🔥 TRENDING Breaking news IND vs NZ: ਰਾਹੁਲ ਤੇ ਯਸ਼ਸਵੀ ਦਾ ਇਤਿਹਾਸਕ... ପୁଲିସ୍ ପ୍ରଶାସନରେ ନୂଆ ଟ୍ରେଣ୍ଡ: ତଦନ୍ତ ସର... ବାତ୍ୟା 'ଅକଭାନ୍‌' ପାଇଁ କଟିବନି ମୋବାଇଲ୍ ନ... ବାତ୍ୟାର ଲ୍ୟାଣ୍ଡଫଲ୍ ପ୍ରକ୍ରିୟା ଆରମ୍ଭ ହୋଇ... विधायक भाटी का दबदबा
20 Nov 2026•
ગુજરાતી मराठी ਪੰਜਾਬੀ বাংলা
राजापूर तालुक्यात पाचल परिसरात वादळी वाऱ्यासह जोरदार पाऊस, शेतकऱ्यांना दिलासा
Local

राजापूर तालुक्यात पाचल परिसरात वादळी वाऱ्यासह जोरदार पाऊस, शेतकऱ्यांना दिलासा

✍️ Reporter: Dr.Aniket Mestri 🗓 06 Oct 2026, 11:30 AM 👁 105
Watch on: ▶️ YouTube
Share: 💬 WhatsApp 📘 Facebook 𝕏 Post

पाचल परिसरात सोमवार, ५ ऑक्टोबर रोजी वादळी वाऱ्यासह जोरदार पाऊस पडल्याने शेतकऱ्यांना दिलासा मिळाला, परंतु गणेशोत्सवापासून पावसाच्या अभावामुळे भातपीकाला मोठे नुकसान आणि करपा रोगाचा प्रादुर्भाव झाला आहे.

सोमवार, ५ ऑक्टोबर रोजी राजापूर तालुक्याच्या पूर्व भागासह पाचल परिसरात वीजांच्या कडकडाटासह वादळी वाऱ्यासह जोरदार पाऊस सुरू झाला. सायंकाळी उशिरापर्यंत परिसरात कोणत्याही प्रकारच्या नुकसानीची नोंद झाली नव्हती.

गणेशोत्सवापूर्वीपासून पावसाने विश्रांती घेतल्याने यंदाच्या भातशेतीवर त्याचा मोठा परिणाम झाला आहे. पाऊस गायब झाल्याने अनेक ठिकाणी भातपीक पुरेसे पोसले गेले नाही. त्यातच काही भागात भातपिकावर करपा रोगाचा प्रादुर्भाव झाल्याने शेतकऱ्यांचे मोठे नुकसान झाले आहे. त्यामुळे हातातोंडाशी आलेल्या भातपिकाच्या उत्पादनाबाबत शेतकरी चिंतेत आहेत.

दीर्घकाळ पाऊस नसल्याने अनेक जलस्रोतही आटण्याच्या मार्गावर होते. ग्रामीण भागात पाण्याची टंचाई निर्माण होण्याची शक्यता निर्माण झाली होती. तसेच पावसाअभावी वातावरणात मोठ्या प्रमाणात उष्णता निर्माण झाली होती. मात्र, सोमवारी झालेल्या पावसामुळे वातावरणात गारवा निर्माण झाला असून सर्वसामान्यांनाही दिलासा मिळाला आहे.

पावसाच्या प्रतीक्षेत असलेल्या शेतकऱ्यांच्या आशा या पावसामुळे पुन्हा पल्लवित झाल्या आहेत. भातपिकाला या पावसाचा कितपत फायदा होतो, याकडे आता शेतकऱ्यांचे लक्ष लागले आहे.
📲Get App