🔥 TRENDING Punjab High Court to Hear Petitions Ov... PM Modi and Assam CM Use GTA VI Launch... Assam CM Himanta Sarma meets Finance M... Jorhat DTO Clarifies Army Vehicle Disp... Security Forces Uncover Maoist Arms Ca... Chhattisgarh Declared Naxal-Free, Open...
20 Nov 2026•
ગુજરાતી मराठी ਪੰਜਾਬੀ বাংলা

ଏମପିଭି-୭୩ ମଧୁସୂଦନପଲ୍ଲୀରେ ଧୁମଧାମରେ ସର୍ବଜନୀନ ଶ୍ୟାମାକାଳୀ ପୂଜା ଅନୁଷ୍ଠିତ

✍️ Reporter: Sukumar Mandal 🗓 11 Nov 2026, 08:09 PM 👁 86
Share: 💬 WhatsApp 📘 Facebook 𝕏 Post
ମାଲକାନଗିରି: ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ମଧୁସୂଦନପଲ୍ଲୀ (ଏମପିଭି-୭୩) ଗ୍ରାମରେ ଚଳିତ ବର୍ଷ ସର୍ବଜନୀନ ଶ୍ୟାମାକାଳୀ ପୂଜା ମହାଆଡ଼ମ୍ବର ଓ ଧୁମଧାମର ସହିତ ପାଳିତ ହୋଇଯାଇଛି। ଏହି ଅବସରରେ ସମଗ୍ର ଗ୍ରାମ ଉତ୍ସବମୁଖର ହୋଇଉଠିଥିବା ବେଳେ ଭକ୍ତିମୟ ପରିବେଶରେ ମା' କାଳୀଙ୍କ ପୂଜାର୍ଚ୍ଚନା କରାଯାଇଥିଲା।

ପୂଜା ମଣ୍ଡପକୁ ସୁନ୍ଦର ଭାବେ ସଜ୍ଜିତ କରାଯାଇଥିବା ବେଳେ ମା'ଙ୍କ ଦର୍ଶନ ପାଇଁ ଗ୍ରାମବାସୀଙ୍କ ସମେତ ଆଖପାଖ ଅଞ୍ଚଳର ବହୁ ଶ୍ରଦ୍ଧାଳୁଙ୍କ ସମାଗମ ହୋଇଥିଲା। ପାରମ୍ପରିକ ରୀତିନୀତି ଅନୁଯାୟୀ ପୂଜାବିଧି ସମ୍ପନ୍ନ ହେବା ସହ ଭକ୍ତମାନେ ମା'ଙ୍କ ନିକଟରେ ପୂଜାର୍ଚ୍ଚନା କରି ପରିବାର ଓ ଅଞ୍ଚଳର ମଙ୍ଗଳ କାମନା କରିଥିଲେ।

କାଳୀପୂଜା ଉପଲକ୍ଷେ ଆୟୋଜକ କମିଟି ପକ୍ଷରୁ ବିଭିନ୍ନ ସାଂସ୍କୃତିକ ଅନୁଷ୍ଠାନର ମଧ୍ୟ ଆୟୋଜନ କରାଯାଇଥିଲା। ଏଥିରେ କଳାକାରମାନେ ନିଜର କଳା ପରିବେଷଣ କରି ଉପସ୍ଥିତ ଦର୍ଶକଙ୍କ ମନୋରଞ୍ଜନ କରିଥିଲେ।

ଏହି ପୂଜା ମାଧ୍ୟମରେ ଗ୍ରାମରେ ଧାର୍ମିକ ଭାବନା, ଭାଇଚାରା ଓ ସାମାଜିକ ଏକତାର ବାର୍ତ୍ତା ପ୍ରସାରିତ ହୋଇଥିଲା।
📲Get App