🔥 TRENDING তৃণমূল পন্থী মনোভাব বিজেপি কর্মীরা ২০০... UP Congress In‑Charge Says SP Alliance... Taj Mahal Urs Committee Demands Action... Woman and Two Daughters Perish in Hous... Sikkim to Host 3rd All‑India Judges Ba... जैसलमेर में विधायक महंत प्रतापपुरी महा...
19 Nov 2026•
ગુજરાતી मराठी ਪੰਜਾਬੀ বাংলা
Education

શિક્ષિત સમાજ, વ્યસનમુક્ત યુવા - થાણાસાવલીમાંથી શિક્ષણનો નવો સંદેશ

✍️ Reporter: Hasmukh Bhoi 🗓 02 Nov 2026, 11:37 PM 👁 125
Share: 💬 WhatsApp 📘 Facebook 𝕏 Post

શિક્ષિત સમાજ, વ્યસનમુક્ત યુવા - થાણાસાવલીમાંથી શિક્ષણનો નવો સંદેશ

નમસ્કાર!

મહીસાગર જિલ્લાના કોઠંબા તાલુકાના થાણાસાવલી ગામે શિક્ષણના મહત્વને ઉજાગર કરતો એક પ્રેરણાત્મક કાર્યક્રમ યોજાયો.

૨ નવેમ્બર ૨૦૨૬ ના રોજ, નાયબ કલેક્ટર શ્રી એચ.ટી. મકવાણા સાહેબના અધ્યક્ષ સ્થાને શિક્ષણલક્ષી સેમિનાર અને માર્ગદર્શન કાર્યક્રમનું આયોજન કરવામાં આવ્યું હતું. જેમાં મોટી સંખ્યામાં વિદ્યાર્થીઓ, સરપંચશ્રી, ગામના આગેવાનો, વડીલો, માતાઓ-બહેનો અને શિક્ષણવિદો ઉત્સાહભેર ઉપસ્થિત રહ્યા હતા.


કાર્યક્રમને સંબોધતા નાયબ કલેક્ટર શ્રી એચ.ટી. મકવાણાએ ખૂબ જ સુંદર વાત કહી.

તેમણે કહ્યું કે, શિક્ષણ એ માત્ર પુસ્તકિયું જ્ઞાન નથી... શિક્ષણ એ વ્યક્તિના સર્વાંગી વિકાસનું માધ્યમ છે. તે આપણામાં વિચારશક્તિ, આત્મવિશ્વાસ અને નૈતિક મૂલ્યોનું નિર્માણ કરે છે.

વિદ્યાર્થીઓને સંબોધતા તેમણે જણાવ્યું કે, માત્ર સારા માર્ક્સ લાવવા પૂરતું નથી. જ્ઞાનનો ઉપયોગ જીવનમાં સાચા નિર્ણયો લેવા અને સમાજના વિકાસ માટે કરો. તમારા જીવનમાં ઉચ્ચ લક્ષ્ય નક્કી કરો અને સમયનો સદુપયોગ કરી તેને પ્રાપ્ત કરવા માટે સતત પ્રયત્નશીલ રહો.

યુવા પેઢીને ખાસ સંદેશ આપતા તેમણે યુવાનોને તમાકુ, દારૂ અને અન્ય તમામ પ્રકારના વ્યસનોથી દૂર રહેવા હૃદયપૂર્વક અપીલ કરી હતી. યુવાનીની શક્તિનો ઉપયોગ શિક્ષણ, રમત-ગમત, કૌશલ્ય વિકાસ અને સમાજસેવા જેવા રચનાત્મક કાર્યોમાં કરો.

તેમણે સમાજમાંથી અંધશ્રદ્ધા અને કુરિવાજોને દૂર કરવા, મહિલાઓનું સન્માન જાળવવા અને દીકરીઓના શિક્ષણને ખાસ પ્રોત્સાહન આપવા પર ભાર મૂક્યો હતો.

અંતમાં તેમણે ગ્રામજનોને અનુરોધ કર્યો હતો કે, દરેક બાળકનું શાળામાં પ્રવેશ અને નિયમિત હાજરી સુનિશ્ચિત કરવી એ આપણા સૌની સહિયારી જવાબદારી છે.

ખરેખર, શિક્ષિત સમાજ, વ્યસનમુક્ત યુવા પેઢી અને સામાજિક બદીઓથી મુક્ત ગામના નિર્માણ માટે શિક્ષણને જ જીવનનો મુખ્ય આધારસ્તંભ બનાવવો પડશે... તેવો સકારાત્મક સંદેશ આ કાર્યક્રમ દ્વારા આપવામાં આવ્યો હતો.
📲Get App