🔥 TRENDING India Boosts US Treasury Holdings to $... Hyderabad Gold Prices Reported for Nov... Telangana Launches Updated Employees H... Anil Sarin says Congress has lost its... Delhi Police Foil Plot to Threaten Ins... Two dead, one critically injured after...
20 Nov 2026•
ગુજરાતી मराठी ਪੰਜਾਬੀ বাংলা
Local

વડનગર: આસ્પા ગામમાં રોડની ખરાબ સ્થિતિ અને વીજપોલને કારણે અકસ્માતનો ભય

✍️ Reporter: Bhavansinh Kacharaji Thakur 🗓 11 Oct 2026, 04:20 PM 👁 80
Watch on: ▶️ YouTube
Share: 💬 WhatsApp 📘 Facebook 𝕏 Post

વડનગર તાલુકાના આસ્પા ગામમાં ચોકડીથી ઊંડણી તરફ જતા રોડ પર વીજપોલ અને બાણગંગા નદીના ગરનાળામાં પડેલા ઊંડા ખાડાઓને કારણે સ્થાનિકોમાં અકસ્માતનો ભય સેવાઈ રહ્યો છે.

વડનગર તાલુકાના આસ્પા ગામ પાસે ચોકડીથી ઊંડણી તરફ જતા મુખ્ય માર્ગ પર અનેક વીજપોલ ઊભા હોવાથી મોટા અકસ્માત સર્જાવાની સંભાવના રહેલી છે. આ માર્ગ પર વાહન વ્યવહારનું ભારણ વધુ હોવા છતાં, વીજપોલ માર્ગની વચ્ચોવચ હોવાથી વાહનચાલકોને ભારે હાલાકીનો સામનો કરવો પડે છે.

આ ઉપરાંત, ઊંડણી તરફ જતા રસ્તા પર બાણગંગા નદીના ગરનાળામાં ઊંડા ખાડા પડી ગયા છે. ગરનાળાની બંને બાજુમાં રેલિંગ જેવી કોઈ સુરક્ષા વ્યવસ્થા ન હોવાથી અને ખાડાઓને કારણે અકસ્માત થવાનો ભય વધી ગયો છે. ગરનાળાની બંને તરફના રોડના છેડા પર ઉગી નીકળેલા ઝાડી-ઝાંખરાને કારણે વાહન વ્યવહારને અવરજવરમાં પણ મુશ્કેલી પડી રહી છે.

ઝાડી-ઝાંખરા અને વળાંકવાળા આ માર્ગ પર વાહનચાલકોને અકસ્માતનો ડર રહે છે. આ રોડ એક તરફ ઇડર તરફ અને બીજી તરફ આસપા ચોકડીથી ખેરાલુ, અંબાજી જેવા સ્થળો તરફ જતો હોવાથી તેના પર વાહનવ્યવહારનું ભારણ ખૂબ વધારે રહે છે. આથી, આસપા ગામના લોકો દ્વારા ગરનાળાની તાત્કાલિક મરામત કરવા, ઝાડી-ઝાંખરા દૂર કરવા અને માર્ગ પરના વીજપોલને તાત્કાલિક ખસેડવાની માંગ કરવામાં આવી છે.
📲Get App