🔥 TRENDING Jharkhand Police Portal Crash Forces R... 92-Year-Old Woman Escapes Nursing Home... TPCC chief accuses BRS of betraying Te... Morning haze lingers in Hyderabad as r... New predatory aquatic insect species i... Cyclone Akvan Forces Cancellation of 4...
20 Nov 2026•
ગુજરાતી मराठी ਪੰਜਾਬੀ বাংলা
Local

અમદાવાદમાં ખોડલધામ ગરબા મહોત્સવમાં મુખ્યમંત્રીની ઉપસ્થિતિ, ખેલૈયાઓનો ઉત્સાહ વધાર્યો

✍️ Reporter: Kalpeshkumar Narayanbhai Panchal 🗓 16 Oct 2026, 08:22 AM 👁 87
Watch on: ▶️ YouTube
Share: 💬 WhatsApp 📘 Facebook 𝕏 Post

નિકોલ વિસ્તારમાં ખોડલધામ દ્વારા આયોજિત ભવ્ય ગરબા મહોત્સવના પાંચમા નોરતે રાજ્યના મુખ્યમંત્રી ભુપેન્દ્રભાઈ પટેલે ઉપસ્થિતિ આપી હતી અને માં આદ્યશક્તિની આરાધના કરી હતી.

અમદાવાદના નિકોલ વિસ્તારમાં ખોડલધામ દ્વારા આયોજિત ભવ્ય ગરબા મહોત્સવમાં પાંચમા નોરતે રાજ્યના મુખ્યમંત્રી ભુપેન્દ્રભાઈ પટેલે ખાસ ઉપસ્થિતિ દર્શાવી હતી. તેમણે માં આદ્યશક્તિની આરાધના કરી અને ખેલૈયાઓનો ઉત્સાહ વધાર્યો હતો.

આ ગરિમાપૂર્ણ પ્રસંગે ભારતીય જનતા પાર્ટીના પ્રદેશ અધ્યક્ષ શ્રી જગદીશ પંચાલ અને અમદાવાદ મેયર હિતેશભાઈ બારોટ સહિતના અગ્રણી પદાધિકારીઓ અને નેતાઓ પણ વિશેષ ઉપસ્થિત રહ્યા હતા. સૌએ સાથે મળીને માં અંબાની પૂજા-અર્ચના કરી હતી.

નિકોલ ખાતે યોજાયેલા આ ખોડલધામ ગરબા મહોત્સવના પાંચમા નોરતે હજારોની સંખ્યામાં ખેલૈયાઓએ પારંપરિક પરિધાનમાં ઢોલના તાલે મન મૂકીને ગરબે ઘૂમ્યા હતા. સમગ્ર વાતાવરણ ભક્તિમય અને ઉત્સાહપૂર્ણ બન્યું હતું.

મુખ્યમંત્રીશ્રી અને અન્ય મહાનુભાવોએ સમગ્ર આયોજનની સુંદર વ્યવસ્થા અને ઉત્સવના ઉલ્લાસભર્યા વાતાવરણની મુક્તમને પ્રશંસા કરી હતી. આયોજકો દ્વારા કરવામાં આવેલી વ્યવસ્થાઓને બિરદાવી હતી.
📲Get App