🔥 ट्रेंडिंग मुंबई जंक्शनच्या बाहेर लाल काला जुआ के... बांका में शराब तस्करी पर बड़ी कार्रवाई... उसेंडीपारा में संकुल स्तरीय बाल क्रीड़... राहुल गांधी ने पाकिस्तान के नागरिक की... जाबलपुर में तीन अफ़ग़ान नागरिकों पर नक... एयरब ने राजस्थान में RAPP-8 रिएक्टर के...
20 नव. 2026•
ગુજરાતી मराठी ਪੰਜਾਬੀ বাংলা
स्थानीय

સુરતમાં ગેરકાયદે બાંધકામ મુદ્દે પાલિકા કચેરીમાં હંગામો, યુવકે કર્યો આત્મહત્યાનો પ્રયાસ

✍️ रिपोर्टर: Maheta Dhavalkumar Jitendrabhai 🗓 12 अक्टू. 2026, 07:47 PM 👁 68
शेयर करें: 💬 WhatsApp 📘 Facebook 𝕏 Post

સુરત મહાનગરપાલિકામાં રહેણાંક ઝોનમાં ધમધમી રહેલા ગેરકાયદે કોમર્શિયલ અને ઔદ્યોગિક બાંધકામો સામે સ્થાનિકોનો રોષ ફાટી નીકળ્યો છે. આ મુદ્દે રજૂઆત કરવા ગયેલા એક યુવકે પાલિકા ભવનમાંથી કૂદીને આત્મહત્યાનો પ્રયાસ કર્યો હતો.

સુરત મહાનગરપાલિકામાં રહેણાંક ઝોનમાં ધમધમી રહેલા ગેરકાયદે કોમર્શિયલ તથા હેવી ઔદ્યોગિક બાંધકામો સામે સણિયા હેમદ અને કતારગામ વિસ્તારના સ્થાનિકોમાં ઉગ્ર રોષ ફાટી નીકળ્યો છે. આજે (12 ઓક્ટોબર) સ્થાનિકો એક સમાન માંગણી સાથે પાલિકા કચેરી ખાતે રજૂઆત કરવા પહોંચ્યા હતા. જોકે, વારંવાર રજૂઆતો છતાં અધિકારીઓએ કોઈ નક્કર પગલાં ન લેતા અને ઉડાઉ જવાબો મળતાં પરિસ્થિતિ વણસી હતી.

આ દરમિયાન, સણિયા હેમદ વિસ્તારના એક યુવકે પાલિકા ભવનના પહેલા માળેથી નીચે કૂદીને આત્મહત્યા કરવાનો પ્રયાસ કરતાં ભારે દોડધામ મચી ગઈ હતી. આ ઘટના બાદ પાલિકા કચેરીમાં સુરક્ષા વ્યવસ્થા સઘન બનાવવામાં આવી હતી અને આસપાસના લોકો પણ મોટી સંખ્યામાં એકત્ર થઈ ગયા હતા.

સ્થાનિકોએ ચીમકી ઉચ્ચારી હતી કે, જ્યાં સુધી ગેરકાયદે બાંધકામો સામે કડક પગલાં ભરી યોગ્ય નિરાકરણ નહીં આવે ત્યાં સુધી તેઓ અહીંથી ખસવાના નથી. તેમણે જણાવ્યું હતું કે, જો અધિકારીઓથી આ સમસ્યાનું નિરાકરણ ન થતું હોય તો તેમણે રાજીનામા આપી દેવા જોઈએ. આ મુદ્દે સ્થાનિકો દ્વારા અગાઉ પણ અનેક વખત રજૂઆતો કરવામાં આવી ચૂકી છે, પરંતુ તેના પર કોઈ કાર્યવાહી ન થતાં તેમનો રોષ વધુ ભભૂક્યો હતો.
📲Get App