🔥 ट्रेंडिंग राजस्थान पावर कॉर्प ने 869 जेई पदों के... राजस्थान 2026 पंचायत चुनाव परिणाम ऑनला... नागपुर में अवैध रेत खनन मामले में ईडी... स्थानीय क्रिकेट टूर्नामेंट सुबह 8 बजे... मुख्यमंत्री डॉ. मोहन यादव का रीवा हवाई... ગેનીબેન ઠાકોરના જન્મદિવસ પર કોંગ્રેસની...
19 नव. 2026•
ગુજરાતી मराठी ਪੰਜਾਬੀ বাংলা
धर्म

શક્તિપીઠ અંબાજીમાં સાતમા નોરતે ભક્તોનો મહેરામણ, મા અંબાના દર્શન માટે ભારે ભીડ

✍️ रिपोर्टर: Kalpeshkumar Narayanbhai Panchal 🗓 17 अक्टू. 2026, 10:12 AM 👁 80
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post

આસો નવરાત્રિના સાતમા નોરતે શક્તિપીઠ અંબાજી ધામમાં મા અંબાના દર્શન માટે શ્રદ્ધાળુઓનો મહેરામણ ઉમટ્યો હતો. વહેલી સવારથી જ મંદિરમાં ભક્તોનો ભારે ધસારો જોવા મળ્યો હતો.

શક્તિપીઠ અંબાજીમાં નવરાત્રિના પાવન પર્વ નિમિત્તે ભક્તિ અને આસ્થાનો અનોખો માહોલ સર્જાયો છે. આસો નવરાત્રિના સાતમા નોરતે, મા અંબાના દર્શન કરવા માટે દેશભરમાંથી હજારો માઈભક્તો અંબાજી ધામમાં ઉમટી પડ્યા હતા. વહેલી સવારથી જ અંબાજી મંદિરમાં શ્રદ્ધાળુઓનો ભારે ધસારો જોવા મળ્યો હતો, અને ભક્તોએ મા અંબાના દર્શન કરી ધન્યતા અનુભવી હતી.

સાતમા નોરતે સવારની મંગળા આરતીમાં મોટી સંખ્યામાં ભક્તો જોડાયા હતા. અંબાજી મંદિરને રંગબેરંગી ફૂલોથી સુંદર રીતે શણગારવામાં આવ્યું હતું, જેણે ભક્તોનું ધ્યાન ખેંચ્યું હતું. માતાજીના જયઘોષ સાથે મંદિર પરિસર ગુંજી ઊઠ્યું હતું અને ભક્તોમાં મા અંબાની આરતીના દર્શન માટે ભારે ઉત્સાહ જોવા મળ્યો હતો.

અંબાજી મંદિરમાં નવરાત્રિના બીજા નોરતાથી લઈને આઠમ સુધી રોજ બે મંગળા આરતી કરવાની વિશેષ પરંપરા છે. આ પરંપરા મુજબ, પ્રથમ મંગળા આરતી મંદિરના ગર્ભગૃહમાં યોજાય છે, જ્યારે બીજી મંગળા આરતી ઘટસ્થાપના પાસે કરવામાં આવે છે. મંદિરના ભટ્ટજી મહારાજ દ્વારા આ બંને મંગળા આરતી કરવામાં આવે છે. સિદ્ધિવિનાયક મંદિરની આરતી બાદ મા અંબાની આરતીનો પ્રારંભ થાય છે, જે દરમિયાન મંદિર પરિસર ભક્તિમય બની જાય છે.
📲Get App