🔥 TRENDING Security Forces Uncover Maoist Arms Ca... Chhattisgarh Declared Naxal-Free, Open... Chhattisgarh Admin Promotes Senior IAS... SGPC President Election: Sukhbir Badal... BJP's Yatra Strategy Faces Scrutiny Ov... Bridge Collapses in Punjab Two Years A...
20 Nov 2026•
ગુજરાતી मराठी ਪੰਜਾਬੀ বাংলা
Local

ବୈତରଣୀ ନଦୀ ପଠାରୁ ଦୁଇଟି ମୃତଦେହ ଉଦ୍ଧାର, ହାତ ଗୋଡ଼ ବନ୍ଧା ଓ ପୋଡ଼ା ମୃତଦେହ

✍️ Reporter: Deepak Mahapatra 🗓 24 Oct 2026, 02:54 PM 👁 71
Share: 💬 WhatsApp 📘 Facebook 𝕏 Post
କେନ୍ଦୁଝର: ବୈତରଣୀ ନଦୀ ପଠାରୁ ଦୁଇଟି ମୃତଦେହ ଉଦ୍ଧାର ହୋଇଛି । ଯୋଡ଼ା ଥାନା ଇଙ୍ଗାନୀଝରଣ ନିକଟସ୍ଥ ପିଛଲା ଘାଟ ବୈତରଣୀ ନଦୀ କୂଳରୁ ଦୁଇଟି ମୃତ ଦେହ ମିଳିଛି । ଜଣଙ୍କର ପାଣିରେ ବୁଡ଼ିବା ଯିବଲାଗି ମୃତ୍ୟୁ ହୋଇଥିବା ବେଳେ ଅନ୍ୟ ଜଣଙ୍କୁ ହତ୍ୟା କରି ଫିଙ୍ଗି ଦିଆଯାଇଥିବା ସନ୍ଦେହ କରାଯାଉଛି ।
ଚିହ୍ନଟ ହୋଇଥିବା ମୃତକ ଜଣକ ହେଲେ ବାମେବାରୀ ଥାନା ଅନ୍ତର୍ଗତ ଜୁରୁଡ଼ି ପେଣ୍ଠେଇ ବସ୍ତିର ସନାତନ ପେଣ୍ଠେଇ (୪୫) । ଗତ ବୁଧବାର ଦିନ ସନାତନ ସାଙ୍ଗମାନଙ୍କ ସହ ଗୁରୁବେଡ଼ା ସ୍ଥିତ ବୈତରଣୀ ନଦୀକୁ ଗାଧୋଇବାକୁ ଯାଇଥିଲେ । ଗାଧୋଇବା ସମୟରେ ଅସାବଧାନତା ବଶତଃ ପାଣିରେ ବୁଡ଼ି ଯାଇ ନିଖୋଜ ହୋଇଯାଇଥିଲେ । ବହୁତ ଖୋଜା ଖୋଜି କରିବା ପରେ ତାଙ୍କର କୌଣସି ସନ୍ଧାନ ମିଳିନ ଥିଲା । ସ୍ଥାନୀୟ ଲୋକେ ଆଜି ନଦୀ ପଠାରେ ମୃତ ଦେହ ଭାସୁଥିବାରୁ ପୋଲିସକୁ ସୂଚନା ଦେଇଥିଲେ । ମୃତଦେହଟି ପାଣିରେ ଫୁଲିବା ଯୋଗୁଁ ଭାସି ଆସି କୂଳରେ ଲାଗିଥିବା ଅନୁମାନ କରାଯାଉଛି । ଅଗ୍ନିଶମ ବାହିନୀ ମୃତଦେହକୁ ଉଦ୍ଧାର କରିବା ପରେ ତାହା ସନାତନଙ୍କର ବୋଲି ଜଣାପଡ଼ିଛି । ପୋଲିସ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଦେଇଛି ।
ଅନ୍ୟପକ୍ଷରେ ବୈତରଣୀ ନଦୀର ଅନ୍ୟ ଏକ ସ୍ଥାନରେ ଆଉ ଗୋଟିଏ ଅଜଣା ମୃତ ଦେହ ଭାସୁଥିବାର ସ୍ଥାନୀୟ ଲୋକେ ଦେଖି ପୋଲିସକୁ ଖବର ଦେଇଛନ୍ତି । ତାଙ୍କର ଦୁଇ ହାତ ପଛପଟକୁ ବନ୍ଧା ହୋଇଛି । ଏହା ଶରୀରଟି ଅର୍ଦ୍ଧଦଗ୍ଧ ଅବସ୍ଥାରେ ରହିଛି । ନଦୀ କୂଳର ପଥର ଚଟାଣରେ ରକ୍ତର ଛିଟା ଏବଂ ପୋଡ଼ା ପାଉଁଶ ପଡ଼ିଥିବା ଦେଖିବାକୁ ମିଳିଛି । ତେଣୁ ବ୍ୟକ୍ତି ଜଣଙ୍କୁ ହତ୍ୟା କରି ଫିଙ୍ଗି ଦିଆଯାଇଥିବା ସନ୍ଦେହ କରାଯାଉଛି ।
ମୃତ ଦେହଟି କାହାର ତାହା ସ୍ପଷ୍ଟ ହୋଇ ନାହିଁ । ଯୋଡ଼ା ଥାନା ଆଇଆଇସି ଘଟଣାସ୍ଥଳରେ ପହଞ୍ଚି ଯାଞ୍ଚ କରିଛନ୍ତି ।
📲Get App