાશ કર્યો છે. આ કેસમાં પોલીસે ₹1.16 કરોડનો મુદ્દામાલ જપ્ત કરી તપાસ હાથ ધરી છે.

સુરતના પાલોદ વિસ્તારમાં હાઇવે પર ચાલતા કેમિકલ ચોરીના એક મોટા રેકેટનો પાલોદ પોલીસે પર્દાફાશ કર્યો છે. પોલીસે બાતમીના આધારે રેડ પાડીને ટેન્કરમાંથી ગેરકાયદેસર રીતે કેમિકલ ચોરી કરતા ત્રણ ડ્રાઈવરોને રંગેહાથ ઝડપી પાડ્યા છે.

પોલીસની તપાસમાં સામે આવ્યું છે કે, આરોપીઓ રિલાયન્સ ઇન્ડસ્ટ્રીઝ, હજીરાથી કેમિકલ ભરીને અંકલેશ્વર અને દહેજ પહોંચાડવાના બદલે પાલોદ પાસે ટેન્કર ઉભું રાખી ગેરકાયદેસર રીતે કેમિકલ કાઢીને વેચવાનો પ્રયાસ કરતા હતા. પોલીસે ઘટનાસ્થળેથી 600 લિટર ટોલ્યુઇન કેમિકલ, બે ટેન્કર, એક ટેમ્પો અને પાઇપ સહિત કુલ ₹1.16 કરોડનો મુદ્દામાલ જપ્ત કર્યો છે.

આ સમગ્ર રેકેટનો મુખ્ય સૂત્રધાર સુરેશચંદ્ર રામલાલજી ખટીક હાલમાં વોન્ટેડ જાહેર કરવામાં આવ્યો છે. પોલીસ દ્વારા તેની શોધખોળ તેજ કરવામાં આવી છે અને આ રેકેટમાં અન્ય કોણ સંડોવાયેલું છે તે દિશામાં પણ તપાસ ચાલી રહી છે.
📲Get App