🔥 ट्रेंडिंग Sarkari school hua chhori Swami Aseemanand’s radical service to... ଢେଙ୍କାନାଳ ଜିଲ୍ଲାରେ ବାତ୍ୟା 'ଆକଭାନ' ନିମି... ସାଇକ୍ଲୋନ୍ ଆକ୍ବାନ୍: ଢେଙ୍କାନାଳ ପୌରପାଳିକା... अमेरिकी कंपनियों ने भारत में डिज़ाइन व... अहमदाबाद में तीसरा ऑल इंडिया पुलिस बैड...
20 नव. 2026•
ગુજરાતી मराठी ਪੰਜਾਬੀ বাংলা
अपराध

રાજુલાના હિંડોરણા ગામે વેપારીને જમીન મામલે જાનથી મારી નાખવાની ધમકી

✍️ रिपोर्टर: Rangpara Shaileshbhai 🗓 10 अक्टू. 2026, 11:48 AM 👁 76
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post

રાજુલાના હિંડોરણા ગામે એક વેપારીને પોતાની માલિકીની જમીનમાંથી માટી ઉપાડવા બાબતે પૂછતાં આરોપીઓએ જાનથી મારી નાખવાની ધમકી આપી હતી. આ ઉપરાંત, વેપારીના પુત્રને પણ ધમકાવવામાં આવ્યો હતો.

રાજુલાના હિંડોરણા ગામે રહેતા વેપારી આનુભાઈ ઉકાભાઈ મકવાણા (ઉ.વ. ૫૪) ને તેમની માલિકીની જમીનમાંથી માટી ઉપાડવા બાબતે પૂછતાં આરોપીઓએ જાનથી મારી નાખવાની ધમકી આપી હતી. આ બનાવ અંગે વેપારીએ ધર્મેશ ધનશ્યામભાઈ ઝીંઝાળા, ચિરાગ ઝીંઝાળા અને દીપક ધનશ્યામભાઈ ઝીંઝાળા સામે રાજુલા પોલીસ મથકે ફરિયાદ નોંધાવી છે.

પોલીસમાં જાહેર થયેલી વિગતો અનુસાર, ફરિયાદી વેપારી નવી માંડરડી ગામે ગયા હતા. તે દરમિયાન સાંજના આશરે સાડા પાંચેક વાગ્યાના અરસામાં હિંડોરણા ગામે આવેલી તેમની માલિકીના સર્વે નંબર ૬૪ પૈકી ૩ તિરૂપતિ હાઉસિંગના પ્લોટ નંબર ૯ માંથી ટ્રેક્ટર અને જેસીબી વડે માટી ઉપાડીને નુકશાન કરવામાં આવ્યું હતું.

આ અંગે વેપારીએ આરોપી ધર્મેશ અને ચિરાગને પૂછતાં ધર્મેશે ઉશ્કેરાઈને કહ્યું કે, 'હવે જો માટી બાબતે પૂછશો તો જીવતો નહીં રહેવા દઉં' તેમ કહી જાનથી મારી નાખવાની ધમકી આપી હતી. આ ઉપરાંત, આરોપી દીપકે વેપારીના પુત્ર મહેશભાઈને ફોન કરીને 'તારા પિતાને સમજાવી દેજે ગાળો ન બોલે, નહીંતર મજા નહીં આવે' તેમ કહી ધમકી આપી હતી. આરોપીઓએ પ્લોટમાંથી માટી કાઢીને આશરે રૂ. ૪૦,૦૦૦ નું નુકશાન કર્યું હતું.

આ બનાવ અંગે રાજુલા પોલીસ સ્ટેશનના હેડ કોન્સ્ટેબલ જે. જે. કાતરિયા વધુ તપાસ ચલાવી રહ્યા છે. વારંવાર ધમકી આપવામાં આવતા આરોપીઓ સામે કાયદેસરની કાર્યવાહી કરવામાં આવી છે.
📲Get App