🔥 TRENDING પ્રાંતિજ નજીક હાઈવે પર અકસ્માતમાં ડીઝલ... திருப்பூரை சேர்ந்த மது மயக்கத்தில் இரு... उमाशंकर के अंदाज में रसड़ा की सियासत म... కృష్ణాజిల్లా గుడివాడ పురపాలక సంఘం ఎన్న... 13 வயது யோகலட்சுமி 19 நவம்பர் 2026 கால... बाड़मेर में चुनावी पारा चढ़ा, परिणाम क...
19 Nov 2026•
ગુજરાતી मराठी ਪੰਜਾਬੀ বাংলা

તિલકવાડાના મારુતી બંગ્લોઝમાં ડીજેના તાલે ગરબા સાથે માતાજીની ભવ્ય વિસર્જન યાત્રા

✍️ Reporter: Bhailalbhai Baria 🗓 20 Oct 2026, 10:42 PM 👁 109
Share: 💬 WhatsApp 📘 Facebook 𝕏 Post
નર્મદા જિલ્લાના તિલકવાડા ખાતે ચોકડી પર આવેલી મારુતી બંગ્લોઝ સોસાયટીમાં નવરાત્રિ મહોત્સવની ભક્તિભાવ અને શ્રદ્ધા સાથે ઉજવણી કરવામાં આવી હતી. મૂળ ઉત્તર પ્રદેશના ગોરખપુરના વતની અને કેળાના સપ્લાયર તરીકે જાણીતા શ્રી રાજુભાઈ અને પૂનમબેન દ્વારા માતાજીની મૂર્તિની સ્થાપના કરવામાં આવી હતી. નવ દિવસ દરમિયાન માતાજીની પૂજા-અર્ચના સહિત વિવિધ ધાર્મિક કાર્યક્રમો યોજાયા હતા, જેમાં સોસાયટીના રહીશો અને ભાવિકોએ ઉત્સાહપૂર્વક ભાગ લીધો હતો.
નવરાત્રિ દરમિયાન રાજુભાઈ અને પૂનમબેન દ્વારા કન્યા પૂજન અને કન્યા ભોજનનું પણ આયોજન કરવામાં આવ્યું હતું. કન્યાઓને માતાજીનું સ્વરૂપ માની તેમનું પૂજન કરી ભાવપૂર્વક ભોજન કરાવવામાં આવ્યું હતું. આ કાર્યક્રમ દ્વારા ભારતીય સંસ્કૃતિ, સંસ્કાર અને કન્યા સન્માનનો સંદેશ આપવામાં આવ્યો હતો.
નવ દિવસની આરાધના પૂર્ણ થયા બાદ આજે દશેરાના પવિત્ર દિવસે માતાજીની મૂર્તિની ભવ્ય વિસર્જન યાત્રા કાઢવામાં આવી હતી. ડીજેના તાલે અને માતાજીના જયઘોષ સાથે નીકળેલી આ યાત્રા તિલકવાડા બજારમાંથી પસાર થઈ હતી. આ દરમિયાન ભક્તોએ ગરબા રમીને માતાજી પ્રત્યે પોતાની શ્રદ્ધા વ્યક્ત કરી હતી, જેના કારણે સમગ્ર વાતાવરણ ભક્તિમય બની ગયું હતું.
ત્યારબાદ માતાજીની મૂર્તિને નર્મદા નદી ખાતે લઈ જવામાં આવી હતી, જ્યાં ધાર્મિક પરંપરા મુજબ મૂર્તિનું વિસર્જન કરવામાં આવ્યું હતું. ભક્તોએ માતાજીને સૌના જીવનમાં સુખ, શાંતિ, સમૃદ્ધિ અને ખુશહાલી જળવાઈ રહે તેવી પ્રાર્થના કરી હતી.
આમ, મારુતી બંગ્લોઝ સોસાયટીમાં નવરાત્રિ મહોત્સવ અંતર્ગત માતાજીની નવ દિવસની આરાધના, કન્યા પૂજન, કન્યા ભોજન અને આજે દશેરાના દિવસે ભવ્ય વિસર્જન યાત્રા સાથે ધાર્મિક કાર્યક્રમોનું સમાપન થયું હતું. આ આયોજન ધાર્મિક આસ્થા, સામાજિક એકતા અને ભારતીય સંસ્કૃતિનું સુંદર ઉદાહરણ બન્યું હતું.
📲Get App