🔥 TRENDING West Bengal Board Announces HS 3rd Sem... পিয়ালি রাশ ও গ্রামীন মেলা প্রশাসনিক স... Severe Cyclonic Storm Akvan Nears Indi... Tejashwi Yadav Slams Bihar Government... Bihar Law Department Opens 2026 Recrui... Bihar Launches New Police Data Centre,...
20 Nov 2026•
ગુજરાતી मराठी ਪੰਜਾਬੀ বাংলা
Crime

જાફરાબાદની સરકારી શાળામાં શિક્ષક દ્વારા વિદ્યાર્થિનીઓના જાતીય શોષણનો આરોપ: ધરપકડ

✍️ Reporter: Rangpara Shaileshbhai 🗓 17 Oct 2026, 12:45 AM 👁 76
Watch on: 📘 Facebook
Share: 💬 WhatsApp 📘 Facebook 𝕏 Post

અમરેલી જિલ્લાના જાફરાબાદમાં એક સરકારી શાળાના શિક્ષક પર ધોરણ 8 ની ચાર વિદ્યાર્થિનીઓનું જાતીય શોષણ કરવાનો ગંભીર આરોપ લાગ્યો છે. પોલીસે આરોપી શિક્ષકની ધરપકડ કરી કાયદેસરની કાર્યવાહી હાથ ધરી છે.

અમરેલી જિલ્લાના જાફરાબાદ તાલુકામાંથી શિક્ષણ જગતને લાંછન લગાવતી એક ચોંકાવનારી ઘટના સામે આવી છે. અહીંની એક સરકારી પ્રાથમિક શાળાના શિક્ષક સામે ધોરણ 8 માં અભ્યાસ કરતી ચાર વિદ્યાર્થિનીઓનું જાતીય શોષણ કરવાનો ગંભીર આરોપ લાગ્યો છે. આ આરોપો બાદ પોલીસે તાત્કાલિક કાર્યવાહી કરી આરોપી શિક્ષકની ધરપકડ કરી છે.

પ્રાપ્ત માહિતી અનુસાર, જાફરાબાદ વિસ્તારમાં આવેલી એક સરકારી શાળામાં ફરજ બજાવતા શિક્ષક રામશંકર પંડ્યા (જે મૂળ ભાવનગરના રહેવાસી છે) સામે ફરિયાદ નોંધાઈ છે. આરોપ છે કે છેલ્લા બે વર્ષથી તે વિદ્યાર્થિનીઓને ચા બનાવવાના બહાને બોલાવીને તેમની સાથે અડપલા કરતો હતો. એક વિદ્યાર્થિની પર બળાત્કાર અને અન્ય ત્રણ વિદ્યાર્થિનીઓ પર જાતીય હુમલો કર્યાનો ગંભીર આરોપ છે.

આ સમગ્ર મામલાનો પર્દાફાશ અમરેલી પોલીસ દ્વારા શાળાઓમાં યોજાયેલા 'મિશન સ્માઈલ' કાર્યક્રમ દરમિયાન થયો. આ કાર્યક્રમમાં બાળકોને 'ગુડ ટચ અને બેડ ટચ' વિશે જાગૃત કરવામાં આવ્યા હતા. કાર્યક્રમ બાદ એક હિંમતવાન વિદ્યાર્થિનીએ પોતાના માતા-પિતાને શિક્ષકના કૃત્ય વિશે જણાવ્યું હતું. ત્યારબાદ અન્ય ત્રણ વિદ્યાર્થિનીઓએ પણ પોતાની સાથે થયેલી ઘટના પરિવારને જણાવી હતી. વાલીઓએ તાત્કાલિક જાફરાબાદ ટાઉન પોલીસ સ્ટેશન પહોંચી લેખિત ફરિયાદ નોંધાવી હતી.

ફરિયાદના આધારે, જાફરાબાદ પોલીસે POCSO એક્ટ અને બળાત્કારની કલમો હેઠળ ગુનો નોંધી આરોપી શિક્ષક રામશંકર પંડ્યાની મોડી રાત્રે ધરપકડ કરી છે. રાજુલા ડિવિઝનના DySP નયના ગોરડીયાએ જણાવ્યું કે, "એક વિદ્યાર્થિની દ્વારા મળેલી માહિતી બાદ તપાસ શરૂ કરવામાં આવી હતી, જેમાં અન્ય ત્રણ પીડિતાઓ સામે આવી છે. તમામ પીડિતાઓના નિવેદનો નોંધવાની કાર્યવાહી ચાલી રહી છે અને અન્ય કોઈ વિદ્યાર્થી આ કૃત્યનો ભોગ બન્યો છે કે કેમ તે દિશામાં પણ તપાસ કરવામાં આવી રહી છે." હાલ આરોપી શિક્ષકની પૂછપરછ ચાલુ છે અને આ ઘટનાએ સમગ્ર પંથકમાં ચકચાર મચાવી દીધી છે.
📲Get App