🔥 ट्रेंडिंग गुजरात के 1,152 पुलिसकर्मी राष्ट्रीय ब... गुजरात में खुला 3डी वर्चुअल संग्रहालय,... गुजरात की नई कचरा‑ऊर्जा नीति में जमीन... बिहार के बेगूसराय में बंद घर से 1.25 क... बिलाघाट एयर होस्टेस हत्या केस: वीडियो... ଭୁବନେଶ୍ୱରରେ ଆଗାମୀ ୩ ଘଣ୍ଟାରେ ବର୍ଷା ଏବଂ...
20 नव. 2026•
ગુજરાતી मराठी ਪੰਜਾਬੀ বাংলা
कृषि

કોડીનાર નજીક દેવળી ગામે શેરડીના ખેતરમાં આગ, ત્રણ વિઘા પાક બળીને ખાખ

✍️ रिपोर्टर: Rangpara Shaileshbhai 🗓 17 अक्टू. 2026, 11:44 PM 👁 100
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post

કોડીનાર તાલુકાના દેવળી ગામે ખેડૂતના ત્રણ વિઘા શેરડીના ઊભા પાકમાં અચાનક આગ લાગતાં ભારે નુકસાન થયું હતું. ખેડૂતે વીજ તાર તૂટવાથી આગ લાગ્યાનો આક્ષેપ કર્યો છે.

કોડીનાર તાલુકાના દેવળી (દેદાજી) ગામે એક ખેડૂતના શેરડીના ઊભા પાકમાં અચાનક ભીષણ આગ લાગવાની ઘટના બની હતી. આ દુર્ઘટનામાં ખેડૂતના ત્રણ વિઘા જેટલો શેરડીનો પાક બળીને સંપૂર્ણપણે ખાખ થઈ ગયો હતો.

પ્રાપ્ત માહિતી અનુસાર, ગામના ખેડૂત ગાંડાભાઈ કાનાભાઈ મોરીના ખેતરમાં આગ લાગતાં ભારે નુકસાન થયું હતું. આગે જોતજોતામાં વિકરાળ સ્વરૂપ ધારણ કરતાં ખેતરમાં ઉભેલો શેરડીનો તૈયાર પાક બળીને નાશ પામ્યો હતો.

ખેડૂત ગાંડાભાઈ મોરી દ્વારા આગ લાગવાનું કારણ વીજ તાર તૂટવાથી થયું હોવાનો આક્ષેપ કરવામાં આવ્યો છે. જોકે, આગનું ચોક્કસ કારણ હજુ સુધી અધિકારીક રીતે જાણવા મળ્યું નથી અને તપાસ ચાલી રહી છે.

આ ઘટનાને પગલે સ્થાનિક ખેડૂતોમાં ચિંતાનો માહોલ છવાયો છે. અસરગ્રસ્ત ખેડૂતને થયેલા નુકસાનનો યોગ્ય સર્વે કરી તાત્કાલિક ધોરણે વળતર આપવામાં આવે તેવી માંગણી સ્થાનિકો દ્વારા ઉઠી રહી છે.
📲Get App