🔥 TRENDING Scindia and Samrat discuss expanding t... Six dead as car returning from pre-wed... Bihar Chief Secretary Pratyaya Amrit u... રાજીવ ગાંધી ભવનમાં રણદીપસિંહ સુરજેવાલા... आज राजस्थान के दौसा जिले में सिकंदरा च... पकरीबरावां में ट्रांसफॉर्मर में लगी आग...
19 Nov 2026•
ગુજરાતી मराठी ਪੰਜਾਬੀ বাংলা

ବାତ୍ୟା ସମୟରେ ଗର୍ଭବତୀ ମହିଳା ସୁରକ୍ଷାକୁ ଦିଆଯାଉଛି ପ୍ରାଥମିକତା

✍️ Reporter: Sukumar Mandal 🗓 27 Oct 2026, 05:28 PM 👁 91
Share: 💬 WhatsApp 📘 Facebook 𝕏 Post
ମାଲକାନଗିରି , ୨୭ ଅକ୍ଟୋବର : ସମ୍ଭାବ୍ୟ ବାତ୍ୟାକୁ ନେଇ ସତର୍କ ପ୍ରଶାସନ ! ଆଗୁଆ ପଦକ୍ଷେପ ନେଲା ସ୍ୱାସ୍ଥ୍ୟ ବିଭାଗ । ବିପଦ ଆସିବା ପୂର୍ବରୁ ଗର୍ଭବତୀ ମହିଳାଙ୍କ ସୁରକ୍ଷାକୁ ଦିଆଯାଉଛି ପ୍ରାଥମିକତା । ମାଲକାନଗିରି ଜିଲ୍ଲା ମାଥିଲି ବ୍ଲକରେ ଗର୍ଭବତୀ ମହିଳାଙ୍କ ପାଇଁ କରାଯାଇଛି ସ୍ୱତନ୍ତ୍ର ବ୍ୟବସ୍ଥା । ସମ୍ଭାବ୍ୟ ବାତ୍ୟାର ପ୍ରଭାବକୁ ଦୃଷ୍ଟିରେ ରଖି ମାଥିଲି ବ୍ଲକର ବିଭିନ୍ନ ଅଞ୍ଚଳରୁ ୨୧ ଜଣ ଗର୍ଭବତୀ ମହିଳାଙ୍କୁ ଅଣାଯାଇ ମାଥିଲି ସଦରସ୍ଥିତ ମାଆ ଘରେ ରଖାଯାଇଛି ।ସେହିପରି ଚିତ୍ରକୋଣ୍ଡା, ଜାନବାଇ, ଯୋଡ଼ମ୍ବ, ଖଇରପୁଟ, ପଡିଆ, ମୋଟୁ, କାଲିମେଳା, ଏମ ଭି ୭୯ ଓ ପାଣ୍ଡ୍ରିପାଣି ଠାରେ ଥିବା ମା ଗୃହରେ ନିକଟସ୍ଥ ଅଞ୍ଚଳର ଗର୍ଭବତୀ ମହିଳା ମାନଙ୍କୁ ଅଣା ଯାଇ ରଖାଯାଇଛି!ସକାଳୁ ସକାଳୁ ସ୍ୱାସ୍ଥ୍ୟ ବିଭାଗ ପକ୍ଷରୁ ଏହି ପଦକ୍ଷେପ ନିଆଯାଇଛି ।ବାତ୍ୟା ସମୟରେ ରାସ୍ତାଘାଟ ଅବରୋଧ, ବର୍ଷା ଓ ଯାତାୟାତରେ ସମସ୍ୟା ଦେଖାଦେଲେ ଗର୍ଭବତୀ ମହିଳାଙ୍କୁ ହସ୍ପିଟାଲ ନେବା କଷ୍ଟକର ହୋଇପାରେ ।

ଏହାକୁ ଆଖିରେ ରଖି ପ୍ରଶାସନ ପକ୍ଷରୁ ଆଗୁଆ ସତର୍କତାମୂଳକ ପଦକ୍ଷେପ ନିଆଯାଇଛି । ସେପଟେ ସ୍ୱାସ୍ଥ୍ୟକେନ୍ଦ୍ର ପରିସରରେ ଗର୍ଭବତୀ ମହିଳାଙ୍କ ରହିବା ପାଇଁ ଅନ୍ୟ ଏକ ସ୍ଥାନର ବ୍ୟବସ୍ଥା କରାଯାଇଛି । ଯାହାଦ୍ୱାରା ବାତ୍ୟା ସମୟରେ ମାଆମାନେ ସୁରକ୍ଷିତ ଭାବେ ରହିପାରିବେ ଏବଂ ଆବଶ୍ୟକ ପଡ଼ିଲେ ତୁରନ୍ତ ଚିକିତ୍ସା ସେବା ପାଇପାରିବେ ।
📲Get App