🔥 TRENDING Jharkhand Police Portal Crash Forces R... 92-Year-Old Woman Escapes Nursing Home... TPCC chief accuses BRS of betraying Te... Morning haze lingers in Hyderabad as r... New predatory aquatic insect species i... Cyclone Akvan Forces Cancellation of 4...
20 Nov 2026•
ગુજરાતી मराठी ਪੰਜਾਬੀ বাংলা
Politics

ଗୋଟିଏ ସମୟରେ କେବଳ ଖାସ୍ ଲୋକଙ୍କ ପାଇଁ ଥିଲା ଫୋନ୍ ବ୍ୟାଙ୍କିଂ, ଆଜି ଡିଜିଟାଲ୍ ବ୍ୟାଙ୍କିଂର ଲାଭ ପାଉଛନ୍ତି ସବୁ ନାଗରିକ

✍️ Reporter: Deepak Mahapatra 🗓 26 Oct 2026, 01:12 PM 👁 77
Share: 💬 WhatsApp 📘 Facebook 𝕏 Post
ଭୁବନେଶ୍ୱର: ଓଡ଼ିଶା ଗସ୍ତ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭୁବନେଶ୍ୱରଠାରେ ଭାରତୀୟ ରିଜର୍ଭ ବ୍ୟାଙ୍କ (RBI)ର ୧୬୯ କୋଟି ଟଙ୍କାର ନୂତନ ଡାଟା ସେଣ୍ଟର ଏବଂ ସାଇବର ସୁରକ୍ଷା ତାଲିମ ପ୍ରତିଷ୍ଠାନର ଉଦ୍‌ଘାଟନ କରିଛନ୍ତି। ଏହି ଅବସରରେ ଜନସାଧାରଣଙ୍କୁ ଉଦ୍‌ବୋଧନ ଦେଇ ପ୍ରଧାନମନ୍ତ୍ରୀ କହିଛନ୍ତି ଯେ, ମହାପ୍ରଭୁ ଶ୍ରୀଜଗନ୍ନାଥଙ୍କ ଆଶୀର୍ବାଦରୁ ଭୁବନେଶ୍ୱର ନୂଆ ଭାରତକୁ ଏକ ସଶକ୍ତ ସଂସ୍ଥାନ ଭେଟି ଦେଇଛି, ଯାହା ଓଡ଼ିଶା ସମେତ ସମଗ୍ର ଦେଶର ବ୍ୟାଙ୍କିଂ ଓ ଆର୍ଥିକ ସୁରକ୍ଷା କ୍ଷେତ୍ରକୁ ଅଧିକ ସୁଦୃଢ଼ କରିବ।
"ପୂର୍ବରୁ ବିକାଶ କେବଳ ବଡ଼ ସହରରେ ସୀମିତ ଥିଲା"
ପ୍ରଧାନମନ୍ତ୍ରୀ ନିଜ ଭାଷଣରେ ସୁଶାସନର ମାଧ୍ୟମ ବିଷୟରେ ଆଲୋଚନା କରି କହିଛନ୍ତି ଯେ, ୨୦୧୪ ପୂର୍ବରୁ ଦେଶର ବିକାଶ କେବଳ କିଛି ବଡ଼ ବଡ଼ ସହର, ହସ୍ପିଟାଲ ଓ ନିର୍ଦ୍ଦିଷ୍ଟ ବର୍ଗ ମଧ୍ୟରେ ସୀମିତ ରହିଥିଲା। ଗାଁ ଓ ଛୋଟ ଛୋଟ ସହରର ଲୋକମାନେ ରାସ୍ତା, ବିଜୁଳି ଓ ପାନୀୟ ଜଳ ଭଳି ମୌଳିକ ସୁବିଧାରୁ ବଞ୍ଚିତ ହୋଇ ରହୁଥିଲେ।
ତେବେ ବର୍ତ୍ତମାନର ସରକାର 'ପ୍ରୋ-ପିପୁଲ୍' ଓ 'ଗୁଡ୍ ଗଭର୍ନାନ୍ସ' ମଡେଲ୍‌ରେ କାର୍ଯ୍ୟ କରୁଛନ୍ତି। ଗ୍ରାମାଞ୍ଚଳ ଓ ଛୋଟ ସହରର ଗରିବ ପରିବାରଗୁଡ଼ିକୁ ସମ୍ମାନର ସହ ବଞ୍ଚିବାର ଅଧିକାର ଦେବା ଏବଂ ସମାଜର ଶେଷ ବ୍ୟକ୍ତି ପାଖରେ ସୁବିଧା ପହଞ୍ଚାଇବା ହିଁ ସରକାରଙ୍କ ମୁଖ୍ୟ ଉଦ୍ଦେଶ୍ୟ ବୋଲି ସେ ପ୍ରକାଶ କରିଛନ୍ତି।
