🔥 TRENDING Unakoti District Launches JJM 2.0 Wate... Tripura CM attributes BJP's rising pop... India's First Organized Donkey Farm La... Himachal Pradesh Introduces Bill to Si... Himachal Pradesh to levy environmental... 12 killed in two separate road crashes...
20 Nov 2026•
ગુજરાતી मराठी ਪੰਜਾਬੀ বাংলা

મહેસાણા તાલુકાના ખેરવા ગામે ખેરવા જાયન્ટ ગ્રુપ દ્વારા દિવાળીના પર્વ નિમિત્તે નિરાધાર પરિવારોને મીઠાઈના ડબ્બાનું વિતરણ કરવામાં આવ્યું

✍️ Reporter: Ranjitsinh Thakor mahesana 🗓 07 Nov 2026, 03:04 PM 👁 115
Share: 💬 WhatsApp 📘 Facebook 𝕏 Post

તહેવારોના દિવસોમાં દરેકના ઘરે ખુશીઓ છવાય અને કોઈ પણ પરિવાર આજના પર્વની ઉજવણીથી વંચિત ન રહે તેવા ઉમદા ભાવ સાથે મહેસાણા તાલુકાના ખેરવા ગામે સેવાકીય પ્રવૃત્તિઓથી જાણીતી સંસ્થા 'ખેરવા જાયન્ટ ગ્રુપ' દ્વારા એક પ્રશંસનીય પહેલ કરવામાં આવી છે. દિવાળીના પાવન અવસર નિમિત્તે ગામના જરૂરિયાતમંદ અને નિરાધાર પરિવારોને મીઠાઈના ડબ્બાની સહાયનું વિતરણ કરવામાં આવ્યું હતું.

તહેવારોના દિવસોમાં દરેકના ઘરે ખુશીઓ છવાય અને કોઈ પણ પરિવાર આજના પર્વની ઉજવણીથી વંચિત ન રહે તેવા ઉમદા ભાવ સાથે મહેસાણા તાલુકાના ખેરવા ગામે સેવાકીય પ્રવૃત્તિઓથી જાણીતી સંસ્થા 'ખેરવા જાયન્ટ ગ્રુપ' દ્વારા એક પ્રશંસનીય પહેલ કરવામાં આવી છે. દિવાળીના પાવન અવસર નિમિત્તે ગામના જરૂરિયાતમંદ અને નિરાધાર પરિવારોને મીઠાઈના ડબ્બાની સહાયનું વિતરણ કરવામાં આવ્યું હતું.
​દિવાળી એટલે દીવાઓનો અને મીઠાઈઓનો તહેવાર. આ તહેવારમાં આર્થિક રીતે નબળા અને નિરાધાર પરિવારો પણ ખુશીથી દિવાળી ઉજવી શકે તે હેતુસર ખેરવા જાયન્ટ ગ્રુપના હોદ્દેદારો અને સભ્યો દ્વારા આ ખાસ આયોજન કરવામાં આવ્યું હતું. ગ્રુપના સભ્યોએ જાતે ખેરવા ગામના જરૂરિયાતમંદ પરિવારોની મુલાકાત લઈને તેમને આહ્લાદક વાતાવરણમાં મીઠાઈના ડબ્બા ભેટ સ્વરૂપે અર્પણ કર્યા હતા.
​આ સેવાકીય કાર્ય વિશે વાત કરતા ગ્રુપના અગ્રણીઓએ જણાવ્યું હતું કે, "તહેવારોની સાચી મજા તો ત્યારે જ આવે છે જ્યારે આપણે આપણા આનંદમાં સમાજના વંચિત અને જરૂરિયાતમંદ વર્ગને પણ સામેલ કરીએ. ખેરવા જાયન્ટ ગ્રુપ હંમેશાં સામાજિક ઉત્તરદાયિત્વ નિભાવવા માટે કટિબદ્ધ છે અને આગામી દિવસોમાં પણ આવા સેવા કાર્યો સતત જારી રહેશે."સંસ્થા દ્વારા કરવામાં આવેલી આ માનવતાવાદી પહેલને કારણે ખેરવા ગામના નિરાધાર પરિવારોના ચહેરા પર દિવાળીની અનોખી ખુશી જોવા મળી હતી. ગ્રુપના આ સરાહનીય પગલા બદલ ગામના અગ્રણીઓ અને ગ્રામજનોએ ખેરવા જાયન્ટ ગ્રુપના તમામ સભ્યોનો હૃદયપૂર્વક આભાર વ્યક્ત કર્યો હતો અને અભિનંદન પાઠવ્યા હતા.
📲Get App