🔥 TRENDING Unakoti District Launches JJM 2.0 Wate... Tripura CM attributes BJP's rising pop... India's First Organized Donkey Farm La... Himachal Pradesh Introduces Bill to Si... Himachal Pradesh to levy environmental... 12 killed in two separate road crashes...
20 Nov 2026•
ગુજરાતી मराठी ਪੰਜਾਬੀ বাংলা
Education

ଅନୁଦାନ ନୀତି ଘୋଷଣାରେ ବିଳମ୍ବ: ଭୁବନେଶ୍ୱର ଗାନ୍ଧୀମାର୍ଗରେ ୨୦ ଦିନରେ ଅହୋରାତ୍ର ଧାରଣା, ୧୨ରେ ବିଶାଳ ସମାବେଶ ଚେତାବନୀ

✍️ Reporter: Deepak Mahapatra 🗓 12 Oct 2026, 12:26 PM 👁 84
Watch on: ▶️ YouTube
Share: 💬 WhatsApp 📘 Facebook 𝕏 Post
ଭୁବନେଶ୍ୱର: ରାଜ୍ୟର ଅଣ-ଅନୁଦାନପ୍ରାପ୍ତ +୨, +୩ ମହାବିଦ୍ୟାଳୟ ଏବଂ ସଂସ୍କୃତ ଅନୁଷ୍ଠାନଗୁଡ଼ିକରେ କାର୍ଯ୍ୟରତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀଙ୍କ ମଧ୍ୟରେ ଅସନ୍ତୋଷର ନିଆଁ ଆହୁରି ତୀବ୍ର ହେବାରେ ଲାଗିଛି। ୨୦୧୩ ନଭେମ୍ବର ୩୦ ପୂର୍ବରୁ ପରିଚାଳନା କମିଟି ଦ୍ୱାରା ନିଯୁକ୍ତି ପାଇ ଦୀର୍ଘ ୧୮ ବର୍ଷ ଧରି ନିରବଚ୍ଛିନ୍ନ ସେବା ଯୋଗାଇ ଆସୁଥିବା ଶିକ୍ଷକ-କର୍ମଚାରୀଙ୍କ ପାଇଁ ସରକାର ଏପର୍ଯ୍ୟନ୍ତ କୌଣସି ସ୍ପଷ୍ଟ ଅନୁଦାନ ନୀତି (Grant-in-Aid Policy) ଘୋଷଣା ନକରିବାକୁ ନେଇ ଗଭୀର କ୍ଷୋଭ ପ୍ରକାଶ ପାଇଛି।
ଗାନ୍ଧୀମାର୍ଗରେ ୨୦ ଦିନର ଅହୋରାତ୍ର ଧାରଣା
ଗତ ସେପ୍ଟେମ୍ବର ୨୧ ତାରିଖରୁ ଭୁବନେଶ୍ୱର ଗାନ୍ଧୀମାର୍ଗରେ ୪୮୮, ୬୬𝟐 ବର୍ଗ, ଡି.ଇ.ଓ (DEO) ଏବଂ ସଂସ୍କୃତ ଅନୁଷ୍ଠାନର ହଜାର ହଜାର ଶିକ୍ଷକ ଓ କର୍ମଚାରୀ ଅହୋରାତ୍ର ଆନ୍ଦୋଳନରେ ବସିଛନ୍ତି। ଆଜିକୁ ଏହି ଆନ୍ଦୋଳନ ୨୦ ଦିନରେ ପହଞ୍ଚିଥିଲେ ହେଁ, ସରକାରଙ୍କ ପକ୍ଷରୁ କୌଣସି ସକାରାତ୍ମକ ପଦକ୍ଷେପ କିମ୍ବା ଆଲୋଚନା ପାଇଁ ଆଗ୍ରହ ପ୍ରକାଶ ପାଇନାହିଁ।
ଗତ ସେପ୍ଟେମ୍ବର ୨୨ ତାରିଖରେ ଉଚ୍ଚଶିକ୍ଷା ସଚିବଙ୍କ ସହ ୫ ଜଣିଆ ପ୍ରତିନିଧି ମଣ୍ଡଳୀର ବୈଠକ ଅନୁଷ୍ଠିତ ହୋଇଥିଲା। ମାତ୍ର ଏହି ଆଲୋଚନାରୁ କୌଣସି ନିଷ୍କର୍ଷ ବାହାରି ପାରିନଥିଲା। ଏହା ପରଠାରୁ ସରକାରଙ୍କ ତରଫରୁ ନା କୌଣସି ଲିଖିତ ପ୍ରତିଶ୍ରୁତି ମିଳିଛି, ନା ପୁନର୍ବାର ଆଲୋଚନା ପାଇଁ ପ୍ରୟାସ କରାଯାଇଛି।
୧୨ ତାରିଖରେ ହେବ ବିଶାଳ ପଦଯାତ୍ରା ଓ ମହା ସମାବେଶ
ସରକାରଙ୍କ ଏହି ନୀରବତା ଓ ବିଳମ୍ବ ନୀତି ପ୍ରତିବାଦରେ ସଂଘ ପକ୍ଷରୁ ଆନ୍ଦୋଳନକୁ ଆହୁରି ଜୋରଦାର କରିବାକୁ ନିଷ୍ପତ୍ତି ନିଆଯାଇଛି। ଆସନ୍ତା ଅକ୍ଟୋବର ୧୨ (ସୋମବାର) ଦିନ କଂଗ୍ରେସ ଭବନରୁ ଏକ ବିଶାଳ ପଦଯାତ୍ରା ବାହାରି ଗାନ୍ଧୀମାର୍ଗଠାରେ ମହା ସମାବେଶରେ ପରିଣତ ହେବ।
ସଂଘର ଆବାହକ ସନ୍ତୋଷ ରାୟ, ସଭାପତି ଡଃ ଦେବ ବିଜୟ ମିଶ୍ର, ଡି.ଇ.ଓ. ସଭାପତି ପ୍ରଶାନ୍ତ ଦାଶ ଏବଂ ସଂସ୍କୃତ ଅନୁଷ୍ଠାନ ସଭାପତି କୁଶ ମଲ୍ଲିକ ସ୍ପଷ୍ଟ ଚେତାବନୀ ଦେଇଛନ୍ତି ଯେ, ଯଦି ସରକାର ତୁରନ୍ତ ସେମାନଙ୍କର ନ୍ୟାଯ୍ୟ ଦାବି ପୂରଣ ନକରନ୍ତି, ତେବେ ଆଗାମୀ ଦିନରେ ଏହି ଆନ୍ଦୋଳନ ଆହୁରି ଭୟାନକ ଓ ବ୍ୟାପକ ରୂପ ନେବ।
📲Get App