🔥 TRENDING Security Forces Uncover Maoist Arms Ca... Chhattisgarh Declared Naxal-Free, Open... Chhattisgarh Admin Promotes Senior IAS... SGPC President Election: Sukhbir Badal... BJP's Yatra Strategy Faces Scrutiny Ov... Bridge Collapses in Punjab Two Years A...
20 Nov 2026•
ગુજરાતી मराठी ਪੰਜਾਬੀ বাংলা
International

ਬੈਨ ਹੋਈ ''ਘੋੜਾ ਗੱਡੀ'' ! ਭਾਰਤੀ ਨੌਜਵਾਨ ਦੀ ਮੌਤ ਮਗਰੋਂ ਅਮਰੀਕਾ ''ਚ ਬਣਿਆ ਕਾਨੂੰਨ

✍️ Reporter: Shamsher Singh 🗓 23 Oct 2026, 12:53 PM 👁 85
Share: 💬 WhatsApp 📘 Facebook 𝕏 Post

ਬੈਨ ਹੋਈ ''ਘੋੜਾ ਗੱਡੀ'' ! ਭਾਰਤੀ ਨੌਜਵਾਨ ਦੀ ਮੌਤ ਮਗਰੋਂ ਅਮਰੀਕਾ ''ਚ ਬਣਿਆ ਕਾਨੂੰਨ

ਬੈਨ ਹੋਈ ''ਘੋੜਾ ਗੱਡੀ'' ! ਭਾਰਤੀ ਨੌਜਵਾਨ ਦੀ ਮੌਤ ਮਗਰੋਂ ਅਮਰੀਕਾ ''ਚ ਬਣਿਆ ਕਾਨੂੰਨ
‎Friday, Oct 23, 2026 ।
‎
‎
‎ਇੰਟਰਨੈਸ਼ਨਲ ਡੈਸਕ- ਅਮਰੀਕਾ ਵਿਖ ਨਿਊਯਾਰਕ ਦੀ ਸਿਟੀ ਕੌਂਸਲ ਨੇ ਘੋੜਾ ਗੱਡੀਆਂ ਦੀ 170 ਸਾਲ ਪੁਰਾਣੀ ਪਰੰਪਰਾ ਨੂੰ ਖਤਮ ਕਰਨ ਵੱਲ ਇੱਕ ਵੱਡਾ ਕਦਮ ਚੁੱਕਿਆ ਹੈ। ਕੌਂਸਲ ਨੇ ਜੂਨ 2028 ਤੋਂ ਇਨ੍ਹਾਂ ਸਵਾਰੀਆਂ 'ਤੇ ਪਾਬੰਦੀ ਲਗਾਉਣ ਲਈ ਵੋਟਿੰਗ ਕੀਤੀ ਹੈ। ਇਹ ਕਦਮ ਇਸ ਸਾਲ ਜੂਨ ਵਿੱਚ ਹੋਏ ਇੱਕ ਹਾਦਸੇ ਤੋਂ ਬਾਅਦ ਚੁੱਕਿਆ ਗਿਆ ਹੈ, ਜਿਸ ਵਿੱਚ ਇੱਕ ਭਾਰਤੀ ਕਿਸ਼ੋਰ ਦੀ ਮੌਤ ਹੋ ਗਈ ਸੀ। ਵੀਰਵਾਰ ਨੂੰ ਹੋਈ ਵੋਟਿੰਗ ਵਿੱਚ,ਕੌਂਸਲ ਨੇ ਰੋਮਾਂਚ ਕਾਨੂੰਨ ਨੂੰ 40-7 ਬਹੁਮਤ ਨਾਲ ਮਨਜ਼ੂਰੀ ਦੇ ਦਿੱਤੀ। ਹਾਲਾਂਕਿ, ਘੋੜਾ ਗੱਡੀਆਂ ਚਲਾਉਣ ਵਾਲਿਆਂ ਨੇ ਇਸਦੇ ਵਿਰੁੱਧ ਕਾਨੂੰਨੀ ਕਾਰਵਾਈ ਦੀ ਧਮਕੀ ਦਿੱਤੀ ਹੈ।
