🔥 TRENDING ଭୁବନେଶ୍ୱରରେ ଆଗାମୀ ୩ ଘଣ୍ଟାରେ ବର୍ଷା ଏବଂ... West Bengal Board Announces HS 3rd Sem... পিয়ালি রাশ ও গ্রামীন মেলা প্রশাসনিক স... Severe Cyclonic Storm Akvan Nears Indi... Tejashwi Yadav Slams Bihar Government... Bihar Law Department Opens 2026 Recrui...
20 Nov 2026•
ગુજરાતી मराठी ਪੰਜਾਬੀ বাংলা
Local

રાજુલા શહેરમાં દિવાળીની પૂર્વે ખાદ્ય સુરક્ષા માટે સઘન તપાસ

✍️ Reporter: Rangpara Shaileshbhai 🗓 28 Oct 2026, 11:25 AM 👁 93
Watch on: ▶️ YouTube
Share: 💬 WhatsApp 📘 Facebook 𝕏 Post

રાજુલા શહેરમાં દિવાળીના તહેવાર પહેલાં 15થી વધુ હોટલ અને રેસ્ટોરન્ટમાં ખાદ્ય સુરક્ષા તપાસ હાથ ધરવામાં આવી, જેમાં અયોગ્ય પનીર સહિતની સામગ્રીનું સ્થળ પર જ નાશ કરવામાં આવ્યું.

દિવાળીના તહેવાર પહેલાં લોકોના સ્વાસ્થ્ય સાથે ચેડાં ન થાય અને નાગરિકોને શુદ્ધ તથા ગુણવત્તાયુક્ત ખોરાક મળી રહે તે હેતુથી રાજુલા શહેરમાં વહીવટી તંત્ર દ્વારા સઘન તપાસ હાથ ધરવામાં આવી હતી.

પ્રાંત અધિકારી અક્ષર વ્યાસની આગેવાની હેઠળ સંયુક્ત ટીમે શહેરની 15થી વધુ હોટલ અને રેસ્ટોરન્ટમાં ખાદ્ય પદાર્થોની ગુણવત્તાની ચકાસણી કરી હતી. આ તપાસ દરમિયાન પ્રેસિડેન્ટ હોટલ સહિત શહેરની જાણીતી હોટલો અને રેસ્ટોરન્ટમાં ખાદ્ય સામગ્રીનું નિરીક્ષણ કરવામાં આવ્યું હતું.

તપાસ દરમિયાન કેટલીક હોટલોમાં પનીર સહિતની ખાદ્ય સામગ્રી અયોગ્ય જણાતા તેનો સ્થળ પર જ નાશ કરવામાં આવ્યો હતો.

આ સંયુક્ત તપાસમાં ખાદ્ય સુરક્ષા નિરીક્ષક કે.જે. કણસરીયા, તોલમાપ અધિકારી આર.પી. ભરાડ, મામલતદાર હરેશ પુરોહિત, તાલુકા વિકાસ અધિકારી અને નાયબ મામલતદાર સહિતના અધિકારીઓ જોડાયા હતા. તપાસ દરમિયાન હોટલ અને રેસ્ટોરન્ટના સંચાલકોને સ્વચ્છતા જાળવવા તેમજ ગ્રાહકોને શુદ્ધ અને ગુણવત્તાયુક્ત ખોરાક પીરસવા કડક સૂચનાઓ આપવામાં આવી હતી.

આ પગલાંથી શહેરમાં ખાદ્ય સુરક્ષા જાળવવામાં અને નાગરિકોને સુરક્ષિત ખોરાક પ્રદાન કરવામાં મદદ મળી.
📲Get App