🔥 TRENDING Anushka Shetty Sells Hyderabad Residen... Actress Sreeleela’s Telugu film hiatus... Democratic Lawmakers Link US Funding B... Government to Establish Central Author... Tripura SW & SE Minister pledges maste... Siberian migratory birds spotted acros...
20 Nov 2026•
ગુજરાતી मराठी ਪੰਜਾਬੀ বাংলা
Education

માંડવી તાલુકામાં ઓનલાઈન અહેવાલોના બોજને કારણે આદિવાસી બાળકોના શિક્ષણ પર વિપરીત અસર, વિરોધ પક્ષે ઉઠાવ્યો મુદ્દો

✍️ Reporter: Maheta Dhavalkumar Jitendrabhai 🗓 22 Oct 2026, 09:33 PM 👁 72
Share: 💬 WhatsApp 📘 Facebook 𝕏 Post

માંડવી તાલુકાની પ્રાથમિક શાળાઓમાં શિક્ષકો ડેટા એન્ટ્રી અને ઓનલાઈન અહેવાલો ભરવામાં વ્યસ્ત રહેવાથી આદિવાસી બાળકોને પૂરતો સમય મળી શકતો નથી. તાલુકા પંચાયતના વિરોધ પક્ષે આ ગંભીર મુદ્દે વાચા આપી છે.

પ્રાથમિક શિક્ષણ એ માત્ર અક્ષરજ્ઞાન નથી, પરંતુ આદિવાસી વિસ્તારના નિર્દોષ બાળકોના ઉજ્જવળ ભવિષ્યની પહેલી સીડી છે. પરંતુ માંડવી તાલુકાની પ્રાથમિક શાળાઓમાં આજે એક ગંભીર અને ભાવાત્મક પરિસ્થિતિ સર્જાઈ છે. જે હાથમાં ચોક અને ડસ્ટર પકડીને બાળકોને અક્ષરજ્ઞાન આપવાના હોય, તે હાથ આજે આખો દિવસ સરકારી પોર્ટલો પર ડેટા એન્ટ્રી કરવા અને ઓનલાઈન અહેવાલો ભરવામાં વ્યસ્ત બની ગયા છે.

આ પરિણામે, માંડવીના આંતરિયાળ ગામડાઓના ગરીબ અને આદિવાસી બાળકોના શિક્ષણ પર ભારે વિપરીત અસર પડી રહી હોવાની ચિંતા ઉપસી છે. આદિવાસી વિસ્તારના બાળકો માટે પ્રાથમિક શાળા એ જ તેમનો એકમાત્ર આશરો અને આધાર છે. વાંચન, લેખન અને પાયાનું જ્ઞાન શીખવા માટે આ બાળકોને શિક્ષકના આત્મીય સાનિધ્ય અને માર્ગદર્શનની સૌથી વધુ જરૂર હોય છે.

પરંતુ ઓનલાઈન કામગીરી અને વહીવટી બોજ એટલો વધી ગયો છે કે શિક્ષકો ઈચ્છવા છતાં બાળકોને પૂરતો સમય આપી શકતા નથી. વર્ગખંડમાં બાળકો શિક્ષકની રાહ જોતા રહે છે અને શિક્ષક કમ્પ્યુટર કે મોબાઈલના સ્ક્રીન સામે અહેવાલો ભરવામાં અટવાયેલા રહે છે. આ પરિસ્થિતિ બાળકોના ભવિષ્ય સામે મોટો પ્રશ્નાર્થ ચિન્હ ઊભો કરે છે.

આ ગંભીર અને સંવેદનશીલ મુદ્દાને વાચા આપવા માટે માંડવી તાલુકા પંચાયતના વિરોધ પક્ષના નાથુભાઈ કનૈયાભાઈ ચૌધરી તથા મોટીચેર બેઠકના તાલુકા પંચાયત સભ્ય હિમાંશુ ચૌધરી આગળ આવ્યા છે.
📲Get App