🔥 TRENDING सेक्टर 12 स्थित श्री श्याम मंदिर में भ... ବାଲେଶ୍ବର ଜିଲ୍ଲାରେ ସମସ୍ତ ସ୍କୁଲ ଓ ଅଙ୍ଗନବ... ବାତ୍ୟା ଚେତାବନୀରେ ପୂର୍ବତଟ ରେଲୱେ ଆଜି ଛଅଟ... ୧୩ କିମି/ଘଣ୍ଟା ବେଗରେ ଚଳିତ ସାଇକ୍ଲୋନ୍ ଆକ୍... ଫେବ୍ରୁଆରୀ ୧୬ରୁ ଆରମ୍ଭ ହେବା ଯୁକ୍ତ ୨ ପରୀକ... Cyclone Aqwan 20-21 ତାରିଖରେ ଶିମିଳିପାଳ...
19 Nov 2026•
ગુજરાતી मराठी ਪੰਜਾਬੀ বাংলা
Agriculture

સાબરમતી યોજના હેઠળ હિંમતનગર, ઇડર અને વડાલી તાલુકા માટે રવિ સિંચાઈ સમયપત્રક નક્કી..

✍️ Reporter: એસ એ શિરોયા 🗓 21 Oct 2026, 07:22 PM 👁 101
Watch on: ▶️ YouTube
Share: 💬 WhatsApp 📘 Facebook 𝕏 Post

સાબરમતી જળાશય યોજના અંતર્ગત ધરોઈ ડાબા કાંઠા નહેર સિંચાઈ સલાહકાર સમિતિ દ્વારા રવિ મોસમ ૨૦૨૬-૨૭ માટે હિંમતનગર, ઇડર અને વડાલી તાલુકાની સંયુક્ત સમીક્ષા બેઠક યોજાઈ હતી, જેમાં ખેડૂતોને સમયસર પાણી પૂરું પાડવા માટે જરૂરી આયોજન કરવામાં આવ્યું છે..

આજ રોજ સાબરમતી જળાશય યોજના અંતર્ગત ધરોઈ ડાબા કાંઠા નહેર સિંચાઈ સલાહકાર સમિતિની રવિ મોસમ વર્ષ ૨૦૨૬-૨૭ સંદર્ભે હિંમતનગર, ઇડર અને વડાલી તાલુકાની સંયુક્ત સમીક્ષા બેઠક યોજાઈ હતી. આ બેઠકમાં ઉપસ્થિત રહી ખેડૂતોને આગામી રવિ ઋતુ દરમિયાન બટાકા, ઘઉં સહિતના પાકોના વાવેતર અને સિંચાઈ માટે સમયસર તેમજ સુવ્યવસ્થિત રીતે પાણી મળી રહે તે અંગે અધિકારીઓ સાથે વિસ્તૃત ચર્ચા કરી જરૂરી માર્ગદર્શન પૂરું પાડવામાં આવ્યું હતું.બેઠકમાં રવિ પાકોની સિંચાઈ માટેનું સુચારુ સમયપત્રક નક્કી કરવામાં આવ્યું છે. તેમજ છેવાડાના ખેડૂતો સુધી પૂરતું પાણી પહોંચે તે હેતુથી નહેરોની સાફ-સફાઈ અને જરૂરી ઢાળિયાંની મરામત અંગે સૂચનાઓ આપવામાં આવી છે. સાબરકાંઠા જિલ્લાના ઇડર, વડાલી અને હિંમતનગર તાલુકાના આશરે ૮૦ ગામો સહિત પેથાપુર, રંગપુર, સાચોદર, પીપોદર, પ્રેમપુર, જીવાપુર, મુનપુર, કાનડા અને ઇલોલ ગામોના ખેડૂતોને સિંચાઈનો મહત્તમ લાભ મળે તે સુનિશ્ચિત કરવામાં આવ્યું છે..

આ બેઠકમાં કાર્યપાલક ઈજનેર એન.પી. પટેલ, નાયબ કાર્યપાલક ઈજનેર જનકભાઈ પટેલ,એસ.ઓ. મંથનભાઈ ભટ્ટ, વિપુલભાઈ પટેલ, કાન્તિભાઈ પટેલ, ગીરીશભાઈ પટેલ, હિતેન્દ્રભાઈ પટેલ, ગુલામ હમિદ ડોડીયા સહિત સિંચાઈ વિભાગના અધિકારીઓ તથા મોટી સંખ્યામાં ખેડૂતો ઉપસ્થિત રહ્યા હતા. ખેડૂતોની સમૃદ્ધિ અને ઉત્કૃષ્ટ પાક ઉત્પાદન માટે સતત કટિબદ્ધ રહેવાની ભૂમિકા અધિકારીઓ દ્વારા રજૂ કરવામાં આવી છે.
📲Get App