🔥 TRENDING UDF സർക്കാരിന്റെ പ്രവാസി വിരുദ്ധ നയങ്ങ... The Times of India Unveils Official Tr... Vulture Declared Nashik's Symbolic Bir... ED Seizes Assets Worth Rs 16.23 Crore... Maharashtra Governor pledges assistanc... Six killed in road accident returning...
19 Nov 2026•
ગુજરાતી मराठी ਪੰਜਾਬੀ বাংলা

અમરેલી જિલ્લાના ખેડૂતો માટે "મુખ્યમંત્રી કૃષિ યાંત્રિકીકરણ યોજના" હેઠળ ખેત ઓજારો અને સાધનોની ખરીદીની પૂર્વ મંજૂરી પ્રક્રિયા શરૂ

✍️ Reporter: Sodha Gourangbhai 🗓 30 Oct 2026, 09:01 AM 👁 84
Share: 💬 WhatsApp 📘 Facebook 𝕏 Post
અમરેલી જિલ્લાના ખેડૂતો માટે "મુખ્યમંત્રી કૃષિ યાંત્રિકીકરણ યોજના" હેઠળ ખેત ઓજારો અને સાધનોની ખરીદીની પૂર્વ મંજૂરી પ્રક્રિયા શરૂ

પૂર્વમંજૂરી મળ્યા બાદ ૩૦ દિવસમાં માન્ય મોડેલનાં ખેત ઓજારોની ખરીદી કરી દસ્તાવેજો આઈ-ખેડૂત પોર્ટલ પર અપલોડ કરવા અનુરોધ


અમરેલી તા.૨૯ ઓક્ટોબર
અમરેલી જિલ્લાના ખેડૂતોને વર્ષ ૨૦૨૬-૨૭ દરમિયાન મુખ્યમંત્રી કૃષિ યાંત્રિકીકરણ યોજના હેઠળ ખેત ઓજારો અને સાધનોની ખરીદી માટે સહાય મળી રહે તે હેતુથી પૂર્વમંજૂરી આપવાની કામગીરી હાલ ચાલુ છે. આ યોજના અંતર્ગત એ.જી.આર.-૨ (સામાન્ય ખેડૂતો) અને એ.જી.આર.-૪ (અનુસૂચિત જાતિના ખેડૂતો) હેઠળ પાત્ર ખેડૂતોને પૂર્વમંજૂરી અંગેની જાણ મોબાઈલ પર એસ.એમ.એસ દ્વારા કરવામાં આવી રહી છે. આ ઉપરાંત, ગ્રામસેવકશ્રીઓ (ખેતી) દ્વારા પણ ખેડૂતોને પૂર્વમંજૂરી વિતરણ કરવાની કામગીરી હાથ ધરવામાં આવી રહી છે.

આ અંગે ખેડૂતોને ખાસ જણાવવામાં આવે છે કે, જે ખેડૂતોને ખેત ઓજારો કે સાધનોની ખરીદી માટે પૂર્વમંજૂરી મળી છે, તેમણે આઈ-ખેડૂત પોર્ટલ ૨.૦ પર દર્શાવવામાં આવેલા માન્ય મોડેલ પૈકીના મોડેલની જ ખરીદી કરવાની રહેશે. પૂર્વમંજૂરી મળ્યાની તારીખથી ૩૦ દિવસની અંદર ખરીદીની પ્રક્રિયા પૂર્ણ કરવાની રહેશે. ખરીદી કર્યા બાદ સંબંધિત સાધનનાં જરૂરી દસ્તાવેજો આઈ-ખેડૂત પોર્ટલ પર અપલોડ કરી દરખાસ્ત તાલુકા કક્ષાએ મોકલી આપવાની રહેશે.

આ યોજનાના અમલીકરણ અંતર્ગત વધુ માર્ગદર્શન અને માહિતી મેળવવા માટે અમરેલી જિલ્લાના ખેડૂતોને સંબંધિત તાલુકાની ખેતીવાડી કચેરીનો સંપર્ક કરી ગ્રામસેવકશ્રી (ખેતી) અથવા વિસ્તરણ અધિકારીશ્રી (ખેતી) પાસેથી જરૂરી માર્ગદર્શન મેળવવા અનુરોધ કરવામાં આવે છે.
📲Get App