🔥 TRENDING Security Forces Uncover Maoist Arms Ca... Chhattisgarh Declared Naxal-Free, Open... Chhattisgarh Admin Promotes Senior IAS... SGPC President Election: Sukhbir Badal... BJP's Yatra Strategy Faces Scrutiny Ov... Bridge Collapses in Punjab Two Years A...
20 Nov 2026•
ગુજરાતી मराठी ਪੰਜਾਬੀ বাংলা
National

ଦୀର୍ଘ ୨୦ ବର୍ଷ ପରେ ଛାତ୍ର ସଂସଦ ନିର୍ବାଚନ ଦେଖିବ ଜାମିଆ ବିଶ୍ୱବିଦ୍ୟାଳୟ

✍️ Reporter: Deepak Mahapatra 🗓 26 Oct 2026, 01:15 PM 👁 92
Share: 💬 WhatsApp 📘 Facebook 𝕏 Post
ନୂଆଦିଲ୍ଲୀ: ଦୀର୍ଘ ଦୁଇ ଦଶନ୍ଧି ପରେ ଦିଲ୍ଲୀର ଜାମିଆ ମିଲିଆ ଇସଲାମିଆ ବିଶ୍ୱବିଦ୍ୟାଳୟରେ ଛାତ୍ର ସଂସଦ ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ବିଶ୍ୱବିଦ୍ୟାଳୟ ପ୍ରଶାସନ ୨୦ ବର୍ଷର ବ୍ୟବଧାନ ପରେ ଛାତ୍ର ସଂସଦ ନିର୍ବାଚନ କରିବାକୁ ଘୋଷଣା କରିଛି। ଏ ନେଇ ସୋମବାର ଦିନ ବିଶ୍ୱବିଦ୍ୟାଳୟ ପକ୍ଷରୁ ଏକ ବିଜ୍ଞପ୍ତି ପ୍ରକାଶ ପାଇଛି । ଅନୁମୋଦନ ତାରିଖରୁ ୧୫ ଦିନ ମଧ୍ୟରେ ଛାତ୍ର ସଂସଦ ନିର୍ବାଚନ ଅନୁଷ୍ଠିତ ହେବ।
୨୦୦୬ ମସିହାରେ ଜାମିଆ ମିଲିଆ ଇସଲାମିଆ ବିଶ୍ୱବିଦ୍ୟାଳୟର ଛାତ୍ର ସଂସଦକୁ ଭାଙ୍ଗି ଦିଆଯାଇଥିଲା । ଏହାର ବିଲୟ ହେବା ପରଠାରୁ, ଏହାକୁ ପୁନଃସ୍ଥାପନ କରିବା ପାଇଁ ଅନେକ ପ୍ରତିବାଦ ହୋଇଆସୁଥିଲା । ଜାମିୟା ବିଶ୍ୱବିଦ୍ୟାଳୟରେ ଛାତ୍ର ସଂସଦ ନିର୍ବାଚନ ପାଇଁ ଦୀର୍ଘ ବର୍ଷ ହେବ ଛାତ୍ରମାନେ ଦାବି କରିଆସୁଥିଲେ । ଗତ କିଛି ମାସ ହେବ ଛାତ୍ରମାନେ ଲଗାତର ଆନ୍ଦୋଳନ ଏବଂ ବିରୋଧ ପ୍ରଦର୍ଶନ କରିଆସୁଥିଲେ । ଶେଷରେ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଛାତ୍ର ସଂସଦ ନିର୍ବାଚନ ପାଇଁ ନିଷ୍ପତି ନେଇଛନ୍ତି ।
ଏହା ସହିତ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଆହୁରି ବଡ଼ ପଦକ୍ଷେପ ଗ୍ରହଣ କରିଛନ୍ତି । ପ୍ରତିବାଦ ସମୟରେ ଛାତ୍ରମାନଙ୍କୁ ଜାରି କରାଯାଇଥିବା ନିଲମ୍ବନ ଆଦେଶ ମଧ୍ୟ ପ୍ରତ୍ୟାହାର କରାଯିବ। ପ୍ରତିବାଦ ସମୟରେ ସୁରକ୍ଷା କର୍ମଚାରୀଙ୍କ ଦ୍ୱାରା ଛାତ୍ରଙ୍କ ଉପରେ ହୋଇଥିବା ନିର୍ମମତାର ତଦନ୍ତ ପାଇଁ ଏକ କମିଟି ମଧ୍ୟ ଗଠନ କରାଯିବ ।
ସାର୍ବଜନୀନ କ୍ଷମା ମାଗିବେ ଛାତ୍ର
ତତସହିତ ବିଶ୍ୱବିଦ୍ୟାଳୟ ଛାତ୍ରମାନଙ୍କ ନିକଟରେ ମଧ୍ୟ କିଛିଟା ସର୍ତ୍ତ ରଖିଛନ୍ତି । ଛାତ୍ରମାନଙ୍କ ଦାବି ପୂରଣ ହୋଇଛି ଏବଂ ପ୍ରତିବାଦ ସମୟରେ ବିଶ୍ୱବିଦ୍ୟାଳୟ ବିଷୟରେ ଦିଆଯାଇଥିବା ଯେକୌଣସି ଅପମାନଜନକ ବକ୍ତବ୍ୟ ପାଇଁ ସେମାନେ ସାର୍ବଜନୀନ ଭାବରେ କ୍ଷମା ପ୍ରାର୍ଥନା କରିବେ । ବିଶ୍ୱବିଦ୍ୟାଳୟ ବିରୁଦ୍ଧରେ ଛାତ୍ର ପୂର୍ବରୁ ପୋଷ୍ଟ କରିଥିବା ଆପତ୍ତିଜନକ ପୋଷ୍ଟକୁ ମଧ୍ୟ ହଟାଇବେ । ଏହା ସହିତ ଛାତ୍ରମାନେ ପ୍ରତିବାଦରୁ ଓହରିବେ ।
📲Get App