🔥 TRENDING Nitesh Tiwari's 'Ramayana' Hits ₹650 c... Haryana postpones final SIR roll to De... Haryana Athlete Who Ran From SAI Locat... CBI Nabs Haryana GST Officer for Rs 10... Pro Hockey League 2026 kicks off today... Punjab National Bank Shares Reach Fres...
20 Nov 2026•
ગુજરાતી मराठी ਪੰਜਾਬੀ বাংলা
Politics

વલસાડમાં જનજાતીય ગૌરવ દિવસ-૨૦૨૬ની ઉજવણી માટે ૪૮.૩૧ કરોડના કામોના ખાતમુહૂર્તની તૈયારી

✍️ Reporter: Makvana Chandravadan bahadurbhai 🗓 12 Nov 2026, 09:11 PM 👁 90
Watch on: ▶️ YouTube
Share: 💬 WhatsApp 📘 Facebook 𝕏 Post

ધરતી આબા ભગવાન બિરસા મુંડાની ૧૫૧મી જન્મજયંતી નિમિત્તે વલસાડ જિલ્લામાં ૧૩ થી ૧૮ નવેમ્બર, ૨૦૨૬ દરમિયાન જનજાતીય ગૌરવ દિવસની ઉજવણી થશે. ૧૫ નવેમ્બરે નાનાપોંઢા ખાતે નાયબ મુખ્યમંત્રી હર્ષ સંઘવીની ઉપસ્થિતિમાં ૯૧૪૬ લાભાર્થીઓને ૨૬.૩૫ કરોડ રૂપિયાનો લાભ આપવામાં આવશે.

ધરતી આબા ભગવાન બિરસા મુંડાની ૧૫૧મી જન્મજયંતી નિમિત્તે રાજ્ય સરકાર દ્વારા ૧૩ થી ૧૮ નવેમ્બર, ૨૦૨૬ દરમિયાન 'જનજાતીય ગૌરવ દિવસ - ૨૦૨૬'ની ઉજવણી કરવામાં આવશે. વલસાડ જિલ્લા કલેકટરશ્રી નીતિન સાંગવાનના અધ્યક્ષસ્થાને કલેકટર કચેરીના સભાખંડમાં યોજાયેલી પ્રેસ કોન્ફરન્સમાં આ અંગેની વિગતો જાહેર કરવામાં આવી હતી. કલેકટરે જણાવ્યું કે, ૧૫ નવેમ્બરે નાનાપોંઢા તાલુકાના હેલીપેડ મેદાન ખાતે અંદાજે ૧૫ હજાર લોકોની ઉપસ્થિતિમાં જિલ્લા કક્ષાની મુખ્ય ઉજવણી નાયબ મુખ્યમંત્રીશ્રી હર્ષભાઈ સંઘવીની ઉપસ્થિતિમાં યોજાશે. આ પ્રસંગે ૯૦૦ મીટરની શોભાયાત્રા, પરંપરાગત નૃત્યો અને વાજિંત્રો સાથે ઉજવણીમાં જનજાતીય વિશિષ્ટ વ્યક્તિઓનું સન્માન કરવામાં આવશે.

જિલ્લા કલેકટરે જણાવ્યું કે, ૧૫ નવેમ્બરે વિવિધ સરકારી યોજનાઓના કુલ ૯૧૪૬ લાભાર્થીઓને ૮૮૬ હેક્ટર જંગલ જમીન અને ૨૬.૩૫ કરોડ રૂપિયાથી વધુની રકમનું વિતરણ કરવામાં આવશે. આમાં વન અધિકાર અધિનિયમ-૨૦૦૬ના ૩૦૪૮ લાભાર્થીઓને ૮૧૧ હેક્ટર જંગલ જમીનના અધિકારપત્ર, વ્યક્તિગત આવાસ યોજનાના ૬૧૩ લાભાર્થીઓને ૧.૮૩ કરોડ રૂપિયા, કુંવરબાઈનું મામેરુના ૪૦૦ લાભાર્થીઓને ૪૮ લાખ રૂપિયા, વેલાવાળા શાકભાજી યોજનાના ૮૬૬ લાભાર્થીઓને ૧.૨૬ કરોડ રૂપિયા, ફળાઉ ઝાડ રોપા યોજનાના ૪૩૬ લાભાર્થીઓને ૭૪ લાખ રૂપિયા અને સંકલિત ડેરી વિકાસ યોજનાના ૩૮૦૦ લાભાર્થીઓને ૨૨.૦૪ કરોડ રૂપિયાનો લાભ મળશે.

આ ઉપરાંત, નાયબ મુખ્યમંત્રીશ્રી દ્વારા વલસાડ જિલ્લામાં કુલ ૯૩ કામો રૂ.૬.૮૨ કરોડનું લોકાર્પણ અને ૩૮૧ કામો રૂ.૪૧.૪૯ કરોડનું ખાતમુહૂર્ત કરવામાં આવશે, જેથી કુલ રૂ.૪૮.૩૧ કરોડના કામો શરૂ થશે. તેમજ ઉમરગામ તાલુકાના કલગામ ખાતે એકલવ્ય મોડેલ રેસિડેન્શિયલ સ્કૂલ માટે રૂ.૯૨.૯૬ કરોડના નવીન બાંધકામનું ખાતમુહૂર્ત પણ કરવામાં આવશે. ધરમપુરના ધારાસભ્ય અરવિંદભાઈ પટેલે જણાવ્યું કે, ૧૩ નવેમ્બરે ધરમપુર, કપરાડા, ઉમરગામ, વલસાડ અને પારડીમાં યુવા સભાનું આયોજન કરવામાં આવ્યું છે, જ્યાં દરેક તાલુકામાં ૫૦૦ યુવાનોની ઉપસ્થિતિ રહેશે.

કપરાડાના ધારાસભ્ય જીતુભાઈ ચૌધરીએ જણાવ્યું કે, ૧૫ નવેમ્બરે જિલ્લા કક્ષાની ઉજવણીમાં નવી પહેલ તરીકે સાપ્તાહિક હાટ ખાતે 'શબરી બૂથ' સ્થાપિત કરવામાં આવશે. આ બૂથ દ્વારા જનસેવા સહાય અને વિભાગીય યોજનાઓ અંગે જાગૃતિ ફેલાવાની સાથે સ્વસહાય જૂથો, વી.ડી.વી.કે. અને કારીગરોની વસ્તુઓનું પ્રદર્શન અને વેચાણ કરવામાં આવશે. આમ, લોકોને સેવાઓ સુધી સરળતાથી પહોંચ મળશે. તેમજ ૧૫ નવેમ્બર, ૨૦૨૬થી સુથારપાડા APMC, કપરાડા ખાતે 'જોહાર કેફે' શરૂ કરવામાં આવશે, જ્યાં મહિલા સ્વસહાય જૂથો દ્વારા ગુજરાતની આદિવાસી અને મિલેટ આધારિત વાનગીઓ ઉપલબ્ધ કરાવવામાં આવશે.
📲Get App