🔥 TRENDING Six dead as car returning from pre-wed... Bihar Chief Secretary Pratyaya Amrit u... રાજીવ ગાંધી ભવનમાં રણદીપસિંહ સુરજેવાલા... आज राजस्थान के दौसा जिले में सिकंदरा च... पकरीबरावां में ट्रांसफॉर्मर में लगी आग... କାର୍ତ୍ତିକ ମାସରେ ଗୁଣୁପୁର ସହର ଭକ୍ତିମୟ, ଜ...
19 Nov 2026•
ગુજરાતી मराठी ਪੰਜਾਬੀ বাংলা
Crime

વડોદરા: નાયબ શ્રમ આયુક્ત કચેરીના બે અધિકારીઓ રૂ. ૭૦,૦૦૦ ની લાંચ લેતા ઝડપાયા

✍️ Reporter: SUDIP GADHIYA 🗓 15 Oct 2026, 07:15 AM 👁 74
Share: 💬 WhatsApp 📘 Facebook 𝕏 Post

વડોદરા ખાતે નાયબ શ્રમ આયુક્તની કચેરીમાં ફરજ બજાવતા આસિસ્ટન્ટ લેબર કમિશ્નર અને મદદનીશ સરકારી શ્રમ અધિકારીને રૂ. ૭૦,૦૦૦ ની લાંચ લેતા એસીબી દ્વારા ઝડપી પાડવામાં આવ્યા છે. લેબર લાયસન્સ આપવાની કાર્યવાહીના બદલામાં લાંચ માંગવામાં આવી હતી.

વડોદરા શહેરમાં લાંચ રૂશ્વત વિરોધી બ્યુરો (એસીબી) દ્વારા મોટી કાર્યવાહી કરવામાં આવી છે. નાયબ શ્રમ આયુક્તની કચેરી, વડોદરા ખાતે ફરજ બજાવતા આસિસ્ટન્ટ લેબર કમિશ્નર, વર્ગ-૧ દિપક અંબાલાલ ચૌહાણ અને મદદનીશ સરકારી શ્રમ અધિકારી રણજીતસિંહ નટવરસિંહ જાદવને રૂ. ૭૦,૦૦૦ ની લાંચ લેતા રંગે હાથ ઝડપી પાડવામાં આવ્યા છે.

પ્રાપ્ત માહિતી અનુસાર, એક ફરિયાદીએ લેબર લાયસન્સ મેળવવા માટે આસિસ્ટન્ટ લેબર કમિશ્નર, વડોદરાની કચેરી ખાતે અરજી કરી હતી. આ અરજીના અનુસંધાને, લેબર લાયસન્સ આપવાની કાર્યવાહી કરવાના બદલામાં ઉપરોક્ત બંને આરોપી અધિકારીઓએ ફરિયાદી પાસે રૂ. ૭૦,૦૦૦ ની લાંચની માંગણી કરી હતી.

લાંચની માંગણીથી કંટાળીને ફરિયાદીએ તાત્કાલિક એસીબીનો સંપર્ક કર્યો હતો. એસીબી દ્વારા ફરિયાદીની ફરિયાદના આધારે છટકું ગોઠવવામાં આવ્યું હતું, જેમાં બંને આરોપી અધિકારીઓ ફરિયાદી પાસેથી રૂ. ૭૦,૦૦૦ ની લાંચ સ્વીકારતી વખતે ઝડપાઈ ગયા હતા. આ ઘટના બાદ શ્રમ વિભાગમાં ભારે ચકચાર મચી જવા પામી છે.
📲Get App