🔥 TRENDING Jharkhand Government Publishes List of... Jharkhand ambulance services suspended... Virender Sehwag Supports MS Dhoni’s Re... Pakistani Man Disguises as Woman in Au... Manorama News airs Speed News at 9:30 ... Chandrapur Police Bust 54 Organized Cr...
20 Nov 2026•
ગુજરાતી मराठी ਪੰਜਾਬੀ বাংলা
Crime

જસદણ: સાણથલી ગામે ખેડૂતની જમીન પચાવી પાડવાના કેસમાં પિતા-પુત્ર સહિત ૩ ઝડપાયા

✍️ Reporter: Rangpara Shaileshbhai 🗓 09 Oct 2026, 03:20 PM 👁 73
Share: 💬 WhatsApp 📘 Facebook 𝕏 Post

જસદણના સાણથલી ગામે વ્યાજખોરીના કારણે ખેડૂતની જમીન પચાવી પાડવાનો ચોંકાવનારો કિસ્સો સામે આવ્યો છે. આ મામલે પોલીસે પિતા-પુત્ર સહિત ત્રણ આરોપીઓની ધરપકડ કરી છે.

જસદણ તાલુકાના સાણથલી ગામે વ્યાજખોરીનો એક ચોંકાવનારો કિસ્સો પ્રકાશમાં આવ્યો છે. એક ખેડૂતે માસિક ૩ ટકાના ઊંચા વ્યાજે સાડા પાંચ લાખ રૂપિયા લીધા હતા. સમયસર નાણાં પરત ચૂકવી ન શકતા, વ્યાજખોરોએ ધાકધમકી આપીને જમીનના સિક્યુરિટી વેચાણ દસ્તાવેજ કરાવી લીધા હોવાનો ગંભીર આક્ષેપ કરવામાં આવ્યો છે.

ખેડૂતે પોતાની જમીન પરત માંગતા, વ્યાજના વ્યાજ સહિત કુલ ૫૦ લાખ રૂપિયાની માંગણી કરવામાં આવી હતી. આ સમગ્ર મામલે ખેડૂતે આટકોટ પોલીસ મથકે ફરિયાદ નોંધાવતા પોલીસે ત્રણ આરોપીઓ સામે ગુનો નોંધી કાયદેસરની કાર્યવાહી હાથ ધરી છે.

પ્રાપ્ત માહિતી અનુસાર, વર્ષ ૨૦૧૮માં જસદણ મામલતદાર કચેરી ખાતે આ દસ્તાવેજ કરવામાં આવ્યો હતો. જ્યારે ખેડૂતે પોતાની જમીન પાછી માંગવાનો પ્રયાસ કર્યો ત્યારે તેને હાથ-પગ તોડી નાખવાની, જાનથી મારી નાખવાની અને ગામમાંથી હાંકી કાઢવાની ધમકીઓ આપવામાં આવી હતી, જે અંગે ખેડૂતે ફરિયાદમાં જણાવ્યું છે.

આખરે, પીડિત ખેડૂતે રાજકોટ ગ્રામ્ય પોલીસ અધિક્ષક (SP) કચેરીનો સંપર્ક સાધ્યો હતો. ખેડૂતે કરેલી ફરિયાદ બાદ પોલીસે તાત્કાલિક તપાસ હાથ ધરી હતી અને આ કેસમાં સંડોવાયેલા પિતા-પુત્ર સહિત કુલ ત્રણ આરોપીઓને ઝડપી પાડ્યા છે.
📲Get App