🔥 TRENDING Maharashtra CM Fadnavis Unveils A.R. R... CJP’s Dipke, Das, Ranka to Host Youth... India to Clean Heritage Sites Starting... Five-Century Palace Falls into Neglect... Samaleswari SC Set to Clash with Nagal... MCPCR Holds Consultative Meeting on Ch...
20 Nov 2026•
ગુજરાતી मराठी ਪੰਜਾਬੀ বাংলা
Crime

ସମ୍ବଲପୁର ବିଶ୍ୱବିଦ୍ୟାଳୟରେ ପ୍ରଫେସରଙ୍କୁ ଛୁରାମାଡ଼

✍️ Reporter: Deepak Mahapatra 🗓 30 Oct 2026, 03:34 PM 👁 83
Share: 💬 WhatsApp 📘 Facebook 𝕏 Post
ସମ୍ବଲପୁର ବିଶ୍ୱବିଦ୍ୟାଳୟର ରସାୟନ ବିଜ୍ଞାନ ବିଭାଗ ମୁଖ୍ୟ ପ୍ରଫେସର ସତ୍ୟନାରାୟଣ ସାହୁଙ୍କୁ ଶୁକ୍ରବାର ଛୁରୀରେ ଆକ୍ରମଣ କରାଯାଇଛି। ତାଙ୍କ ପେଟରେ ଆଘାତ ଲାଗିଛି। ତେବେ ସେ ବିପଦମୁକ୍ତ ଥିବା ତାଙ୍କ ପରିବାର ଲୋକଙ୍କ ପକ୍ଷରୁ ସୂଚନା ମିଳିଛି।
ଆକ୍ରମଣ କରିଥିବା ବ୍ୟକ୍ତି ଜଣଙ୍କ ପୂର୍ବରୁ ବିଶ୍ୱବିଦ୍ୟାଳୟରେ ସଫେଇ କର୍ମଚାରୀ ଭାବେ କାମ କରୁଥିଲେ। ତାଙ୍କ ନାଁ କୃପା ବାଗ ବୋଲି ଜଣାପଡ଼ିଛି। ଶୃଙ୍ଖଳା ଭଙ୍ଗ ଅଭିଯୋଗରେ କିଛି ଦିନ ତଳେ ତାଙ୍କୁ ଚାକିରିରୁ ବାହାର କରାଯାଇଥିଲା। ଏହାର ପ୍ରତିଶୋଧ ନେବାକୁ ସେ ଯୋଜନାବଦ୍ଧ ଭାବେ ପ୍ରଫେସର ଶ୍ରୀ ସାହୁଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି। ବିଶ୍ୱବିଦ୍ୟାଳୟ ପରିସରରେ ତାଙ୍କୁ ଆକ୍ରମଣ କରିଥିଲେ ଅଭିଯୁକ୍ତ।
ପରିବାର ଲୋକଙ୍କ ସୂଚନା ଅନୁସାରେ, ଆଜି ପ୍ରଫେସର ସତ୍ୟନାରାୟଣ ସାହୁ ରସାୟନ ବିଜ୍ଞାନ ବିଭାଗକୁ ପ୍ରବେଶ କରୁଥିବା ସମୟରେ କୃପା ବାଗ ତାଙ୍କୁ ଛୁରୀରେ ଆକ୍ରମଣ କରିଥିଲେ। ଅଭିଯୁକ୍ତ ପୂର୍ବରୁ ସେଠାରେ ଛକି ରହିଥିଲେ। ସେ ଛୁରୀରେ ପ୍ରଫେସରଙ୍କ ଛାତିକୁ ଆକ୍ରମଣ କରିଥିଲେ। ତେବେ ପ୍ରଫେସର ତାଙ୍କ ହାତକୁ ଧରି ପକାଇଥିଲେ। ଆଉ ଅଳ୍ପ ସମୟର ଧସ୍ତାଧସ୍ତି ଭିତରେ ଛୁରୀଟି ତାଙ୍କ ପେଟରେ ବାଜିଥିଲା। ତାଙ୍କୁ ତୁରନ୍ତ ଉଦ୍ଧାର କରାଯାଇ ବୁର୍ଲା ବଡ଼ ଡାକ୍ତରଖାନାକୁ ନିଆଯାଇଥିଲା।
📲Get App