🔥 TRENDING कायाकल्प अभियान के तहत स्कूलों की व्यव... Azam Khan: Today's Congress Leadership... Uttar Pradesh plants over 40 crore tre... Azam Khan mocks Asaduddin Owaisi with... Mizoram’s environmental watchdog urges... Mizoram and Assam Agree to Maintain St...
19 Nov 2026•
ગુજરાતી मराठी ਪੰਜਾਬੀ বাংলা
Crime

રાજસ્થાનથી વિદેશી દારૂ લઈને આવતા ત્રણ આરોપીઓને પ્રાંતિજ પોલીસે પકડી, ૪૯૧ બોટલ-ટીન મુદ્દામાલ બનાવી

✍️ Reporter: Ranjanben Dharmendrbhai Panchal 🗓 02 Nov 2026, 11:18 AM 👁 86
Watch on: ▶️ YouTube
Share: 💬 WhatsApp 📘 Facebook 𝕏 Post

ખોટી નંબર પ્લેટ લગાવીને રાજસ્થાનમાંથી ગુજરાતમાં વિદેશી દારૂની હેરાફેરી કરતા આરોપીઓને એલ.સી.બી. સ્ટાફે પ્રાંતિજ વિસ્તારમાંથી પકડી લીધા છે. ઘણાં મુદ્દામાલ સાથે પ્રોહિબિશનનો ગણનાપાત્ર કેસ નોંધવામાં આવ્યો છે.

સાબરકાંઠા જિલ્લામાં વિદેશી દારૂની ગેરકાયદેસર હેરાફેરી કરતા ત્રણ આરોપીઓને લોકલ ક્રાઇમ બ્રાન્ચ (એલ.સી.બી.) સ્ટાફે પ્રાંતિજ પોલીસ સ્ટેશન વિસ્તારમાંથી પકડી લીધા છે. આરોપીઓએ ગાડી પર ખોટી નંબર પ્લેટ લગાવીને રાજસ્થાન રાજ્યમાંથી ગુજરાતમાં વિદેશી દારૂ લઈને આવવાનો પ્રયાસ કર્યો હતો. ઘણાં મુદ્દામાલ સાથે પકડાયેલા આરોપીઓ વિરુદ્ધ પ્રોહિબિશનનો ગણનાપાત્ર કેસ નોંધવામાં આવ્યો છે.

પોલીસ સૂત્રો મુજબ, નાયબ પોલીસ મહાનિરીક્ષક શ્રી વિરેન્દ્રસિંહ યાદવ (આઈ.પી.એસ.) ગાંધીનગર વિભાગ અને પોલીસ અધિક્ષક શ્રી ડૉ.પાર્થરાજસિંહ ગોહીલ (આઈ.પી.એસ.) સાબરકાંઠાના સુચન આધારે દિવાળીના તહેવાર પહેલાં અસામાજિક પ્રવૃતિઓ અટકાવવા માટે એલ.સી.બી. સ્ટાફે ખાસ ટીમ બનાવી હતી. ડી.સી. સાકરીયા અને પોલીસ ઇન્સ્પેક્ટર એલ.સી.બી.ના માર્ગદર્શન હેઠળ, પોલીસ સિનિયર ઇન્સ્પેક્ટર એસ.જે. ચાવડા (એલ.સી.બી. હિંમતનગર)ની રાહબરીમાં આ ટીમે દારૂની હેરાફેરી કરતા તત્વો પર નજર રાખી હતી.

૧ નવેમ્બર ૨૦૨૬ના રોજ પ્રાંતિજ પોલીસ સ્ટેશન વિસ્તારમાં પેટ્રોલીંગ દરમિયાન, અ.હે.કો. પ્રકાશભાઈ લાલજીભાઈ અને અ.પો.કો. નરેન્દ્ર સુર્યકાંતભાઈને ખાનગી રાહે બાતમી મળી હતી કે ગાંભોઈ તરફથી એક સફેદ મારૂતી સુઝુકી બલેનો (નં. GJ-27-DH-6606)માં બે પુરુષો અને એક મહિલા વિદેશી દારૂ ભરીને અમદાવાદ તરફ જઈ રહ્યા છે. આ બાતમીના આધારે વડવાસા પાટીયા પાસે નાકાબંધી કરવામાં આવી હતી. જોકે, કતપુર ટોલનાકા તરફથી આવતી આ ગાડીને રોકવાના ઇશારા પર ચાલકે ગાડી ઉભી રાખવાને બદલે સર્વિસ રોડ લઈને સીતવાડા ઓવરબ્રિજ નીચેથી ઓરણ ગામ તરફ ભાગી ગયો હતો.

પોલીસે ગાડીનો પીછો કરતાં ઓરણ ગામમાં કાચા રસ્તા પર ગાડીનો આગળનો ટાયર ફાટી જતાં ચાલકે સ્ટીયરિંગ પરથી કાબુ ગુમાવી દીધો હતો. પરિણામે ગાડી રસ્તા પર આવેલા લીમડાના ઝાડ સાથે અથડાઈ ગઈ હતી. ઘટનાસ્થળે પહોંચીને પોલીસે ગાડીમાંથી નીકળીને ભાગતા ત્રણેય આરોપીઓને કોર્ડન કરીને પકડી લીધા હતા. ગાડીની તપાસમાં આગળ-પાછળની સીટ અને ડેકીમાં ભારતીય બનાવટનો વિદેશી દારૂ/બીયર મળી આવ્યો હતો.

પોલીસે ૪૯૧ બોટલ/ટીન (કિંમત રૂ. ૨,૫૭,૫૪૭/-), ૩ મોબાઈલ ફોન (કિંમત રૂ. ૧૫,૦૦૦/-), બે નંબર પ્લેટ અને સફેદ બલેનો ગાડી (કિંમત રૂ. ૫,૦૦,૦૦૦/-) મુદ્દામાલ તરીકે કબ્જે કર્યા છે. કુલ કિંમત રૂ. ૭,૭૨,૫૪૭/-નો મુદ્દામાલ સાથે આરોપીઓ વિરુદ્ધ પ્રાંતિજ પોલીસ સ્ટેશનમાં ગુ.ર.નં. ૧૧૨૦૯૦૪૧૨૬૧૩૭૦/૨૦૨૬ નો કેસ ગુજરાત પ્રોહિબિશન એક્ટની કલમ ૬૫(એ), (ઇ), ૮૧, ૮૩ અને ભારતીય ન્યાય સંહિતાની કલમ ૩૩૬(૨), ૩૪૦(૨) મુજબ નોંધવામાં આવ્યો છે.
📲Get App