🔥 TRENDING ବାତ୍ୟା ଆଲର୍ଟ ମଧ୍ୟରେ ରେଳ ଚଳାଚଳ ଦେରୀ: ଭୁ... ଭୁବନେଶ୍ୱରରେ 9 ଲକ୍ଷ ଟଙ୍କା ସାଇବର ଠକେଇ ମା... ଓଡ଼ିଶା ଶାସନ ଭବନରେ ଅପରାହ୍ନ ୪ଟା ଯାଏଁ ହୋହ... ଓଡ଼ିଶା ଶାସନ ର ତ୍ରିତୀୟ ବାତ୍ୟା ମୁକାବିଲା... 19 नवंबर के लिए कई देशों में छुट्टी की... West Bengal CM Mamata Banerjee meets A...
20 Nov 2026•
ગુજરાતી मराठी ਪੰਜਾਬੀ বাংলা

మహబూబాబాద్ జిల్లా పెద్దవంగర మండలం లో కడుపునొప్పి భరించలేక వృద్ధుడి ఆత్మహత్య...

✍️ Reporter: Bommeraboina Hareesh 🗓 19 Nov 2026, 10:29 AM 👁 33
Watch on: ▶️ YouTube
Share: 💬 WhatsApp 📘 Facebook 𝕏 Post
మహబూబాబాద్ జిల్లా పెద్దవంగర మండలం, నవంబర్ 18: NEED 24NEWS

దీర్ఘకాలంగా వేధిస్తున్న కడుపునొప్పి భరించలేక ఓ వృద్ధుడు ఆత్మహత్యకు పాల్పడ్డ ఘటన పెద్దవంగర మండలంలో చోటుచేసుకుంది. పోలీసుల వివరాల ప్రకారం.. పిచ్చి భోజ్య తండా (పడమటి తండా) గ్రామానికి చెందిన భూక్యా బాలు (75) గత ఐదేళ్లుగా తీవ్రమైన కడుపునొప్పితో బాధపడుతున్నాడు. పలుమార్లు ఆస్పత్రుల్లో చికిత్స పొందినప్పటికీ నొప్పి తగ్గకపోవడంతో తీవ్ర మనస్తాపానికి గురయ్యేవాడని కుటుంబ సభ్యులు తెలిపారు. మంగళవారం ఉదయం సుమారు 10 గంటల సమయంలో కడుపునొప్పితో బాధపడు తున్న తండ్రికి కుమారుడు భూక్యా రవి మందులు ఇచ్చి, భార్య రంగమ్మతో కలిసి పొలం పనులకు వెళ్లాడు. సాయంత్రం 6 గంటల సమయంలో ఇంటికి తిరిగి వచ్చేసరికి బాలు కనిపించలేదు. దీంతో కుటుంబ సభ్యులు ఇంటి పరిసరాల్లో వెతకగా.. ఇంటి వెనుక ఉన్న పెద్ద తంగేడు చెట్టుకు రుమాలుతో ఉరివేసుకుని మృతిచెందిన స్థితిలో కనిపించాడు. తీవ్రమైన కడుపునొప్పితో బాధపడుతూ జీవితంపై విరక్తి చెంది తన తండ్రి ఆత్మహత్యకు పాల్పడ్డాడని కుమారుడు రవి పోలీసులకు ఫిర్యాదు చేశాడు. తన తండ్రి మృతిపై ఎలాంటి అనుమానం లేదని ఫిర్యాదులో పేర్కొన్నాడు. ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పెద్దవంగర ఎస్పై ప్రమోద్ కుమార్ తెలిపారు..
📲Get App