🔥 TRENDING UDF സർക്കാരിന്റെ പ്രവാസി വിരുദ്ധ നയങ്ങ... The Times of India Unveils Official Tr... Vulture Declared Nashik's Symbolic Bir... ED Seizes Assets Worth Rs 16.23 Crore... Maharashtra Governor pledges assistanc... Six killed in road accident returning...
19 Nov 2026•
ગુજરાતી मराठी ਪੰਜਾਬੀ বাংলা
Crime

ભીમાસર અને આધોઈમાં અંગ્રેજી દારૂના મોટા જથ્થા સાથે એક ઝડપાયો, બે પોલીસ ઇન્સ્પેક્ટરની બદલી

✍️ Reporter: ODIYAN 🗓 16 Oct 2026, 05:43 AM 👁 88
Share: 💬 WhatsApp 📘 Facebook 𝕏 Post

પૂર્વ કચ્છ પોલીસે ભીમાસર અને આધોઈ ખાતે દરોડા પાડી અંગ્રેજી દારૂનો મોટો જથ્થો ઝડપી પાડ્યો છે. આ કાર્યવાહી બાદ સ્થાનિક પોલીસની નિષ્ક્રિયતા સામે આવતા બે પોલીસ ઇન્સ્પેક્ટરની બદલી કરવામાં આવી છે.

પૂર્વ કચ્છ SP સાગર બાગમારે સ્થાનિક પોલીસની નિષ્ક્રિયતા અને બેદરકારી બદલ આડેસર અને લોકલ ક્રાઈમ બ્રાન્ચના બે પોલીસ ઇન્સ્પેક્ટરની તાત્કાલિક અસરથી બદલી કરી દીધી છે. આ કાર્યવાહી બાદ પોલીસ વિભાગમાં ચકચાર મચી જવા પામી છે.

SMCના PSI કે.ડી. રવિયાને મળેલી બાતમીના આધારે આ દરોડા પાડવામાં આવ્યા હતા. બાતમી મુજબ, ભીમાસર ગામનો હરદેવસિંહ દિલુભા જાડેજા તેના ભાઈ રામદેવસિંહ સાથે મળીને મોટા પાયે અંગ્રેજી દારૂનો વેપાર કરતો હતો. દારૂ-બિયરનો મોટો જથ્થો નજીકના ખંડેર જેવા મકાન અને શટરવાળી દુકાનમાં રાખવામાં આવ્યો હોવાની પાક્કી બાતમી મળતાં પોલીસે કાર્યવાહી હાથ ધરી હતી.

પોલીસે સૌપ્રથમ હરદેવસિંહના ઘરે દરોડો પાડ્યો હતો. પોલીસને જોઈને હરદેવસિંહ નાસી છૂટવામાં સફળ રહ્યો હતો, પરંતુ તેનો ભાઈ રામદેવસિંહ પોલીસની પકડમાં આવી ગયો હતો. રામદેવસિંહની પૂછપરછ કરતાં તેણે પોલીસને જણાવ્યું કે દારૂનો જથ્થો તેના પિતરાઈ ભાઈ પૃથ્વીરાજસિંહ (રહે. આધોઈ, ભચાઉ)ની માલિકીના ખંડેર જેવા રહેણાંક મકાન અને દુકાનમાં રાખવામાં આવ્યો છે.

પોલીસે પંચોને સાથે રાખીને પૃથ્વીરાજસિંહના મકાન અને દુકાનમાં દરોડો પાડ્યો હતો, જ્યાંથી અંગ્રેજી દારૂનો મોટો જથ્થો મળી આવ્યો હતો. પોલીસે દારૂનો જથ્થો કબજે કરી આગળની કાર્યવાહી હાથ ધરી છે. જોકે, મુખ્ય સૂત્રધાર હરદેવસિંહ પોલીસને ચકમો આપી ફરાર થવામાં સફળ રહ્યો હતો, જેની શોધખોળ પોલીસ દ્વારા શરૂ કરવામાં આવી છે.
📲Get App