🔥 TRENDING ED Seizes Properties Worth Rs 16 Cr in... स्थानीय क्रिकेट टूर्नामेंट सुबह 8 बजे... मुख्यमंत्री डॉ. मोहन यादव का रीवा हवाई... ગેનીબેન ઠાકોરના જન્મદિવસ પર કોંગ્રેસની... प्रधानमंत्री मोदी के राजापाकर कार्यक्र... સાવધાન રાજકોટ
19 Nov 2026•
ગુજરાતી मराठी ਪੰਜਾਬੀ বাংলা
Crime

હિંમતનગરમાં ઘરફોડ ચોરીના કલાકોમાં જ ૨૪ મોબાઇલ સાથે ૩ આરોપીઓની ઝડપ

✍️ Reporter: Kalpeshkumar Narayanbhai Panchal 🗓 14 Oct 2026, 07:28 AM 👁 76
Watch on: ▶️ YouTube
Share: 💬 WhatsApp 📘 Facebook 𝕏 Post

હિંમતનગર બી ડીવીઝન પોલીસે પરી મોબાઇલ દુકાનમાં થયેલી ઘરફોડ ચોરીનો ભેદ ઝડપથી ઉકેલ્યો છે. ચોરીમાં લૂંટાયેલા ૨૪ મોબાઇલ ફોન સાથે ત્રણ આરોપીઓને પકડી પાડવામાં સફળતા મળી છે.

હિંમતનગર બી ડીવીઝન પોલીસે હિંમતનગર બસ સ્ટેન્ડ સામે આવેલી 'પરી મોબાઇલ' દુકાનમાં થયેલી ઘરફોડ ચોરીના ગુનાનો ભેદ કલાકોમાં જ ઉકેલ્યો છે. આ ઘટનામાં કુલ ૨૪ મોબાઇલ ફોન ચોરી જતાં પોલીસે તપાસ શરૂ કરી હતી. પોલીસે દુકાનની આસપાસના વિસ્તારના સી.સી.ટી.વી કેમેરા ચેક કર્યા હતા. સાથે જ સાબરકાંઠા જિલ્લા કમાન્ડ કંટ્રોલ ખાતે જઈને વિશ્વાસ પ્રોજેક્ટ અંતર્ગત અલગ અલગ સી.સી.ટી.વી ફૂટેજની તપાસ કરવામાં આવી હતી.

સી.સી.ટી.વી ફૂટેજમાં એક એક્સેસ અને એક એક્ટિવા બાઈક પર ચાર છોકરાઓ ચોરીની ઘટનાસ્થળથી શકમંદ હાલતમાં જતાં નજરે પડ્યા હતા. આ હિંતને આધારે પોલીસે તપાસ શરૂ કરી હતી. તપાસ દરમિયાન પોલીસે ત્રણ આરોપીઓને ઝડપ્યા છે. આરોપીઓમાં હાર્દિકસિંહ કુમેન્દ્રસિંહ ભાટી, કુશાલસિંહ ઉર્ફે અજયસિંહ કમલસિંહ ભદોરીયા અને એક કિશોરનો સમાવેશ થાય છે. બાકી એક આરોપી હજુ પણ ફરાર છે.

આ ઘટનાની તપાસ હિંમતનગર વિભાગીય પોલીસ અધિકારી એ.કે. પટેલના માર્ગદર્શન હેઠળ પોલીસ ઇન્સ્પેક્ટર એ.વી. જોષી અને પોલીસ સબ ઇન્સ્પેક્ટર કે.સી. બ્રહ્મભટ્ટ દ્વારા કરવામાં આવી હતી. બાતમી આધારે અ.હે.કોન્સ. રાકેશકુમાર વિનુભાઈ, અ.પો.કોન્સ. ધરમવીરસિંહ દિલીપસિંહ અને આ.પો.કો. અભિષેકકુમાર મહીજીભાઈએ આરોપીઓને પકડ્યા હતા. આરોપીઓ પાસેથી ચોરીનો મુદ્દામાલ કબજે કરવામાં આવ્યો છે.

આ કાર્યવાહી નાયબ પોલીસ મહાનિરીક્ષક વિરેન્દ્રસિંહ યાદવ અને પોલીસ અધિક્ષક ડૉ. પાર્થરાજસિંહ ગોહીલના સૂચનોને અનુસરિને કરવામાં આવી છે. તેમણે જિલ્લામાં મિલકત સંબંધી ગુન્હાઓ અટકાવવા અને અનડીટેક્ટ ગુન્હાઓ શોધી કાઢવા માટે સખત સૂચનો આપ્યા હતા. હિંમતનગર પોલીસે આ ઝડપી કાર્યવાહી દ્વારા ગુનાહિત પ્રવૃત્તિઓ પર કાબુ જાળવવામાં મહત્વપૂર્ણ સફળતા મેળવી છે.
📲Get App