‎
‎ਮੇਅਰ ਜ਼ੋਹਰਾਨ ਮਮਦਾਨੀ ਦੁਆਰਾ ਸਮਰਥਤ ਇਸ ਕਾਨੂੰਨ ਦਾ ਨਾਮ 18 ਸਾਲਾ ਭਾਰਤੀ ਕਿਸ਼ੋਰ ਰੋਮਾਂਚ ਮਹਾਜਨ ਦੇ ਨਾਮ 'ਤੇ ਰੱਖਿਆ ਗਿਆ ਹੈ। ਰੋਮਾਂਚ ਦੀ 17 ਜੂਨ ਨੂੰ ਸੈਂਟਰਲ ਪਾਰਕ ਵਿੱਚ ਇੱਕ ਬੇਕਾਬੂ ਘੋੜਾ ਗੱਡੀ ਤੋਂ ਡਿੱਗਣ ਕਾਰਨ ਮੌਤ ਹੋ ਗਈ ਸੀ। ਉਹ ਆਪਣੇ ਪਰਿਵਾਰ ਨਾਲ ਇੱਥੇ ਘੁੰਮਣ ਆਇਆ ਸੀ। ਜਦੋਂ ਡਰਾਈਵਰ ਮਹਾਜਨ ਦੇ ਪਰਿਵਾਰ ਦੀ ਫੋਟੋ ਖਿੱਚਣ ਲਈ ਪਿੱਛੇ ਹਟਿਆ ਤਾਂ ਉਸਦੀ ਗੱਡੀ ਨੂੰ ਖਿੱਚ ਰਿਹਾ ਘੋੜਾ ਕੰਟਰੋਲ ਤੋਂ ਬਾਹਰ ਹੋ ਗਿਆ। ਰੋਮਾਂਚ ਗੱਡੀ ਤੋਂ ਡਿੱਗ ਪਿਆ ਅਤੇ ਉਸਨੂੰ ਜਾਨਲੇਵਾ ਸੱਟਾਂ ਲੱਗੀਆਂ।
‎
‎ਇਸ ਕਾਨੂੰਨ ਦੇ ਤਹਿਤ ਇਹ ਕਾਰੋਬਾਰ 1 ਜੂਨ, 2028 ਤੱਕ ਪੂਰੀ ਤਰ੍ਹਾਂ ਬੰਦ ਹੋ ਜਾਵੇਗਾ। ਇਸ ਕਦਮ ਨਾਲ ਨਿਊਯਾਰਕ ਦੀਆਂ ਸੜਕਾਂ ਅਤੇ ਸੈਂਟਰਲ ਪਾਰਕ 'ਤੇ ਲੰਬੇ ਸਮੇਂ ਤੋਂ ਚੱਲ ਰਹੇ ਸੈਲਾਨੀ ਆਕਰਸ਼ਣ ਅਤੇ ਇੱਕ ਇਤਿਹਾਸਕ ਉਦਯੋਗ ਦਾ ਅੰਤ ਹੋ ਜਾਵੇਗਾ। ਜ਼ੋਹਰਾਨ ਮਮਦਾਨੀ ਦੀ ਅਗਵਾਈ ਵਾਲੇ ਸ਼ਹਿਰ ਪ੍ਰਸ਼ਾਸਨ ਨੂੰ 150 ਤੋਂ ਵੱਧ ਘੋੜਾ ਗੱਡੀਆਂ ਦੇ ਡਰਾਈਵਰਾਂ ਅਤੇ ਹੋਰ ਕਰਮਚਾਰੀਆਂ ਲਈ ਇੱਕ ਤਬਦੀਲੀ ਪ੍ਰੋਗਰਾਮ ਵੀ ਵਿਕਸਤ ਕਰਨਾ ਪਵੇਗਾ।
‎ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਘੋੜਾ ਗੱਡੀਆਂ 'ਤੇ ਪਾਬੰਦੀ ਲਗਾਉਣ ਦੇ ਸਿਟੀ ਕੌਂਸਲ ਦੇ ਪ੍ਰਸਤਾਵ ਦੀ ਆਲੋਚਨਾ ਕੀਤੀ ਹੈ। ਟਰੰਪ ਨੇ ਕਿਹਾ ਕਿ ਘੋੜਾ ਗੱਡੀਆਂ ਨਿਊਯਾਰਕ ਸ਼ਹਿਰ ਦੇ ਇਤਿਹਾਸ ਦਾ ਇੱਕ ਮਹੱਤਵਪੂਰਨ ਹਿੱਸਾ ਹਨ। ਉਨ੍ਹਾਂ ਨੇ ਹਾਦਸੇ ਕਾਰਨ ਪਾਬੰਦੀ ਲਗਾਉਣ 'ਤੇ ਸਵਾਲ ਉਠਾਏ। ਟਰੰਪ ਨੇ ਪੁੱਛਿਆ, "ਸੜਕ ਹਾਦਸਿਆਂ ਦੇ ਬਾਵਜੂਦ ਪਾਰਕ ਵਿੱਚ ਕਾਰਾਂ ਨੂੰ ਜਾਣ ਦੀ ਇਜਾਜ਼ਤ ਹੋਣ 'ਤੇ ਇਨ੍ਹਾਂ ਗੱਡੀਆਂ 'ਤੇ ਪਾਬੰਦੀ ਕਿਉਂ ਲਗਾਈ ਜਾਵੇ?"
📲Get App