🔥 TRENDING ଗଞ୍ଜାମରେ 1,38,000 ଲୋକଙ୍କୁ ବିପଦ୍‌ ନିମନ୍... બોટાદ તાલુકા ના ઝમરાળા ગામ ના બન્ને પર... Karnataka Strengthens Lead in Hosting... Suspense Persists Over Rajasthan Crick... વિરમગામ તાલુકામાં ડાંગર કાપવાના કટરથી... Six dead, six injured in two road acci...
19 Nov 2026•
ગુજરાતી मराठी ਪੰਜਾਬੀ বাংলা
Weather

ଧୀରେ ଧୀରେ ଖସୁଛି ପାରଦ, ରାଜ୍ୟର ପ୍ରାୟ ୬ଟି ସ୍ଥାନରେ ରାତି ତାପମାତ୍ରା ୧୫ ଡିଗ୍ରୀ ତଳେ

✍️ Reporter: Deepak Mahapatra 🗓 11 Nov 2026, 01:04 PM 👁 87
Share: 💬 WhatsApp 📘 Facebook 𝕏 Post
ଭୁବନେଶ୍ୱର : ବିଳମ୍ବରେ ଆସି ସବୁଠି ଛୁଇଁଛି ପହିଲି ଶୀତ । ଦକ୍ଷିଣ, ଆଭ୍ୟନ୍ତରୀଣ ଏବଂ ପଶ୍ଚିମ ଓଡ଼ିଶାରେ ଶୀତ ଅନୁଭୂତ ହୋଇଛି।ରାଜ୍ୟର ଅଳ୍ପ କିଛି ଉପକୂଳ ଅଞ୍ଚଳକୁ ଛାଡ଼ିଦେଲେ ପ୍ରାୟ ସବୁଠି ରାତି ତାପମାତ୍ରା ୨୦ ଡିଗ୍ରୀ ତଳେ ରହିଛି । ରାଜ୍ୟର ପ୍ରାୟ ୬ଟି ସ୍ଥାନରେ ସୋମବାର ରାତି ତାପମାତ୍ରା ୧୫ ଡିଗ୍ରୀ ସେଲସିୟସ୍‌ ଭିତରେ ପହଞ୍ଚିଥିଲା ।
୧୫ ଡିଗ୍ରୀ ସେଲସିୟସ୍‌ ଭିତରେ ଥିବା ରାଜ୍ଯର ୬ ସ୍ଥାନ ମଧ୍ଯରେ ରହିଛି। ସେମିଳିଗୁଡ଼ାରେ ରାତି ତାପମାତ୍ରା ୧୧.୬ ଡିଗ୍ରୀ ସେଲସିୟସ୍‌ । ଜି.ଉଦୟଗିରି ୧୨.୪,ଦାରିଙ୍ଗିବାଡ଼ି ୧୪, ଫୁଲବାଣୀ ୧୪.୫, ଝାରସୁଗୁଡ଼ା ୧୪.୫ ଓ ଭବାନୀପାଟଣା ୧୪.୬ ଡିଗ୍ରୀ ସେଲସିୟସ । ସେହିପରି କୋରାପୁଟ ଓ କଟକ-ଭୁବନେଶ୍ୱରରେ ରାତି ତାପମାତ୍ରା ୨୦ ଡିଗ୍ରୀ ତଳେ ରହିଛି ।
ସବୁଠାରୁ ବିଚିତ୍ର ପାଗ ଥିଲା କୋରାପୁଟ ଜିଲ୍ଲାରେ । କୋରାପୁଟ ସହରରେ ରାତି ତାପମାତ୍ରା ୨୦ ଡିଗ୍ରୀ ଥିଲା, ଯାହାକି ସ୍ୱାଭାବିକ ତୁଳନାରେ ୫.୨ ଡିଗ୍ରୀ ଅଧିକ । ମାତ୍ର କୋରାପୁଟ ସହରଠାରୁ ମାତ୍ର ୨୦-୨୨ କିମି ଦୂର ସେମିଳିଗୁଡ଼ାରେ ରାତି ତାପମାତ୍ରା ୧୧.୬ ଡିଗ୍ରୀ ଥିଲା । କୋରାପୁଟଠାରୁ ପ୍ରାୟ ୮.୪ ଡିଗ୍ରୀ କମ୍‌ ।
ପାଣିପାଗ ବିଭାଗର ଆକଳନ ଅନୁସାରେ , ବର୍ତ୍ତମାନ ଏଭଳି ପାଗ ପ୍ରାୟ ୭ ଦିନ ଧରି ରହିବ । ସପ୍ତାହେ ପର୍ଯ୍ୟନ୍ତ ବର୍ଷା ସମ୍ଭାବନା ପ୍ରାୟତଃ ନାହିଁ । ଦକ୍ଷିଣ ପୂର୍ବ ବଙ୍ଗୋପସାଗରରେ ୧୩ ତାରିଖ ବେଳକୁ ଏକ ଲଘୁଚାପ ସୃଷ୍ଟି ହେବା ସମ୍ଭାବନା ଅଛି । ହେଲେ ଏହାର ବିଶେଷ ପ୍ରଭାବ ଓଡ଼ିଶା ଉପରେ ପଡ଼ିନପାରେ । ଓଡ଼ିଶାକୁ ବାଦଲ ଆସିପାରେ, ମାତ୍ର ବର୍ଷା ସମ୍ଭାବନା କମ୍‌ । ଏହି ସୂଚନା ଦେଇଛନ୍ତି ଭୁବନେଶ୍ୱର ପାଣିପାଗ କେନ୍ଦ୍ର ନିର୍ଦ୍ଦେଶକ ମନୋରମା ମହାନ୍ତି ।
📲Get App