🔥 TRENDING પ્રાંતિજ નજીક હાઈવે પર અકસ્માતમાં ડીઝલ... திருப்பூரை சேர்ந்த மது மயக்கத்தில் இரு... उमाशंकर के अंदाज में रसड़ा की सियासत म... కృష్ణాజిల్లా గుడివాడ పురపాలక సంఘం ఎన్న... 13 வயது யோகலட்சுமி 19 நவம்பர் 2026 கால... बाड़मेर में चुनावी पारा चढ़ा, परिणाम क...
19 Nov 2026•
ગુજરાતી मराठी ਪੰਜਾਬੀ বাংলা
Education

મહુવા ખાતેના તેજસ્વી તારલા સન્માન કાર્યક્રમમાં મુખ્ય અતિથિ તરીકે રાજ્યમંત્રી દર્શનાબેન વાઘેલાને આમંત્રણ

✍️ Reporter: Naqvi Mehdi Hasan 🗓 14 Oct 2026, 06:56 PM 👁 139
Share: 💬 WhatsApp 📘 Facebook 𝕏 Post

મહુવાના આગેવાનોએ ગાંધીનગર ખાતે રાજ્યમંત્રી દર્શનાબેન વાઘેલાને રૂબરૂ મળીને 'તેજસ્વી તારલાઓના સન્માન કાર્યક્રમ-2025/26' માં મુખ્ય અતિથિ વિશેષ તરીકે ઉપસ્થિત રહેવા માટે ભાવભર્યું નિમંત્રણ પાઠવ્યું હતું.

ગાંધીનગર ખાતે ગુજરાત સરકારના શહેરી વિકાસ અને ગૃહ નિર્માણ રાજ્યમંત્રી શ્રીમતિ દર્શનાબેન વાઘેલાને મહુવા ખાતે યોજાનાર 'તેજસ્વી તારલાઓના સન્માન કાર્યક્રમ-2025/26' માં મુખ્ય અતિથિ વિશેષ તરીકે ઉપસ્થિત રહેવા માટે રૂબરૂ મુલાકાત લઈ ભાવભર્યું નિમંત્રણ પાઠવવામાં આવ્યું હતું.

પ્રદેશ ભાજપ અગ્રણી શ્રી ખીમરાજભાઈ બાબરીયા અને ભાવનગર ભાજપ અનુસૂચિત જાતિ મોરચાના પૂર્વ શહેર પ્રમુખ તથા ભાવનગર મહાનગરપાલિકા શિક્ષણ સમિતિના સદસ્ય ડૉ. રાજુભાઈ પરમારની આગેવાની હેઠળ એક પ્રતિનિધિમંડળે મંત્રીશ્રીની શુભેચ્છા મુલાકાત લીધી હતી. આ મુલાકાત દરમિયાન, સમસ્ત અનુસૂચિત જાતિ સમાજ - મહુવાના પ્રમુખ શ્રી દિનેશરાજ રાવલિયા અને મહુવા તાલુકા પ્રાથમિક શિક્ષક ઉત્કર્ષ મંડળના પ્રમુખશ્રી માવજીભાઈ બાબરીયાએ મંત્રીશ્રીને કાર્યક્રમની રૂપરેખા આપી હતી.

આયોજકો દ્વારા મંત્રીશ્રીને સન્માન સમારોહમાં પધારવા માટે ભાવભર્યું આમંત્રણ આપવામાં આવ્યું હતું. સમાજના તેજસ્વી વિદ્યાર્થીઓને પ્રોત્સાહિત કરવા અને શિક્ષણ ક્ષેત્રે નવી ઊંચાઈઓ સર કરવા પ્રેરણા આપવાના હેતુથી આ કાર્યક્રમનું આયોજન કરવામાં આવ્યું છે. મંત્રીશ્રી દર્શનાબેન વાઘેલાએ આ શૈક્ષણિક અભિગમને બિરદાવ્યો હતો અને કાર્યક્રમમાં ઉપસ્થિત રહેવા માટે હકારાત્મક પ્રતિસાદ આપ્યો હતો, જેનાથી કાર્યક્રમની સફળતા નિશ્ચિત બની છે.
📲Get App