🔥 TRENDING Services Set to Face Nagaland in 19 No... Nagaland's Joint Sales Day Highlights... Nagaland University Hosts Internationa... Manipur Army Vehicle Crash Claims Two... Sikkim vs Manipur: Dailysports Release... Manipur HC Sets 24-Hour Deadline for P...
20 Nov 2026•
ગુજરાતી मराठी ਪੰਜਾਬੀ বাংলা

మఠంపల్లిలో మొబైల్‌ చోరీ.. అంతర్రాష్ట్ర నిందితుడి అరెస్ట్‌!

✍️ Reporter: THELLA GOPI 🗓 15 Oct 2026, 10:27 PM 👁 69
Watch on: ▶️ YouTube
Share: 💬 WhatsApp 📘 Facebook 𝕏 Post
తాళం వేసిన ఇళ్లు, దుకాణాలే లక్ష్యం.. రూ.80 వేల విలువైన ఆరు స్మార్ట్‌ఫోన్లు స్వాధీనం

మఠంపల్లి, అక్టోబర్ 15 (నిజం చెపుతాం న్యూస్):

మఠంపల్లి మండల కేంద్రంలోని ఓ మొబైల్‌ దుకాణంలో చోరీకి పాల్పడిన నిందితుడిని మఠంపల్లి పోలీసులు అరెస్ట్‌ చేశారు. నిందితుడి వద్ద నుంచి సుమారు రూ.80 వేల విలువైన ఆరు స్మార్ట్‌ఫోన్లను స్వాధీనం చేసుకున్నారు. ఈ కేసుకు సంబంధించిన వివరాలను హుజూర్‌నగర్‌ సర్కిల్‌ ఇన్‌స్పెక్టర్‌ చరమంద రాజు వెల్లడించారు.

🔹 తాళం వేసిన ఇళ్లు, దుకాణాలే లక్ష్యం

గుంటూరు జిల్లా దాచేపల్లికి చెందిన చక్రవర్తి అలియాస్‌ బాబు డ్రైవర్‌గా పనిచేస్తున్నాడు. రాత్రి వేళల్లో తాళాలు వేసి ఉన్న ఇళ్లు, దుకాణాలను లక్ష్యంగా చేసుకుని చోరీలకు పాల్పడుతున్నట్లు పోలీసులు గుర్తించారు.

గతంలో ఎల్బీనగర్‌ పోలీస్‌ స్టేషన్‌ పరిధిలో ఒకటి, చైతన్యపురి పోలీస్‌ స్టేషన్‌ పరిధిలో ఒకటి, కోదాడ టౌన్‌ పోలీస్‌ స్టేషన్‌ పరిధిలో మూడు చోరీ కేసులు నమోదైనట్లు సీఐ తెలిపారు. 2023లో కోదాడ టౌన్‌ పరిధిలో నమోదైన మూడు కేసుల్లో నిందితుడిని అరెస్ట్‌ చేసి జైలుకు పంపినట్లు వెల్లడించారు.

🔹 సాంకేతిక ఆధారాలతో నిందితుడి గుర్తింపు

ఇటీవల మఠంపల్లిలోని ఓ మొబైల్‌ దుకాణంలో నిందితుడు చోరీకి పాల్పడినట్లు పోలీసులు తెలిపారు. దొంగిలించిన ఫోన్లను ఇతరులకు విక్రయించినట్లు గుర్తించారు. చోరీకి గురైన ఫోన్లలో వినియోగించిన కొత్త సిమ్‌ కార్డులు, కాల్‌ డేటా రికార్డులను విశ్లేషించి నిందితుడి ఆచూకీని గుర్తించారు.

మరోసారి నేరానికి పాల్పడేందుకు నిందితుడు మఠంపల్లికి వచ్చినట్లు సమాచారం అందడంతో పోలీసులు తనిఖీలు చేపట్టి అతడిని అదుపులోకి తీసుకున్నారు. అతడి వద్ద నుంచి ఆరు స్మార్ట్‌ఫోన్లను స్వాధీనం చేసుకున్నట్లు సీఐ చరమంద రాజు వెల్లడించారు.

🔹 పోలీసుల బృందానికి అభినందనలు

ఈ కేసును ఛేదించడంలో మఠంపల్లి ఎస్‌ఐ ప్రవీణ్‌ కుమార్‌తో పాటు పోలీసు సిబ్బంది కీలక పాత్ర పోషించారు.

ప్రజలకు సూచన: ఇళ్లకు, దుకాణాలకు తాళాలు వేసి వెళ్లేటప్పుడు అప్రమత్తంగా ఉండాలని, అనుమానాస్పద వ్యక్తులు కనిపిస్తే పోలీసులకు సమాచారం అందించాలని సూచిస్తున్నారు.
📲Get App