🔥 TRENDING Azam Khan: Today's Congress Leadership... Uttar Pradesh plants over 40 crore tre... Azam Khan mocks Asaduddin Owaisi with... Mizoram’s environmental watchdog urges... Mizoram and Assam Agree to Maintain St... Gorakhpur
19 Nov 2026•
ગુજરાતી मराठी ਪੰਜਾਬੀ বাংলা

દામનગર રેલવે ફાટક નં. ૧૧/સી વાહનવ્યવહાર માટે બંધ; વૈકલ્પિક રૂટ જાહેર

✍️ Reporter: Sodha Gourangbhai 🗓 27 Oct 2026, 09:20 AM 👁 88
Share: 💬 WhatsApp 📘 Facebook 𝕏 Post
દામનગર રેલવે ફાટક નં. ૧૧/સી વાહનવ્યવહાર માટે બંધ; વૈકલ્પિક રૂટ જાહેર

૧૬ નવેમ્બર સુધી આવનજાવન માટે વૈકલ્પિક રૂટ અનુસરવા સૂચના

અમરેલી તા. ૨૬ ઓક્ટોબર
દામનગર શહેર ખાતે દામનગરથી ભુરખીયા તરફ જતા રસ્તા પર આવેલ રેલવે ફાટક નં. ૧૧/સી ઉપર ઓવરબ્રિજની કામગીરી પ્રગતિમાં છે. આ કામગીરી શરૂ રહે તે દરમિયાન તમામ વાહનોની અવર-જવર સંપૂર્ણ પણે બંધ કરવામાં આવી છે. અધિક જિલ્લા મેજિસ્ટ્રેટ, અમરેલી શ્રી એ.એ.ડોડિયા એ ગુજરાત પોલીસ અધિનિયમ-૩૩(૦૧)(બી) અંતર્ગત જાહેરનામુ પ્રસિદ્ધ કર્યું છે.

આ માટે લાઠી-ભુરખીયા તરફથી આવતા અને ઢસા-દામનનગર તરફથી આવતા જતા વાહનો માટે વૈકલ્પિક રૂટ આપવામાં આવ્યો છે. વાહન ચાલકોએ વૈકલ્પિક રૂટ અનુસરવાનો રહેશે.

વૈકલ્પિક રૂટ -૦૧ મુજબ, લાઠી ભુરખીયા તરફથી આવતા વાહન ચાલકોએ ગુરુકુળના આગળના ભાગેથી બજરંગનગર-છભાડીયા ફાટકથી અવાડા ચોકથી નગરપાલીકા મેઈન રોડ પરથી પસાર થવાનું રહેશે.

વૈકલ્પિક રૂટ -૦૨ ઢસા-દામનગર તરફથી આવતા વાહનોએ નગરપાલિકા મેઈન રોડ-અવાડા ચોકથી, છભાડીયા ફાટક વાયા બજરંગનગર થઈને ગુરુકુળના આગળના ભાગેથી લાઠી-ભુરખીયા રોડ પરથી પસાર થવાનું રહેશે.

આ જાહેરનામું તા. ૧૬.૧૧.૨૦૨૬ સુધી અમલમાં રહેશે. આ હુકમનો ભંગ કરનાર ગુજરાત પોલીસ અધિનિયમ-૧૯૫૧ની કલમ-૧૩૧માં દર્શાવેલ ષિક્ષાને પાત્ર ઠરશે.
📲Get App