🔥 TRENDING উৎসবের আনন্দের মাঝেই শোকের ছায়া! বেলড... एक सर्वेक्षण चल रहा है ग्रामीण की जमीन पर अवैध अतिक्रमण Haryana shifts 32 IFS officers, reshuf... North India Winter Air Pollution Tied... CGBSE Releases 2027 Exam Timetable for...
20 Nov 2026•
ગુજરાતી मराठी ਪੰਜਾਬੀ বাংলা
Crime

કોડીનારના વલાદર ગામે ઘર બહાર સુતેલા યુવક પર સિંહણનો હુમલો, કરુણ મોત

✍️ Reporter: Rangpara Shaileshbhai 🗓 15 Oct 2026, 10:55 PM 👁 70
Share: 💬 WhatsApp 📘 Facebook 𝕏 Post

કોડીનાર તાલુકાના વલાદર ગામે ગત રાત્રિના સમયે ઘરની બહાર સુતેલા 30 વર્ષીય યુવક પર સિંહણે હુમલો કરી તેને ફાડી ખાધો હતો, જેના કારણે તેનું કરુણ મોત નીપજ્યું છે.

કોડીનાર તાલુકાના વલાદર ગામે ગત રાત્રિના સમયે એક દુઃખદ ઘટના બની છે, જેમાં ઘરની બહાર સુતેલા એક યુવક પર સિંહણે હુમલો કરી તેને મોતને ઘાટ ઉતાર્યો છે. આ ઘટનાને કારણે સમગ્ર ગામમાં ભયનો માહોલ સર્જાયો છે.

પ્રાપ્ત માહિતી અનુસાર, વલાદર ગામનો રહેવાસી 30 વર્ષીય ચંદ્રેશ પ્રભાત ઠાકોર પોતાના ઘરની બહાર સૂતો હતો. તે દરમિયાન અચાનક જ એક સિંહણ ત્યાં આવી પહોંચી અને અંધારાનો લાભ ઉઠાવી યુવક પર હુમલો કર્યો. સિંહણે યુવકને ઘસડીને દૂર લઈ ગઈ હતી.

ઘટનાની જાણ થતાં જ યુવકના પરિવારજનો અને ગામના લોકો તાત્કાલિક દોડી આવ્યા હતા અને યુવકની શોધખોળ શરૂ કરી હતી. શોધખોળ બાદ યુવકનો મૃતદેહ વાડી વિસ્તારમાંથી મળી આવ્યો હતો. યુવકના મૃત્યુના સમાચારથી પરિવારજનો અને ગ્રામજનોમાં શોક છવાઈ ગયો છે.

આ ઘટના બાદ વનવિભાગ દ્વારા મૃતક યુવકના પરિવારને 10 લાખ રૂપિયાની સહાય જાહેર કરવામાં આવી છે. જોકે, પરિવારજનોએ આ સહાય અપૂરતી ગણાવી છે અને મૃતકના સ્વજનને નોકરી આપવાની માંગ કરી છે. વનવિભાગ આ મામલે વધુ તપાસ કરી રહ્યું છે.
📲Get App