🔥 ट्रेंडिंग Swami Aseemanand’s radical service to... ଢେଙ୍କାନାଳ ଜିଲ୍ଲାରେ ବାତ୍ୟା 'ଆକଭାନ' ନିମି... ସାଇକ୍ଲୋନ୍ ଆକ୍ବାନ୍: ଢେଙ୍କାନାଳ ପୌରପାଳିକା... अमेरिकी कंपनियों ने भारत में डिज़ाइन व... अहमदाबाद में तीसरा ऑल इंडिया पुलिस बैड... कर्नाटक बनाम झारखंड: 20 नवंबर 2026 का...
20 नव. 2026•
ગુજરાતી मराठी ਪੰਜਾਬੀ বাংলা
स्थानीय

સાવરકુંડલા તાલુકા પંચાયતમાં ગામડાંમાંથી થતા સ્થળાંતર મુદ્દે સભ્યનો પ્રતિકાત્મક વિરોધ

✍️ रिपोर्टर: Rangpara Shaileshbhai 🗓 10 अक्टू. 2026, 12:24 PM 👁 85
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post

સાવરકુંડલા તાલુકા પંચાયતના સભ્ય નિર્મળ વાટલિયાએ ગામડાંમાંથી યુવાનો અને પરિવારોના શહેરો તરફ થઈ રહેલા સ્થળાંતરના મુદ્દે સામાન્ય સભામાં પ્રતિકાત્મક વિરોધ નોંધાવ્યો હતો.

સાવરકુંડલા તાલુકા પંચાયતની સામાન્ય સભામાં તાલુકા પંચાયતના સભ્ય નિર્મળ વાટલિયાએ ગામડાંમાંથી યુવાનો અને પરિવારોના શહેરો તરફ થઈ રહેલા સ્થળાંતરના ગંભીર મુદ્દે રજૂઆત સાથે પ્રતિકાત્મક વિરોધ નોંધાવ્યો હતો.

નિર્મળ વાટલિયાએ જણાવ્યું હતું કે, ગામડાંઓમાં રોજગારની તકો, સારા રસ્તા, શિક્ષણ, આરોગ્ય, પીવાનું પાણી અને સિંચાઈ જેવી પાયાની સુવિધાઓનો અભાવ હોવાને કારણે ગામડાં ખાલી થઈ રહ્યા છે. આજે અનેક ગામોમાં ઘેર-ઘેર તાળા જોવા મળી રહ્યા છે અને યુવાનો રોજગાર મેળવવા માટે શહેરોમાં જવા મજબૂર બની રહ્યા છે.

તેમણે ગામડાંમાંથી થતા પલાયનને એક ગંભીર સમસ્યા ગણાવીને તાલુકા પંચાયતની સામાન્ય સભામાં આ મુદ્દે સત્તાવાર ચર્ચા કરવાની માંગ કરી હતી. આ ઉપરાંત, સરકારી યોજનાઓ અને પંચાયતની ગ્રાન્ટનો અસરકારક ઉપયોગ કરીને ગ્રામ્ય વિસ્તારોમાં સુવિધાઓ વિકસાવવા તથા રોજગારલક્ષી સમયબદ્ધ આયોજન કરવાની પણ તેમણે માંગ કરી હતી.
📲Get App