🔥 TRENDING UDF സർക്കാരിന്റെ പ്രവാസി വിരുദ്ധ നയങ്ങ... The Times of India Unveils Official Tr... Vulture Declared Nashik's Symbolic Bir... ED Seizes Assets Worth Rs 16.23 Crore... Maharashtra Governor pledges assistanc... Six killed in road accident returning...
19 Nov 2026•
ગુજરાતી मराठी ਪੰਜਾਬੀ বাংলা

નારેશ્વરથી પગપાળા પરિક્રમાવાસીઓ તિલકવાડા પહોંચ્યા, ‘નર્મદે હર’ અને ‘ગુરુદેવ દત્ત’ના નાદથી વાતાવરણ ભક્તિમય

✍️ Reporter: Bhailalbhai Baria 🗓 26 Oct 2026, 02:12 PM 👁 257
Share: 💬 WhatsApp 📘 Facebook 𝕏 Post
નર્મદા મૈયાની ભક્તિ અને અતૂટ શ્રદ્ધા સાથે નર્મદા પરિક્રમા કરી રહેલા આશરે ૪૦૦ જેટલા પરિક્રમાવાસીઓ નારેશ્વરથી પગપાળા પ્રવાસ કરીને તિલકવાડા આવી પહોંચ્યા હતા. પરિક્રમાવાસીઓના મુખે ગુંજતા ‘નર્મદે હર’ અને ‘ગુરુદેવ દત્ત’ના નાદથી સમગ્ર વાતાવરણ ભક્તિમય બની ગયું હતું.
નર્મદા કિનારે આવેલી પવિત્ર ભૂમિ નારેશ્વર રંગ અવધૂત મહારાજના પવિત્ર સ્થાનને કારણે વિશેષ ધાર્મિક મહત્ત્વ ધરાવે છે. અહીંથી નર્મદા મૈયાની ભક્તિ અને ગુરુદેવ પ્રત્યેની શ્રદ્ધા સાથે પગપાળા આગળ વધેલા પરિક્રમાવાસીઓ તિલકવાડા પહોંચતાં ભક્તિમય માહોલ સર્જાયો હતો.
નર્મદા પરિક્રમા એ માત્ર પગપાળા પ્રવાસ નથી, પરંતુ શ્રદ્ધા, ત્યાગ, સંયમ અને આધ્યાત્મિક સાધનાનો અનોખો માર્ગ છે. પરિક્રમાવાસીઓ નર્મદા મૈયાનું સ્મરણ કરતાં અને ‘નર્મદે હર... ગુરુદેવ દત્ત...’ના જયઘોષ સાથે પોતાની યાત્રા આગળ ધપાવી રહ્યા છે.
નારેશ્વરથી તિલકવાડા પહોંચેલા આશરે ૪૦૦ પરિક્રમાવાસીઓના આગમનથી સમગ્ર પંથકમાં ધાર્મિક ઉત્સાહ અને ભક્તિની લાગણી જોવા મળી હતી. નર્મદા મૈયા પ્રત્યેની અતૂટ શ્રદ્ધા અને ભક્તિભાવથી તરબોળ આ યાત્રાએ વાતાવરણને આધ્યાત્મિક રંગે રંગી દીધું હતું
📲Get App