🔥 TRENDING Azam Khan mocks Asaduddin Owaisi with... Mizoram’s environmental watchdog urges... Mizoram and Assam Agree to Maintain St... Gorakhpur UDF സർക്കാരിന്റെ പ്രവാസി വിരുദ്ധ നയങ്ങ... The Times of India Unveils Official Tr...
19 Nov 2026•
ગુજરાતી मराठी ਪੰਜਾਬੀ বাংলা
Health

સુરતની નવી સિવિલ હોસ્પિટલમાં ૧૭ વર્ષીય રાહુલે ધનુર રોગને માત આપી, ૨૮ દિવસ વેન્ટિલેટર પર રહ્યા બાદ મળી સ્વસ્થતા

✍️ Reporter: Hariom Borse 🗓 01 Nov 2026, 07:57 PM 👁 106
Share: 💬 WhatsApp 📘 Facebook 𝕏 Post

સુરતના સચિન વિસ્તારમાં રહેતા ૧૭ વર્ષીય રાહુલ કુમારે ધનુર (ટિટેનસ) જેવા ગંભીર રોગ સામે દોઢ મહિના સુધી જંગ લડીને સ્વસ્થતા મેળવી છે. ૨૮ દિવસ સુધી આઈ.સી.યુ.માં વેન્ટિલેટર પર રહીને સઘન સારવાર મેળવનાર રાહુલ હવે સંપૂર્ણપણે ભાનમાં છે.

સુરતની નવી સિવિલ હોસ્પિટલમાં એક પ્રેરણાદાયી ઘટના સામે આવી છે, જ્યાં સચિન વિસ્તારમાં રહેતા ૧૭ વર્ષીય રાહુલ કુમારે ધનુર (ટિટેનસ) જેવા ગંભીર રોગ સામે દોઢ મહિના સુધી જંગ લડીને સ્વસ્થતા તરફ આગળ વધવામાં સફળતા મેળવી છે. પ્રાપ્ત વિગતો અનુસાર, રાહુલને પગના ભાગે ઈજા થઈ હતી, જેના પગલે તેમને નજીકના દવાખાને સારવાર માટે લઈ જવામાં આવ્યા હતા. જોકે, સમય જતાં તેમને ધનુર રોગનાં લક્ષણો જણાયા હતા, જેના કારણે તેમના જડબામાં જકડાશ આવી ગઈ હતી અને ચાલવામાં પણ ભારે મુશ્કેલી થવા લાગી હતી. પરિસ્થિતિની ગંભીરતાને ધ્યાનમાં રાખીને તેમને તાત્કાલિક નવી સિવિલ હોસ્પિટલમાં દાખલ કરવામાં આવ્યા હતા.

ધનુર એક ગંભીર રોગ છે, જે શરીરના સ્નાયુઓમાં તીવ્ર જકડાશ અને ખેંચાણ પેદા કરી શકે છે. ગંભીર સ્થિતિમાં શ્વાસ લેવામાં તકલીફ ઊભી થવાથી દર્દીને સઘન સારવાર અને વેન્ટિલેટર સપોર્ટની જરૂર પડી શકે છે. રાહુલની સ્થિતિ પણ અત્યંત ગંભીર હોવાથી તેમને આઈ.સી.યુ.માં દાખલ કરીને ૨૮ દિવસ સુધી વેન્ટિલેટર પર રાખવામાં આવ્યા હતા.

નવી સિવિલ હોસ્પિટલના ડૉ. ત્વિષા, ડૉ. વ્રજ સહિત મેડિસિન વિભાગના રેસિડેન્ટ તબીબોની ટીમે રાહુલની સારવારમાં સતત પ્રયત્નો કર્યા હતા. તબીબો અને નર્સિંગ સ્ટાફની સઘન દેખરેખ, સમયસરની સારવાર અને અથાગ મહેનતના પરિણામે રાહુલની તબિયતમાં ધીમે ધીમે સુધારો થવા લાગ્યો હતો.

લગભગ દોઢ મહિના સુધી હોસ્પિટલમાં સારવાર મેળવ્યા બાદ રાહુલ હવે સંપૂર્ણપણે ભાનમાં છે અને સ્વસ્થ થઈ રહ્યા છે. લાંબા સમય સુધી આઈ.સી.યુ.માં વેન્ટિલેટર સપોર્ટ પર રહ્યા બાદ તેમની સ્થિતિમાં આવેલો સુધારો સારવાર સાથે સંકળાયેલી ટીમ માટે પણ મહત્વપૂર્ણ સિદ્ધિ છે. આ સમગ્ર પ્રક્રિયામાં નવી સિવિલ હોસ્પિટલના તબીબો, મેડિકલ રેસિડેન્ટ્સ અને નર્સિંગ સ્ટાફની સંકલિત કામગીરી મહત્ત્વપૂર્ણ રહી છે.
📲Get App