🔥 TRENDING ਪੰਜਾਬ ਦੇ ਕੈਬਿਨੇਟ ਮੰਤਰੀ ਮਹਿੰਦਰ ਭਗਤ ਨੇ ਜ... काशी जोन पुलिस ने वाराणसी में व्यापक प... Scindia and Samrat discuss expanding t... Six dead as car returning from pre-wed... Bihar Chief Secretary Pratyaya Amrit u... રાજીવ ગાંધી ભવનમાં રણદીપસિંહ સુરજેવાલા...
19 Nov 2026•
ગુજરાતી मराठी ਪੰਜਾਬੀ বাংলা
સાબરકાંઠા પોલીસે પોશીનામાંથી ૧૩ કિલોથી વધુ ગાંજાના છોડ સાથે એક આરોપીને ઝડપી પાડ્યો
Crime

સાબરકાંઠા પોલીસે પોશીનામાંથી ૧૩ કિલોથી વધુ ગાંજાના છોડ સાથે એક આરોપીને ઝડપી પાડ્યો

✍️ Reporter: Kalpeshkumar Narayanbhai Panchal 🗓 09 Oct 2026, 06:58 PM 👁 75
Share: 💬 WhatsApp 📘 Facebook 𝕏 Post

સાબરકાંઠા એન્ટી નાર્કોટીક્સ વીંગ પોલીસે પોશીના પોલીસ સ્ટેશન વિસ્તારમાંથી ૧૩.૧૪૩ કિલોગ્રામ ગાંજાના વાવેતર કરેલા છોડ સાથે એક આરોપીને ઝડપી પાડ્યો છે. આ કાર્યવાહી આગામી નવરાત્રીના તહેવાર દરમિયાન કાયદો અને વ્યવસ્થા જાળવવાના ભાગરૂપે કરવામાં આવી હતી.

સાબરકાંઠા જીલ્લામાં નાર્કોટીક્સની ગેરકાયદે પ્રવૃત્તિઓ પર લગામ કસવા માટે પોલીસ દ્વારા સઘન કામગીરી કરવામાં આવી રહી છે. જેના ભાગરૂપે, સાબરકાંઠા એન્ટી નાર્કોટીક્સ વીંગ પોલીસે પોશીના પોલીસ સ્ટેશન વિસ્તારમાંથી દોતડ ગામના રહેવાસી પ્રવિણભાઇ બાબુભાઇ તરાલને તેના ખેતરમાંથી ૧૦ નંગ ગાંજાના છોડ, જેનું વજન ૧૩.૧૪૩ કિલોગ્રામ છે, તે સાથે ઝડપી પાડ્યો છે. આ મુદ્દામાલની અંદાજિત કિંમત રૂપિયા ૫,૫૭,૧૫૦/- આંકવામાં આવી છે.

નાયબ પોલીસ મહાનિરીક્ષકશ્રી વિરેન્દ્રસિંહ યાદવ સાહેબ અને પોલીસ અધિક્ષકશ્રી ડૉ. પાર્થરાજસિંહ ગોહિલ સાહેબ દ્વારા આગામી નવરાત્રીના તહેવારને ધ્યાનમાં રાખીને જીલ્લામાં કાયદો અને વ્યવસ્થા જળવાઇ રહે તે માટે નાર્કોટીક્સ સંબંધિત કામગીરી કરવા સ્પષ્ટ સુચનાઓ આપવામાં આવી હતી. આ સુચનાઓના પાલનમાં, પો.ઇન્સ. શ્રી. એલ.જે.વાળા, એન્ટી નાર્કોટીક્સ વીંગ, સાબરકાંઠાના માર્ગદર્શન હેઠળ અને પો.સ.ઈ. શ્રી. આર.કે. ગજ્જરના નેતૃત્વ હેઠળ એન્ટી નાર્કોટીક્સ વીંગનો સ્ટાફ પોશીના પોલીસ સ્ટેશન વિસ્તારમાં પેટ્રોલીંગ કરી રહ્યો હતો.

પેટ્રોલીંગ દરમિયાન, આ.પો.કોન્સ. સુમતીભાઇ ચંદુભાઇ (બ.નં- ૨૪૮) ને ખાનગી બાતમીદાર પાસેથી ચોક્કસ બાતમી મળી હતી કે દોતડ ગામમાં રોડની સાઇડમાં આવેલા પ્રવિણભાઇ બાબુભાઇ તરાલના રહેણાંક મકાનની બાજુમાં આવેલા તેમના કબજા ભોગવટાના ખેતરમાં ગાંજાનું વાવેતર કરવામાં આવ્યું છે. આ બાતમીના આધારે, પોલીસ તાત્કાલિક પંચોની રૂબરૂમાં સદર જગ્યાએ તપાસ કરવા પહોંચી હતી.

તપાસ દરમિયાન, આરોપીના કબજા ભોગવટા હેઠળના કપાસના વાવેતરવાળા ખેતરમાં, કપાસની આડમાં ઉગાડવામાં આવેલા માદક પદાર્થ ગાંજાના છોડ મળી આવ્યા હતા. પોલીસે તાત્કાલિક અસરથી આ ગાંજાના છોડ અને માટીના નમૂના (કંટ્રોલ સેમ્પલ અને એફ.એસ.એલ. સેમ્પલ) કબજે લીધા હતા. ત્યારબાદ, મુદ્દામાલ હસ્તગત કરી આરોપી પ્રવિણભાઇ બાબુભાઇ તરાલને અટક કરી પોશીના પોલીસ સ્ટેશન ખાતે સુપરત કરવામાં આવ્યો હતો, જ્યાં તેની વિરુદ્ધ કાયદેસરની કાર્યવાહી હાથ ધરવામાં આવી છે.
📲Get App