🔥 TRENDING विष्णु धाम महोत्सव की तैयारियों का डीए... गुरवा चौक में बिना नंबर प्लेट गाड़ी से... তৃণমূল পন্থী মনোভাব বিজেপি কর্মীরা ২০০... UP Congress In‑Charge Says SP Alliance... Taj Mahal Urs Committee Demands Action... Woman and Two Daughters Perish in Hous...
19 Nov 2026•
ગુજરાતી मराठी ਪੰਜਾਬੀ বাংলা

શ્રી કેસરીયાજી દશામા કોલેજ ઑફ નર્સિંગ, ઝાલોદ ખાતે નવા બેચના વિદ્યાર્થીઓનું ગુલાબ અને ગુલાબજાંબુ ખવડાવી ઉષ્માભર્યું સ્વાગત

✍️ Reporter: Pankaj Pandit 🗓 21 Oct 2026, 04:44 PM 👁 84
Share: 💬 WhatsApp 📘 Facebook 𝕏 Post
શ્રી કેસરીયાજી દશામા કોલેજ ઑફ નર્સિંગ, ઝાલોદ ખાતે નવા બેચના વિદ્યાર્થીઓનું ગુલાબ અને ગુલાબજાંબુ ખવડાવી ઉષ્માભર્યું સ્વાગત

ઝાલોદ સ્થિત શ્રી કેસરીયાજી દશામા કોલેજ ઑફ નર્સિંગ ખાતે તા. ૨૧ ઑક્ટોબર, ૨૦૨૬ના રોજ નવા શૈક્ષણિક બેચના વિદ્યાર્થીઓના સ્વાગત માટે વિશેષ કાર્યક્રમનું આયોજન કરવામાં આવ્યું હતું. આ પ્રસંગે કોલેજના ટ્રસ્ટીશ્રી ડામોર મુકેશભાઈ સમસુભાઈ, પ્રિન્સિપાલ મેડમ તથા કોલેજના સમગ્ર સ્ટાફની ઉપસ્થિતિમાં નવા પ્રવેશ પામેલા વિદ્યાર્થીઓને ગુલાબનું ફૂલ અર્પણ કરીને તથા ગુલાબજાંબુ ખવડાવીને ઉષ્માભર્યું સ્વાગત કરવામાં આવ્યું હતું.

કાર્યક્રમ દરમિયાન વિદ્યાર્થીઓને નર્સિંગ ક્ષેત્રનું મહત્ત્વ, સેવાભાવ, માનવતા અને દર્દીઓ પ્રત્યેની સંવેદનશીલતા અંગે પ્રેરણાત્મક માર્ગદર્શન આપવામાં આવ્યું હતું. નર્સિંગ વ્યવસાય માત્ર કારકિર્દીનું માધ્યમ નથી, પરંતુ દર્દીઓની નિઃસ્વાર્થ સેવા અને માનવતાના મૂલ્યોને જાળવી રાખવાનું ઉમદા કાર્ય છે, તે અંગે વિદ્યાર્થીઓને માહિતગાર કરવામાં આવ્યા હતા.

આ પ્રસંગે કોલેજના ટ્રસ્ટીશ્રી ડામોર મુકેશભાઈ સમસુભાઈ તથા પ્રિન્સિપાલ મેડમે વિદ્યાર્થીઓને અભ્યાસમાં નિષ્ઠા, શિસ્ત, સમર્પણ અને સેવાભાવ સાથે આગળ વધવા પ્રોત્સાહિત કર્યા હતા. સાથે જ કોલેજના સમગ્ર સ્ટાફ દ્વારા વિદ્યાર્થીઓને નર્સિંગ ક્ષેત્રમાં જરૂરી જ્ઞાન, કૌશલ્ય અને વ્યવસાયિક મૂલ્યો વિકસાવવા માટે માર્ગદર્શન આપવામાં આવ્યું હતું.

નવા વિદ્યાર્થીઓના સ્વાગત માટે આયોજિત આ કાર્યક્રમથી કોલેજમાં ઉત્સાહ અને આનંદનો માહોલ જોવા મળ્યો હતો. અંતે કોલેજ પરિવાર દ્વારા તમામ નવા વિદ્યાર્થીઓને તેમના શૈક્ષણિક જીવનની સફળ શરૂઆત તથા ઉજ્જવળ ભવિષ્ય અને સફળ નર્સિંગ કારકિર્દી માટે હાર્દિક શુભકામનાઓ પાઠવવામાં આવી હતી.

— શ્રી કેસરીયાજી દશામા કોલેજ ઑફ નર્સિંગ, ઝાલોદ
📲Get App