🔥 TRENDING Jharkhand Police Portal Crash Forces R... 92-Year-Old Woman Escapes Nursing Home... TPCC chief accuses BRS of betraying Te... Morning haze lingers in Hyderabad as r... New predatory aquatic insect species i... Cyclone Akvan Forces Cancellation of 4...
20 Nov 2026•
ગુજરાતી मराठी ਪੰਜਾਬੀ বাংলা

સમીના નાની ચંદુર ગામે દશેરાના દિવસે અનોખી પરંપરા નિભાવાય છે

✍️ Reporter: Atul Thakor 🗓 20 Oct 2026, 01:15 PM 👁 565
Share: 💬 WhatsApp 📘 Facebook 𝕏 Post
સમીના નાની ચંદુર ગામે દશેરાના દિવસે અનોખી પરંપરા નિભાવાય છે

નવરાત્રિની એકમના દિવસે કુળદેવી માતાજીના મંદિરે જવેરાની વાવણી, દશેરાના દિવસે સમગ્ર ગામના પરિવારો દ્વારા ગામ તળાવે જવેરાનું વિસર્જન

સમી, પાટણ: સમી તાલુકાના નાની ચંદુર ગામે દશેરાના પર્વ નિમિત્તે વર્ષોથી ચાલી આવતી અનોખી ધાર્મિક પરંપરા આજે પણ શ્રદ્ધા અને આસ્થાપૂર્વક નિભાવવામાં આવે છે. ગામના તમામ પરિવારો આ પરંપરામાં સહભાગી બનીને ગામની ધાર્મિક સંસ્કૃતિ અને સામૂહિક એકતાનું ઉદાહરણ પૂરું પાડે છે.

નવરાત્રિના પ્રથમ દિવસે એટલે કે એકમના પવિત્ર દિવસે ગામના દરેક પરિવાર દ્વારા પોતાના કુળદેવી માતાજીના મંદિરે જવેરાની વાડી કરવામાં આવે છે. નવરાત્રિ દરમિયાન જવેરાની પૂજા-અર્ચના અને માતાજી પ્રત્યેની શ્રદ્ધા સાથે આ ધાર્મિક પરંપરા આગળ વધે છે.

ત્યારબાદ દશેરાના દિવસે ગામના તમામ લોકો પોતાના પરિવાર સાથે એકત્રિત થઈને નવરાત્રિ દરમિયાન વાવેલા જવેરાનું ગામના તળાવે વિસર્જન કરે છે. આ પ્રસંગે સમગ્ર ગામના પરિવારોની સહભાગિતા જોવા મળે છે, જે ગામની વર્ષો જૂની પરંપરા, ધાર્મિક આસ્થા અને સામૂહિક ભાવનાને ઉજાગર કરે છે.

આમ, નાની ચંદુર ગામમાં દશેરાના દિવસે જવેરાના વિસર્જનની આ અનોખી પરંપરા માત્ર ધાર્મિક વિધિ પૂરતી સીમિત નથી, પરંતુ ગામના પરિવારોને એકસાથે જોડતી અને સાંસ્કૃતિક વારસાને જીવંત રાખતી આગવી ઓળખ બની રહી છે.
📲Get App