କଂଗ୍ରେସର 'ଫୋନ୍ ବ୍ୟାଙ୍କିଂ'କୁ ତୀବ୍ର ସମାଲୋଚନା
ଦେଶର ଆର୍ଥିକ ବ୍ୟବସ୍ଥା ବିଷୟରେ କହିବାକୁ ଯାଇ ପିଏମ୍ ମୋଦୀ ପୂର୍ବତନ କଂଗ୍ରେସ ସରକାରକୁ ତୀବ୍ର ସମାଲୋଚନା କରିଛନ୍ତି। ସେ କହିଛନ୍ତି, "୨୦୧୪ ପୂର୍ବରୁ ଦେଶରେ 'ଫୋନ୍ ବ୍ୟାଙ୍କିଂ' ଚାଲିଥିଲା। ଦିଲ୍ଲୀରୁ କିଛି ନିର୍ଦ୍ଦିଷ୍ଟ ଓ ପ୍ରଭାବଶାଳୀ ଲୋକଙ୍କ ଫୋନ୍ କଲ୍ ଭିତ୍ତିରେ ବ୍ୟାଙ୍କଗୁଡ଼ିକରୁ ହଜାର ହଜାର କୋଟି ଟଙ୍କାର ଋଣ ବାଣ୍ଟି ଦିଆଯାଉଥିଲା, ଯାହା ଫଳରେ ବ୍ୟାଙ୍କିଂ ସିଷ୍ଟମ୍ NPA (ଅନାଦାୟୀ ଋଣ) ଗ୍ରସ୍ତ ହୋଇପଡ଼ିଥିଲା। ଅନ୍ୟପଟେ ଗରିବ ଓ ମଧ୍ୟବିତ୍ତ ଲୋକଙ୍କୁ ଖାତା ଖୋଲିବା ପାଇଁ ଗ୍ୟାରେଣ୍ଟର ଖୋଜିବାକୁ ପଡ଼ୁଥିଲା।"
ସେ ଆହୁରି ମଧ୍ୟ କହିଛନ୍ତି ଯେ, ଷାଠିଏ ଓ ସତୁରି ଦଶନ୍ଧିରେ ଗରିବଙ୍କ ନାଁରେ ବ୍ୟାଙ୍କ ଜାତୀୟକରଣ କରାଯାଇଥିଲେ ସୁଦ୍ଧା ୨୦୧୪ ଯାଏଁ ଦେଶର ଅଧାରୁ ଅଧିକ ଜନସଂଖ୍ୟା ବ୍ୟାଙ୍କିଂ ସେବାରୁ ବଞ୍ଚିତ ଥିଲେ।
ଡିଜିଟାଲ୍ ଇଣ୍ଡିଆ ଓ ବଦଳୁଥିବା ଭାରତ
ସମ୍ପ୍ରତି ଭାରତର ବ୍ୟାଙ୍କିଂ ବ୍ୟବସ୍ଥା ବିଶ୍ୱର ସବୁଠାରୁ ସୁଦୃଢ଼ ବ୍ୟବସ୍ଥାଗୁଡ଼ିକ ମଧ୍ୟରୁ ଅନ୍ୟତମ ବୋଲି ପ୍ରଧାନମନ୍ତ୍ରୀ ଦାବି କରିଛନ୍ତି। ଆଜି ଡିଜିଟାଲ୍ ବ୍ୟାଙ୍କିଂ ଯୋଗୁଁ ୨୪ ଘଣ୍ଟିଆ ସେବା ଦେଶର ପ୍ରତ୍ୟେକ ନାଗରିକଙ୍କ ପାଖରେ ପହଞ୍ଚିପାରିଛି।
ଓଡ଼ିଶାର ଗୋଟିଏ ପୁରୁଣା ସଂଦର୍ଭକୁ ମନେପକାଇ ସେ କହିଛନ୍ତି, "ଦିନ ଥିଲା ଜଣେ ପୂର୍ବତନ ପ୍ରଧାନମନ୍ତ୍ରୀ କହିଥିଲେ ଯେ ଦିଲ୍ଲୀରୁ ଟଙ୍କାଏ ପଠାଇଲେ ଗାଁରେ ମାତ୍ର ୧୫ ପଇସା ପହଞ୍ଚୁଛି। କିନ୍ତୁ ଆଜି ଡିଜିଟାଲ୍ ବ୍ୟବସ୍ଥା ଯୋଗୁଁ ଦିଲ୍ଲୀରୁ ପଠାଯାଉଥିବା ପୂରା ଟଙ୍କାଟା ଲାଭାର୍ଥୀଙ୍କ ବ୍ୟାଙ୍କ ଖାତାକୁ ସିଧାସଳଖ ଯାଉଛି।" ବିନା ଗ୍ୟାରେଣ୍ଟିରେ ଋଣ ପ୍ରଦାନ ଏବଂ ସାଧାରଣ ନାଗରିକଙ୍କ ହାତରେ ଡେବିଟ୍-କ୍ରେଡିଟ୍ କାର୍ଡ ପହଞ୍ଚିବା ଭାରତର ଆତ୍ମନିର୍ଭରତା ଓ ସୁଶାସନର ପ୍ରତୀକ ବୋଲି ସେ ଦୋହରାଇଛନ୍ତି।
📲Get App