🔥 TRENDING Pro Hockey League 2026 kicks off today... Punjab National Bank Shares Reach Fres... Punjab Chemicals shares plunge to 52-w... Assam Evicted Families Hit by Bulldoze... Assam Chosen as Partner State for Vibr... Assam Cabinet Sanctions Creation of Si...
20 Nov 2026•
ગુજરાતી मराठी ਪੰਜਾਬੀ বাংলা
લીલીયાના ગોઢાવદર ગામે ખેડૂતની વાડીમાંથી જટકા મશીનની બેટરી ચોરાઈ
Crime

લીલીયાના ગોઢાવદર ગામે ખેડૂતની વાડીમાંથી જટકા મશીનની બેટરી ચોરાઈ

✍️ Reporter: Rangpara Shaileshbhai 🗓 09 Oct 2026, 02:50 PM 👁 85
Share: 💬 WhatsApp 📘 Facebook 𝕏 Post

લીલીયા તાલુકાના ગોઢાવદર ગામમાં ખેડૂત પરેશભાઈ શંભુભાઈ ગજેરાની વાડીમાંથી રાત્રિ દરમિયાન અજાણ્યા શખ્સો દ્વારા જટકા મશીનની બેટરી ચોરી કરવામાં આવી છે. આ ઘટનાને પગલે ખેડૂતોમાં ચિંતા અને રોષ જોવા મળી રહ્યો છે.

લીલીયા તાલુકાના ગોઢાવદર ગામે ખેડૂત પરેશભાઈ શંભુભાઈ ગજેરાની વાડીમાંથી જટકા મશીનની બેટરી ચોરી થયાના સમાચાર સામે આવ્યા છે. મળતી માહિતી મુજબ, રાત્રિના સમયે અજાણ્યા શખ્સો વાડીમાં પ્રવેશ કરી જટકા મશીનની બેટરી ચોરી કરી ફરાર થઈ ગયા હતા. આ બનાવને પગલે સ્થાનિક ખેડૂતોમાં ચિંતાનું મોજું ફરી વળ્યું છે.

છેલ્લા કેટલાક સમયથી વાડી વિસ્તારોમાં ચોરીના બનાવો વધી રહ્યા હોવાનું જાણવા મળે છે. આશરે ૧૫ દિવસ અગાઉ પણ દેવચંદભાઈ સખીયાની વાડીમાં ચોરીનો બનાવ બન્યો હતો. ત્યારબાદ હવે ફરી ચોરી થતાં ખેડૂતોમાં રોષ ફેલાયો છે અને તેઓ સુરક્ષા અંગે ચિંતિત બન્યા છે.

ખેડૂતોનું કહેવું છે કે ચોરી ગયેલી વસ્તુઓ પરત મળતી નથી, જેથી આવા બનાવો અટકાવવા માટે પોલીસ દ્વારા વાડી વિસ્તારોમાં રાત્રિ પેટ્રોલિંગ વધારવાની તાતી જરૂર છે. આ અંગે પોલીસ ફરિયાદ નોંધાવવાની તજવીજ હાથ ધરાઈ શકે છે.
📲Get App