🔥 TRENDING Jharkhand Police Portal Crash Forces R... 92-Year-Old Woman Escapes Nursing Home... TPCC chief accuses BRS of betraying Te... Morning haze lingers in Hyderabad as r... New predatory aquatic insect species i... Cyclone Akvan Forces Cancellation of 4...
20 Nov 2026•
ગુજરાતી मराठी ਪੰਜਾਬੀ বাংলা
Local

ସୁନା ମୁକୁଟ, ରୁପା ମେଢ଼ରେ ଝଲସୁଛନ୍ତି ମା’ ଗଜଲକ୍ଷ୍ମୀ; କେନ୍ଦ୍ରାପଡ଼ାରେ ଜମୁଛି ଭକ୍ତଙ୍କ ଭିଡ଼, ୬୮ଟି ମଣ୍ଡପରେ ଚାଲିଛି ପୂଜା

✍️ Reporter: Deepak Mahapatra 🗓 26 Oct 2026, 01:08 PM 👁 76
Share: 💬 WhatsApp 📘 Facebook 𝕏 Post
କେନ୍ଦ୍ରାପଡ଼ା: ଧରାପୃଷ୍ଠକୁ ଅବତରଣ କରିଛନ୍ତି ଧନଦାତ୍ରୀ ମା’ ଗଜଲକ୍ଷ୍ମୀ। ମା’ଙ୍କ ଆଗମନରେ ଉତ୍ସବମୁଖର ହୋଇଉଠିଛି ସମଗ୍ର କେନ୍ଦ୍ରାପଡ଼ା ସହର। ଚାରିଆଡ଼େ ଝଲସୁଛି ରଙ୍ଗବେରଙ୍ଗ ଆଲୋକମାଳା, ଆକର୍ଷଣୀୟ ତୋରଣ ଓ ସୁନ୍ଦର ସାଜସଜ୍ଜାରେ ସଜେଇ ହୋଇଛି ପୂଜା ମଣ୍ଡପ। ସାତ ଦିନ ଧରି ଚାଲିବାକୁ ଥିବା ଏହି ପ୍ରସିଦ୍ଧ ପୂଜାର ପ୍ରଥମ ଦିନରୁ ହିଁ ବିଭିନ୍ନ ମଣ୍ଡପରେ ଶ୍ରଦ୍ଧାଳୁଙ୍କ ଭିଡ଼ ଜମିବା ଆରମ୍ଭ ହୋଇଛି।
ଚଳିତ ବର୍ଷ କେନ୍ଦ୍ରାପଡ଼ା ସହରର ୬୮ଟି ପୂଜା ମଣ୍ଡପରେ ମା’ ଗଜଲକ୍ଷ୍ମୀଙ୍କ ପୂଜା କରାଯାଉଛି। ସେହିପରି ସହର ଉପକଣ୍ଠରେ ମଧ୍ୟ ୧୦୦ରୁ ଅଧିକ ମଣ୍ଡପରେ ମା’ଙ୍କ ଆରାଧନା ଚାଲିଛି। ପୂଜାକୁ ନେଇ ଲୋକଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳୁଛି। ପରିବାର ଓ ବନ୍ଧୁବାନ୍ଧବଙ୍କ ସହ ଲୋକେ ବିଭିନ୍ନ ମଣ୍ଡପ ବୁଲି ମା’ଙ୍କ ଦର୍ଶନ କରିବା ସହ ଉତ୍ସବର ମଜା ନେଉଛନ୍ତି।
ସୁନା ମୁକୁଟ, ରୁପା ମେଢ଼ରେ ମା’ଙ୍କ ଦିବ୍ୟ ରୂପ
କେନ୍ଦ୍ରାପଡ଼ା ଗଜଲକ୍ଷ୍ମୀ ପୂଜାର ଅନ୍ୟତମ ପ୍ରମୁଖ ଆକର୍ଷଣ ପାଲଟିଛି ମାଢ଼ିଆଳର ଗଙ୍ଗା ଭାଗୀରଥି ପୂଜା ମଣ୍ଡପ। ଏଠାରେ ରୁପାର ମେଢ଼ ଓ ସୁନା ମୁକୁଟରେ ସଜ୍ଜିତ ହୋଇଛନ୍ତି ମା’ ଲକ୍ଷ୍ମୀ। ମା’ଙ୍କ ମନୋମୁଗ୍ଧକର ରୂପ ଦର୍ଶନ ପାଇଁ ଶ୍ରଦ୍ଧାଳୁଙ୍କ ଭିଡ଼ ଲାଗିରହିଛି।
ଏହି ପୂଜା କେବଳ ଧାର୍ମିକ ଉତ୍ସବ ନୁହେଁ, ବରଂ ମିଳନ ଓ ଭାଇଚାରାର ଏକ ପର୍ବ। ବର୍ଷକୁ ଥରେ ଆସୁଥିବା ଏହି ଉତ୍ସବକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ରହିଛି ବେଶ୍ ଉତ୍ସାହ।
ସୁରକ୍ଷା ବ୍ୟବସ୍ଥା କଡ଼ା, ମୁତୟନ ୨୫ ପ୍ଲାଟୁନ୍ ପୋଲିସ
ପୂଜାକୁ ଶାନ୍ତିଶୃଙ୍ଖଳାର ସହ ସମ୍ପନ୍ନ କରିବା ପାଇଁ ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ହୋଇଛି। ସହରର ବିଭିନ୍ନ ସ୍ଥାନରେ ୨୫ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଛି। ଏଥିସହ ସମ୍ବେଦନଶୀଳ ସ୍ଥାନଗୁଡ଼ିକ ଉପରେ ସିସିଟିଭି କ୍ୟାମେରା ମାଧ୍ୟମରେ ନଜର ରଖାଯାଉଛି।
ଅନ୍ୟପଟେ ଢେଙ୍କାନାଳରେ ମଧ୍ୟ ଗଜଲକ୍ଷ୍ମୀ ପୂଜାକୁ ନେଇ ଉତ୍ସବର ମାହୋଲ ଦେଖିବାକୁ ମିଳିଛି। ସହରର ୪୧ଟି ପୂଜା ମଣ୍ଡପରେ ମା’ ଲକ୍ଷ୍ମୀଙ୍କ ଆରାଧନା କରାଯାଉଛି। ଦୁଇ ସହରରେ ମା’ଙ୍କ ଆଗମନକୁ ନେଇ ଭକ୍ତି ଓ ଉତ୍ସାହର ପରିବେଶ ସୃଷ୍ଟି ହୋଇଛି।
📲Get App