🔥 TRENDING विष्णु धाम महोत्सव की तैयारियों का डीए... गुरवा चौक में बिना नंबर प्लेट गाड़ी से... তৃণমূল পন্থী মনোভাব বিজেপি কর্মীরা ২০০... UP Congress In‑Charge Says SP Alliance... Taj Mahal Urs Committee Demands Action... Woman and Two Daughters Perish in Hous...
19 Nov 2026•
ગુજરાતી मराठी ਪੰਜਾਬੀ বাংলা

મહીસાગર જિલ્લાની શાળાઓમાં નવરાત્રિ મહોત્સવની ભવ્ય ઉજવણી: વિદ્યાર્થીઓ મન મૂકીને ગરબે ઘૂમ્યા

✍️ Reporter: Burhaan Sibhai 🗓 17 Oct 2026, 01:08 PM 👁 86
Share: 💬 WhatsApp 📘 Facebook 𝕏 Post
મહીસાગર જિલ્લાની વિવિધ ગ્રાન્ટેડ, સરકારી તેમજ સ્વનિર્ભર માધ્યમિક અને ઉચ્ચતર માધ્યમિક શાળાઓમાં પાવન આસો નવરાત્રિ પર્વ નિમિત્તે ‘નવરાત્રિ મહોત્સવ’ અને ‘શાળા રાસોત્સવ’નું ભવ્ય તેમજ ઉત્સાહપૂર્ણ આયોજન કરવામાં આવ્યું હતું. શાળાઓમાં અભ્યાસ કરતા વિદ્યાર્થીઓ ભારતીય સંસ્કૃતિ અને પરંપરાથી પરિચિત થાય તેવા શુભ આશય સાથે યોજાયેલા આ કાર્યક્રમમાં વિદ્યાર્થીઓ, શિક્ષકો અને સંચાલકો મોટી સંખ્યામાં જોડાયા હતા.
​મા અંબાની આરતી અને પૂજન સાથે પ્રારંભ
દિવસની શરૂઆતમાં શાળા પરિસરમાં મા આદ્યશક્તિ અંબાની સ્થાપના કરી વિધિવત પૂજા-અર્ચના અને દીપ પ્રાગટ્ય કરવામાં આવ્યું હતું. શાળાના આચાર્ય, શિક્ષકગણ અને વિદ્યાર્થીઓ દ્વારા સમૂહ આરતી કરી કાર્યક્રમનો મંગલ પ્રારંભ કરાયો હતો. આરતી બાદ ઢોલના ધબકારે અને પરંપરાગત ગરબાઓના સૂર સાથે રાસોત્સવ શરૂ થયો હતો.
​ટ્રેડિશનલ ડ્રેસમાં સજ્જ વિદ્યાર્થીઓ આકર્ષણનું કેન્દ્ર બન્યા
નવરાત્રિ પર્વની ઉજવણી નિમિત્તે વિદ્યાર્થીઓ તેમજ શિક્ષકો પણ રંગબેરંગી ચણિયાચોળી, કેડિયા, કુરતા અને પરંપરાગત પાઘડી જેવા ટ્રેડિશનલ પોશાકમાં સજ્જ થઈને આવ્યા હતા. વિદ્યાર્થીઓએ ત્રણ તાળી, બે તાળી, હીંચ અને દાંડિયારાસની વિવિધ શૈલીમાં ઉત્સાહભેર ગરબા રમી સમગ્ર વાતાવરણને ભક્તિમય અને ઉત્સવમય બનાવી દીધું હતું.
📲Get App