🔥 TRENDING UDF സർക്കാരിന്റെ പ്രവാസി വിരുദ്ധ നയങ്ങ... The Times of India Unveils Official Tr... Vulture Declared Nashik's Symbolic Bir... ED Seizes Assets Worth Rs 16.23 Crore... Maharashtra Governor pledges assistanc... Six killed in road accident returning...
19 Nov 2026•
ગુજરાતી मराठी ਪੰਜਾਬੀ বাংলা

અમરેલી જિલ્લામાં ફોટાવાળી મતદારયાદીઓનો ખાસ સંક્ષિપ્ત સુધારણા કાર્યક્રમ-૨૦૨૭ જાહેર

✍️ Reporter: Sodha Gourangbhai 🗓 18 Oct 2026, 12:54 PM 👁 88
Share: 💬 WhatsApp 📘 Facebook 𝕏 Post
અમરેલી જિલ્લામાં ફોટાવાળી મતદારયાદીઓનો ખાસ સંક્ષિપ્ત સુધારણા કાર્યક્રમ-૨૦૨૭ જાહેર

તા. ૦૧ જાન્યુઆરી, ૨૦૨૭ની લાયકાતની તારીખના સંદર્ભમાં મતદારયાદીમાં નામ નોંધાવવા તથા વિગતોમાં સુધારા કરાવવા નાગરિકોને અપીલ


અમરેલી, તા. ૧૭ ઓક્ટોબર
ભારતના ચૂંટણી પંચ દ્વારા તા. ૦૧ જાન્યુઆરી, ૨૦૨૭ની લાયકાતની તારીખના સંદર્ભમાં ફોટાવાળી મતદારયાદીઓનો ખાસ સંક્ષિપ્ત સુધારણા કાર્યક્રમ-૨૦૨૭ જાહેર કરવામાં આવ્યો છે. આ કાર્યક્રમ અંતર્ગત અમરેલી જિલ્લાના લાયકાત ધરાવતા નાગરિકો મતદારયાદીમાં પોતાના નામની નોંધણી કરાવી શકશે તેમજ મતદારયાદીમાં નામ ધરાવતા મતદારો પોતાની વિગતોમાં જરૂરી સુધારા કરાવી શકશે.

ભારતના ચૂંટણી પંચ દ્વારા જાહેર કરવામાં આવેલા કાર્યક્રમ અનુસાર, મતદાન મથકોના રેશનલાઇઝેશન/રી-એરેજમેન્ટની કામગીરી તા. ૦૨ નવેમ્બર, ૨૦૨૬ (સોમવાર) સુધીમાં પૂર્ણ કરવાની રહેશે. ત્યારબાદ તા. ૧૨ નવેમ્બર, ૨૦૨૬ (શનિવાર)ના રોજ સંકલિત મતદારયાદીની મુસદ્દાની પ્રસિદ્ધિ કરવામાં આવશે. મુસદ્દાની પ્રસિદ્ધિ બાદ તા. ૧૨ નવેમ્બર, ૨૦૨૬ (શનિવાર)થી તા. ૧૧ ડિસેમ્બર, ૨૦૨૬ (શુક્રવાર) સુધી હક્ક-દાવા તથા વાંધા અરજીઓ રજૂ કરી શકાશે. હક્ક-દાવા અને વાંધા અરજીઓનો નિકાલ તા. ૨૮ ડિસેમ્બર, ૨૦૨૬ (સોમવાર) સુધીમાં કરવામાં આવશે. ત્યારબાદ તા. ૦૪ જાન્યુઆરી, ૨૦૨૭ (સોમવાર)ના રોજ આખરી મતદારયાદી પ્રસિદ્ધ કરવામાં આવશે.

તા. ૦૧ જાન્યુઆરી, ૨૦૨૭ના રોજ લાયકાત ધરાવતા અમરેલી જિલ્લાના તમામ નાગરિકો મતદારયાદીમાં પોતાના નામની નોંધણી કરાવે તેમજ મતદારયાદીમાં નામ ધરાવતા નાગરિકો પોતાની વિગતોમાં જરૂરી સુધારા કરાવે તે માટે જિલ્લા ચૂંટણી તંત્ર દ્વારા અપીલ કરવામાં આવી છે. ખાસ કરીને મતદારયાદીમાં નામ નોંધાવવાનું બાકી હોય તેવા યુવા નાગરિકો આ કાર્યક્રમનો લાભ લઈને મતદારયાદીમાં પોતાના નામની નોંધણી કરાવે તે જરૂરી છે.

મતદારયાદી સંબંધિત વધુ માહિતી અને માર્ગદર્શન મેળવવા માટે નાગરિકો ભારતના ચૂંટણી પંચના ટોલ ફ્રી હેલ્પલાઇન નંબર ૧૯૫૦ પર સંપર્ક કરી શકશે. તેમ અમરેલી જિલ્લા ચૂંટણી અધિકારી અને કલેક્ટરશ્રી અમરેલીએ એક યાદીમાં જણાવ્યું છે.
📲Get App