🔥 TRENDING उमाशंकर के अंदाज में रसड़ा की सियासत म... కృష్ణాజిల్లా గుడివాడ పురపాలక సంఘం ఎన్న... 13 வயது யோகலட்சுமி 19 நவம்பர் 2026 கால... बाड़मेर में चुनावी पारा चढ़ा, परिणाम क... Nagaland Unveils New Agarwood Policy t... Two killed, six injured as Fortuner pl...
19 Nov 2026•
ગુજરાતી मराठी ਪੰਜਾਬੀ বাংলা
Education

ଛାତ୍ର ସଂସଦ ନିର୍ବାଚନରେ ଅନିୟମିତତା ଅଭିଯୋଗ; ଛାତ୍ରଛାତ୍ରୀଙ୍କ ସହତି ଧାରଣାରେ ବସିଲେ ବିଧାୟକ

✍️ Reporter: Deepak Mahapatra 🗓 12 Oct 2026, 12:02 PM 👁 213
Watch on: ▶️ YouTube
Share: 💬 WhatsApp 📘 Facebook 𝕏 Post
ସମ୍ବଲପୁର ନେତାଜୀ ସୁବାଷ ଚନ୍ଦ୍ର ବୋଷ କଲେଜରେ ଛାତ୍ର ସଂସଦ ନିର୍ବାଚନକୁ ନେଇ ଉତ୍ତେଜନା । ନାମାଙ୍କନ ଦାଖଲ ପ୍ରକ୍ରିୟାରେ ଅନିୟମିତତା ହୋଇଥିବାର ଅଭିଯୋଗ ଆଣି ଧାରଣାରେ ବସିଲେ ଛାତ୍ରଛାତ୍ରୀ । ସେମାନଙ୍କ ସହ ସାମିଲ ହେଲେ ରେଙ୍ଗାଳି ବିଧାୟକ ସୁଦର୍ଶନ ହରିପାଲ ଏବଂ ପୂର୍ବତନ ବିଧାୟକ ରୋହିତ ପୂଜାରୀ। ଖବର ପାଇ ଧନୁପାଲି ଥାନା ପୁଲିସ ଘଟଣା ସ୍ଥଳରେ ପହଞ୍ଚିଥିଲା ।
ନିର୍ବାଚନ ପ୍ରକ୍ରିୟାକୁ ବାତିଲ କରି ପୁନର୍ବାର ନିର୍ବାଚନ କରାଇବାକୁ ଦାବି କରିଛନ୍ତି ଆନ୍ଦୋଳନକାରୀ ଛାତ୍ରଛାତ୍ରୀ । ସେମାନେ କହିଛନ୍ତି ଯେ, କଲେଜର ଇଲେକ୍ସନ ବଦଳରେ ସିଲେକ୍ସନ ଚାଲିଛି । ସିଲେକ୍ସନ କରି କଲେଜ କର୍ତ୍ତୃପକ୍ଷ ଏବିଭିପି ପ୍ରାର୍ଥୀଙ୍କୁ ବାଛୁଛନ୍ତି । ଆମେ ୪୪ ଜଣ ପ୍ରାର୍ଥୀ ଦେଇଥିଲୁ । କିନ୍ତୁ ସେମାନଙ୍କ ମଧ୍ୟରୁ ୩୯ ଜଣଙ୍କ ନାମାଙ୍କନ ନାକଚ ହୋଇ ଯାଇଥିବା ବେଳେ ୫ ଜଣଙ୍କର ପ୍ରାର୍ଥିପତ୍ର ବୈଧ ରହିଛି । ଏପରି ନକରି ଏକାଥରେ ଇଲେକ୍ସନକୁ ବନ୍ଦ କରି ଦିଅନ୍ତୁ । କଲେଜରେ ନୋମିନେଶନର ସମୟ ୯ଟାରୁ ୧୨ ଟା ପର୍ଯ୍ୟନ୍ତ ରହିଥିଲା । ହେଲେ ଏବିଭିପି ପିଲାମାନେ ୧୨ଟା ପରେ ନୋମିନେଶନ ଫାଇଲ କରିଥିଲେ । ସେମାନଙ୍କୁ ଏପରି କରିବାକୁ କିଏ ଅନୁମତି ଦେଲା । ଏପରି ଅନିୟମିତତା ପାଇଁ ଆମେ ଚାହୁଁଛୁ କଲେଜରେ ନିର୍ବାଚନ ବାତିଲ ହେଉ ।
ଏ ନେଇ କଲେଜ ଅଧ୍ୟକ୍ଷ କହିଛନ୍ତି ଯେ, ନିର୍ବାଚନ ପ୍ରକ୍ରିୟାରେ କୌଣସି ଅନିୟମିତତା ହୋଇନାହିଁ । ମୋଟ ୪୪ ଜଣ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଥିବା ବେଳେ ସେମାନଙ୍କ ମଧ୍ୟରୁ ୩୯ ଜଣଙ୍କର ନାକଚ ହୋଇଯାଇଛି । ୫ ଟି ପ୍ରାର୍ଥିପତ୍ର ବୈଧ ରହିଛି ।
📲Get App