🔥 TRENDING Drishti IAS Releases Daily Madhya Prad... बिहार में दवा दुकानों पर औषधि नियंत्रण... Sidhu Moosewala’s Father Balkaur Singh... रिम्स जमीन घोटाले में ACB की बड़ी कार्... Congress moves Constitution Protection... Rajasthan Chief Secretary Signs Seoul...
19 Nov 2026•
ગુજરાતી मराठी ਪੰਜਾਬੀ বাংলা
Crime

આમોદમાં ઈખર-મેસરાડ કેનાલ માર્ગે ૯૦ વર્ષીય વૃદ્ધનું સળગેલું શરીર મળ્યું

✍️ Reporter: Azruudin Mustak Patel 🗓 20 Oct 2026, 10:15 PM 👁 107
Watch on: ▶️ YouTube
Share: 💬 WhatsApp 📘 Facebook 𝕏 Post

આમોદમાં ઈખર-મેસરાડ કેનાલ માર્ગે ૯૦ વર્ષીય વૃદ્ધનું સળગેલું શરીર મળી, સ્થાનિકોમાં ચકચાર સર્જાયો.

આમોદ શહેરમાં ઈખર-મેસરાડ કેનાલ માર્ગે ૯૦ વર્ષીય વૃદ્ધનો સળગેલો મૃતદેહ મળ્યો છે.

આમોદ તાલુકાના ઇખર ગામ નજીક ઇખર-મેસરાડ કેનાલ માર્ગ પરથી ૯૦ વર્ષીય વૃદ્ધનો સળગેલી હાલતમાં મૃતદેહ મળી આવતાં સમગ્ર પંથકમાં ભારે ચકચાર મચી જવા પામી છે. વૃદ્ધનું મોત કયા સંજોગોમાં થયું અને તેમનો મૃતદેહ સળગેલી હાલતમાં કેવી રીતે મળી આવ્યો તે અંગે અનેક અટકળો ની સાથે સવાલો ઉભા થયા છે. ઘટનાની ગંભીરતાને ધ્યાને લઈને આમોદ પોલીસે તપાસના ચક્રો ગતિમાન કર્યા છે. ઇખર ગામની કુંભારવાડી વિસ્તારમાં રહેતા ૯૦ વર્ષીય મહોમદ યુસુફભાઈ પટેલનો મૃતદેહ ઇખર-મેસરાડ કેનાલ માર્ગ પરથી સળગેલી હાલતમાં મળી આવ્યો હતો. ઘટનાની જાણ થતાં જ આમોદ પોલીસ મથકના પીઆઈ આર.બી. કરમટીયા સહિતનો પોલીસ કાફલો તાત્કાલિક ઘટનાસ્થળે દોડી ગયો હતો. પોલીસે મૃતદેહનો કબજો મેળવી આગળની કાયદેસરની કાર્યવાહી હાથ ધરી હતી.
પરિવારજનો અને ગ્રામજનો ઘટનાસ્થળે એકત્ર થયા હતા. ૯૦ વર્ષીય વૃદ્ધના મોતના સમાચારથી પરિવારજનોમાં શોકની લાગણી ફેલાઈ હતી. બીજી તરફ, ઘટનાને લઈને સ્થાનિકોમાં પણ અનેક તર્ક-વિતર્ક થઈ રહ્યા છે. વૃદ્ધનું મોત કયા સંજોગોમાં થયું, તેમનો મૃતદેહ સળગેલી હાલતમાં મળી આવવા પાછળનું કારણ શું છે અને આ ઘટના અકસ્માત છે કે અન્ય કોઈ સંજોગો જવાબદાર છે, તે સહિતના સવાલોના જવાબ હાલ મળવાના બાકી છે. આ તમામ પાસાંને ધ્યાનમાં રાખીને પોલીસે મૃતદેહનું પેનલ પોસ્ટમોર્ટેમ કરાવવાની કાર્યવાહી હાથ ધરી છે.
વૃદ્ધના મોત અંગે કોઈ અંતિમ તારણ સામે આવ્યું નથી. પોસ્ટમોર્ટેમ રિપોર્ટ, ઘટનાસ્થળેથી મળતા પુરાવા અને પોલીસ તપાસના આધારે જ મોતનું સાચું કારણ સ્પષ્ટ થઈ શકશે. વૃદ્ધના મોત પાછળનું રહસ્ય ઉકેલવા પોલીસ તપાસ આગળ વધી રહી છે ત્યારે હવે પેનલ પોસ્ટમોર્ટેમના તારણો અને તપાસના પરિણામો પર સૌની નજર મંડાયેલી છે.
📲Get App